Осакаров ауданы әкімдігінің «Осакаров ауданы аумағында барлық кандидаттар үшін үгіттік баспа материалдарын орналастыру орындарын айқындау туралы» қаулысының жобасы Қазақстан Республикасының «Қазақстан Республикасындағы сайлау туралы» Конституциялық заңының 28-бабының 6-тармағына сәйкес әзірленді.
Қаулы жобасында Осакаров аудандық сайлау комиссиясымен бірлесіп, сайлау науқандары кезеңінде Осакаров ауданы аумағында барлық кандидаттар үшін үгіттік баспа материалдарын орналастыруға арналған арнайы орындарды айқындау көзделеді.
Қаулы жобасына қосымшада Осакаров ауданының елді мекендерінің тізбесі үгіттік баспа материалдарын орналастыруға арналған ақпараттық стендтердің нақты орналасқан орындарын көрсете отырып бекітіледі.
Жобаны қабылдау азаматтардың сайлау құқықтарын іске асыруды қамтамасыз етуге, барлық кандидаттар үшін сайлауалды үгіт жүргізу кезінде тең жағдайлар жасауға, сондай-ақ аудан аумағында үгіттік материалдарды орналастыруды ретке келтіруге бағытталған.
Қаулы жобасы Қазақстан Республикасының сайлау туралы заңнамасының талаптарын ескере отырып әзірленді және сайлау процесінің ашықтығы мен ұйымдастырылуын қамтамасыз етуге бағытталған.
Осы қаулыны қабылдау жергілікті бюджеттен қаржылық шығындарды талап етпейді.
Осакаров ауданы әкімдігі қаулысы жобасының қабылдануы теріс әлеуметтік-экономикалық және (немесе) құқықтық салдарға әкеп соқпайды.