Мемлекеттік қызмет туралы
Қазақстанда мемлекеттік қызметті реформалау мемлекет тәуелсіздігіне қол жеткізген кезден басталды. Қазақстан Республикасының "Мемлекеттік қызмет туралы" Заңының негізінде 1999 жылы реформалар серпінді жүзеге асырылды, Мемлекеттік қызметтің нормативтік-құқықтық базасы әзірленді. "Қазақстан Республикасы мемлекеттік қызметінің жаңа моделінің тұжырымдамасы туралы" Қазақстан Республикасы Президентінің Жарлығымен (бұдан әрі-тұжырымдама) 2011 жылы қазақстандық мемлекеттік қызмет жүйесі қалыптастырылады.
Қазақстан Республикасындағы мемлекеттік қызмет оның жұмыс істеуінің белгілі бір қағидаттарына негізделеді, белгілі бір әдеп нормаларын басшылыққа алады. Мемлекеттік қызметтің қазақстандық моделі шет мемлекеттердің озық тәжірибесін және басқару мәдениетінің ұлттық дәстүрлерін біріктіреді.
"Мемлекеттік қызмет туралы" ҚР Заңына сәйкес "мемлекеттік қызметші - заңнамада белгіленген тәртіппен республикалық немесе жергілікті бюджеттерден не ҚР Ұлттық Банкінің қаражатынан мемлекеттік органда ақы төленетін лауазымды атқаратын және мемлекеттің міндеттері мен функцияларын іске асыру мақсатында лауазымдық өкілеттіктерді жүзеге асыратын Қазақстан Республикасының азаматы"