«Осакаров ауданында көппәтерлі тұрғын үйдің күрделі жөндеуіне байланысты пәтерлер мен тұрғын емес үй-жайлар меншік иелері тарапынан қаражаттың қайтарымдылығын қамтамасыз ету қағидаларын бекіту туралы»

Қазақстан Республикасы "Тұрғын үй қатынастары туралы" Заңының 10-3-бабы 2-тармағының 11) тармақшасына, Қазақстан Республикасы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 31-бабы 1-тармағының 16-5) тармақшасына, Қазақстан Республикасы Индустрия және инфрақұрылымдық даму министрінің 2020 жылғы 29 сәуірдегі № 246 «Кондоминиум объектісінің ортақ мүлкіне күрделі жөндеу жүргізу тәртібін бекіту туралы» бұйрығына (Нормативтік құқықтық актілерді мемлекеттік тіркеу тізілімінде № 20536 болып тіркелген) сәйкес, Осакаров ауданының әкімдігі ҚАУЛЫ ЕТЕДІ:

  1. Осакаров ауданында көппәтерлі тұрғын үйдің күрделі жөндеуіне байланысты пәтерлер мен тұрғын емес үй-жайлар меншік иелері тарапынан қаражаттың қайтарымдылығын қамтамасыз ету қағидаларын бекіту туралы қоса беріліп отырған Қағидалар бекітілсін..
  2. «Осакаров ауданының тұрғын үй-коммуналдық шаруашылық, жолаушылар көлігі, автомобиль жолдары эіне тұрғын үй инспекциясы бөлімі» мемлекеттік мекемесіне Қазақстан Республикасының заңнамасында белгіленген тәртіпте:

1) осы қаулының Қазақстан Республикасының Әділет министрлігінде мемлекеттік тіркелуін;

2) осы қаулының ресми жарияланғанынан кейін оның Осакаров ауданы әкімдігінің интернет-ресурсында орналастырылуын қамтамасыз етсін.

  1. Осы қаулының орындалуын бақылау Осакаров ауданы әкімінің жетекшілік ететін орынбасарына жүктелсін.
  2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

 

 

Осакаров ауданының әкімі                                          Р.Нурмуханбетов                                                                

 

 

 

 

 

 

 

Осакаров ауданы әкімдігінің

2026 жылғы «___» ___________

№ ______/______ қаулысына

қосымша

 

 

Осакаров ауданында көппәтерлі тұрғын үйдің күрделі жөндеуіне байланысты пәтерлер мен тұрғын емес үй-жайлар меншік иелері тарапынан қаражаттың қайтарымдылығын қамтамасыз ету

қағидаларын бекіту туралы

 

1 тарау. Жалпы қағидалар

 

  1. Осы Осакаров ауданы бойынша көппәтерлі тұрғын үйдің күрделі жөндеуіне байланысты пәтерлердің, тұрғын емес үй-жайлардың меншік иелері тарапынан қаражаттың қайтарымдылығын қамтамасыз ету қағидалары (бұдан әрі – Қағидалар) «Тұрғын үй қатынастары туралы» Қазақстан Республикасы Заңының 10-3-бабы 2-тармағының 11) тармақшасына сәйкес әзірленген және Осакаров ауданында көппәтерлі тұрғын үйдің күрделі жөндеуіне байланысты пәтерлер мен тұрғын емес үй-жайлар меншік иелері тарапынан қаражаттың қайтарымдылығын қамтамасыз ету тәртібін айқындайды.
  2. Осы Қағидаларда келесі негізгі ұғымдар қолданылады:

1) кондоминиум объектісі – дара (бөлек) меншіктегі пәтерлерден, тұрғын емес үй-жайлардан, орынтұрақ орындарынан, қоймалардан және дара (бөлек) меншікте болмайтын және пәтерлердің, тұрғын емес үй-жайлардың, орынтұрақ орындарының, қоймалардың меншік иелеріне көппәтерлі тұрғын үй тұрған біртұтас бөлінбейтін жер учаскесін және (немесе) үй жанындағы жер учаскесін қоса алғанда, ортақ үлестік меншік құқығымен тиесілі ортақ мүліктен тұратын біртұтас мүліктік кешен;

2) кондоминиум объектісін басқару – пәтерлер, тұрғын емес үй-жайлар, орынтұрақ орындары, қоймалар меншік иелерінің қауіпсіз және жайлы тұру (болу) жағдайларын қамтамасыз етуге, сондай-ақ кондоминиум объектісінің ортақ мүлкін тиісінше күтіп-ұстауға, оны пайдалану тәртібін реттеуге, коммуналдық көрсетілетін қызметтерді ұсынуды ұйымдастыруға бағытталған іс-шаралар кешені;

3) көппәтерлі тұрғын үй - ортақ үлестік меншік болып табылатын кондоминиум объектісінің ортақ мүлкінен және көппәтерлі тұрғын үйге іргелес жатқан жер учаскесіне не кондоминиум объектісі ортақ мүлкінің өзге де бөліктеріне дербес шығатын жерлері бар екі және одан көппәтерлерден, тұрғын емес үй-жайлардан тұратын, біртұтас бөлінбейтін жер учаскесінде біртұтас іргетасы бар жеке тұрған ғимарат;

4) көппәтерлі тұрғын үй пәтерлері, тұрғын емес үй-жайлары меншік иелерінің жиналысы (бұдан әрі – жиналыс) – кондоминиум объектісін басқаруға байланысты шешімдерді ұжымдық талқылауды және (немесе) қабылдауды қамтамасыз ететін кондоминиум объектісін басқарудың жоғары органы.

  1. Пәтерлердің, тұрғын емес үй-жайлардың меншік иелері кондоминиум объектісін басқару және кондоминиум объектісінің ортақ мүлкіне ағымдағы және күрделі жөндеу жүргізуді қоса алғанда, оның қауіпсіз пайдаланылуын қамтамасыз ету жөнінде шаралар қабылдайды.

 

 

2-Тарау. Көппәтерлі тұрғын үйдің күрделі жөндеуіне

байланысты шығындарды пәтерлер мен тұрғын емес

үй-жайлар меншік иелерінің өтеу тәртібі.

 

  1. «Осакаров ауданының тұрғын үй-коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімі» мемлекеттік мекемесі көппәтерлі тұрғын үйлердің күрделі жөндеуді қажет ететін үйлерінің тізбесін пәтерлер мен тұрғын емес үй-жайлар меншік иелерінің күрделі жөндеуге байланысты шығындарды өтеу туралы өтініштері негізінде айқындайды.
  2. Бекітілген көппәтерлі тұрғын үйлердің күрделі жөндеуді қажет ететін тізбесі негізінде «Осакаров ауданының тұрғын үй-коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімі» мемлекеттік мекемесі мынадай жұмыстарды жүзеге асырады:

1) көппәтерлі тұрғын үйлердің пәтерлер мен тұрғын емес үй-жайлар меншік иелерінің күрделі жөндеуге байланысты шығындарды өтеу шартымен қаражаттың қайтарылуын қамтамасыз етуге келісу немесе келіспеу мәселесі бойынша меншік иелерінің жиналысын ұйымдастыру;

2) көппәтерлі тұрғын үйлердің пәтерлер мен тұрғын емес үй-жайлар меншік иелерін (олар болған жағдайда) жоспарланған жұмыстар және оларды жүргізудің болжамды мерзімдері туралы хабардар ету.

  1. Егер жиналысқа пәтерлер, тұрғын емес үй-жайлар меншік иелерінің жалпы санының жартысынан көбі қатысса, жиналыс шешім қабылдауға құқылы.
  2. Жиналыста теріс шешім қабылданған жағдайда, көппәтерлі тұрғын үйге байланысты күрделі жөндеу жұмыстары жүргізілмейді.
  3. Көппәтерлі тұрғын үйге күрделі жөндеу жұмыстарын пәтерлер мен тұрғын емес үй-жайлар меншік иелерінің қайтарымды қаражаты есебінен жүргізу мамандандырылған уәкілетті ұйым арқылы жүзеге асырылады.

Мамандандырылған уәкілетті ұйым «Мемлекеттік сатып алу туралы» Қазақстан Республикасының Заңында белгіленген тәртіппен айқындалады.

  1. Көппәтерлі тұрғын үйді күрделі жөндеу бойынша жұмыстарды ұйымдастыру бюджеттік бағдарламаның әкімшісі арқылы жүзеге асырылады.

 

 

 

Дата публикации
04 июня 2026