Сыбайлас жемқорлыққа қарсы іс-қимыл-біздің ортақ міндетіміз
Мемлекет басшысы сыбайлас жемқорлыққа қарсы іс-қимыл жөніндегі жұмыстың маңыздылығын ұдайы атап өтіп, оның орнықты дамуды қамтамасыз етудегі және азаматтардың билікке деген сенімін арттырудағы басты рөлін атап өтті. Ол өз сөздерінде сыбайлас жемқорлық орын алмайтын ашық және есеп беретін мемлекеттік жүйені құру қажеттілігіне баса назар аударады.
Осакаров ауданы әкімі аппаратының негізгі міндеті профилактикалық жұмыстар арқылы сыбайлас жемқорлыққа ықпал ететін жағдайлардың алдын алу болып табылады.
Ағымдағы жылдың 9 айында осы бағытта 150-ден астам іс-шара, соның ішінде сыбайлас жемқорлыққа қарсы мобильді топтың жергілікті тұрғындармен кездесулері өткізілді.
Білім беру саласында 30-дан астам сыбайлас жемқорлыққа қарсы іс-шаралар, соның ішінде сынып сағаттары, парасаттылық сағаттары, жастар арасындағы әңгімелер мен конкурстар іске асырылды.
Сондай-ақ, сыбайлас жемқорлыққа қарсы тақырыпта 30 баннер дайындалып орналастырылды, пікірталастар, суреттер мен эсселер конкурстары ұйымдастырылды, халық арасында сыбайлас жемқорлыққа қарсы материалдарды тарата отырып, сыбайлас жемқорлыққа төзбеушілік ахуалын қалыптастыру бойынша акциялар өткізілді.
Бұдан басқа, бұқаралық ақпарат құралдары, интернет және әлеуметтік желілер арқылы ақпараттық-насихаттау жұмыстары үнемі жүргізіліп тұрады, бұл азаматтардың сыбайлас жемқорлыққа қарсы күрестің маңыздылығы туралы хабардарлығын арттыруға және сыбайлас жемқорлық көріністерінен азат қоғамдық сананы қалыптастыруға ықпал етеді.
Мемлекеттік қызметтерді алу ыңғайлылығы үшін мемлекеттік органдарда ұйымдастыру техникасымен және ақпараттық стендтермен жарақтандырылған «Өзіне-өзі қызмет көрсету бұрыштары» құрылды. Сондай-ақ мүмкіндігі шектеулі азаматтар үшін жағдайлар қамтамасыз етілді, ол үшін пандустар мен шақыру түймелері орнатылды, бұл оларға қолжетімді және сапалы қызметтерді алуға мүмкіндік береді.
2024 жылдың бірінші жартыжылдығында мемлекеттік органдарда барлығы 4085 Мемлекеттік қызмет көрсетілді, оның 3239-ы (79,3%) электронды түрде көрсетілді.
Мемлекеттік қызмет көрсету сапасын арттыру үшін тұрақты тексерулер мен мониторингтер жүргізілуде, оның нәтижелері алдағы жұмыстардың негізіне айналады. Ағымдағы жылдың бірінші жартыжылдығында мемлекеттік қызмет көрсету сапасына 3 бақылау іс-шарасы және 1 мониторинг жүргізілді. Тексерулер барысында заң бұзушылықтар анықталмады, бұл көрсеткіш осы бағыттағы жұмыстың тиімді екенін көрсетеді.
Сыбайлас жемқорлыққа қарсы іс-қимылдың маңызды элементі мемлекеттік органдардың қызметкерлерін оқыту болып табылады. Тұрақты тренингтер мен семинарлар сыбайлас жемқорлыққа қарсы сананы қалыптастыруға және қызметкерлердің біліктілігін арттыруға көмектеседі.
Ағымдағы жылы № 4 (ТБН-4) үлгілік базалық бағыт шеңберінде мемлекеттік қызметке алғаш кіргендерді қоса алғанда, мемлекеттік қызметшілер үшін сыбайлас жемқорлыққа қарсы оқыту бағдарламасы көзделген.
Бағдарламаның маңызды элементі «Documentolog» АЖ платформасында «Сыбайлас жемқорлыққа қарсы іс-қимыл негіздері, сыбайлас жемқорлыққа қарсы заңнама талаптары» тақырыбындағы сыбайлас жемқорлыққа қарсы онлайн курсы болды, сол бойынша аудан әкімдігінің құрылымына кіретін мекемелердің 99 мемлекеттік қызметшісі (66%) оқудан өтті.
Атқарылып жатқан жұмыстарға қарамастан, сыбайлас жемқорлық мемлекеттік органдарда әлі де бір мәселе болып қалуда, өкінішке орай, біздің аудан да шет қалмады. Сондықтан сыбайлас жемқорлыққа қарсы күрес жүйелі көзқарас пен кешенді шараларды қажет етеді. Сыбайлас жемқорлық көріністерінен азат қоғам құру мен тұрақты дамуға жәрдемдесу үшін ашық және адал ортаны қалыптастыру бойынша барлық деңгейде жұмысты күшейту қажет. Бұл күресте әр азаматтың рөлі бар және тек бірлескен күш-жігер айтарлықтай нәтижелерге қол жеткізуге көмектеседі.
Осакаров ауданының әкімі
Р.Нурмуханбетов