GOV.KZ – Мемлекеттік органдардың цифрлық ресурстарының бірыңғай платформасы
- Зейнетақы активтерін кім басқарады?
Зейнетақы активтерін инвестициялық басқаруды Қазақстан Республикасының Ұлттық Банкі (ҚРҰБ), сондай-ақ 2021 жылдан бастап тиісті лицензиясы бар және уәкілетті органның талаптарына сай келетін инвестициялық портфельді басқарушылар (ИПБ) жүзеге асырады. Мұндай сенімгерлік басқарудың негізгі мақсаты – зейнетақы жинақтарын түрлі қаржы құралдарына инвестициялап, табыс алу.
Зейнетақы активтерін басқарушылар – ҚРҰБ пен ИПБ-лардың зейнетақы активтерін инвестициялау бойынша өзіндік стратегиясы бар және олар инвестициялық портфельдің құрылымын инвестициялық декларация шеңберінде дербес айқындайды.
Қолданыстағы ИПБ тізіліміне қазақстандықтар зейнетақы жинақтарын сенімгерлік басқаруға бере алатын 6 жеке компания кіреді:
«Alatau City Invest» АҚ, «BCC Invest» АҚ, «Сентрас Секьюритиз» АҚ, «Halyk Finance» АҚ, «Halyk Global Markets» АҚ, «Tansar Capital» АҚ. (Бұл ретте «Halyk Global Markets» АҚ «БЖЗҚ» АҚ-ға 2027 жылдан бастап сенімгерлік басқару шартын бұзатыны туралы хабарлаған. Осыған байланысты, 2026 жылғы 1 қаңтардан бастап Қор зейнетақы жинақтарын осы компанияға аудару туралы өтініштерді қабылдамайды).
www.enpf.kz сайтындағы «Қызметтер» – «Инвестициялық портфельді басқарушылар тізілімі» бөлімінен, сондай-ақ invest.enpf.kz ақпараттық интернет-платформасы арқылы ИПБ туралы ақпаратпен танысып, олардың инвестициялық декларацияларын зерделеуге болады.
- Заңнамалық өзгерістерге сәйкес міндетті зейнетақы жарналары және міндетті кәсіптік зейнетақы жарналары есебінен қалыптастырылған зейнетақы жинақтарының 100%-на дейін инвестициялық портфельді басқарушының (ИПБ) басқаруына беруге мүмкіндік қарастырылған. Бұл мүмкіндікті кім пайдалана алады және бұл механизм қалай жүзеге асырылады?
Зейнетақы жинақтарының 100%-на дейін жеке басқарушы компаниялар – ИПБ-ларға сенімгерлік басқаруға беру мүмкіндігін БЖЗҚ-ның барлық салымшылары пайдалана алады. Бұл нормалар 2026 жылғы 7 қыркүйектен бастап күшіне енді.
www.enpf.kz сайтындағы «Қызметтер» – «Инвестициялық портфельді басқарушылар тізілімі» бөлімінен, сондай-ақ invest.enpf.kz ақпараттық интернет-платформасы арқылы ИПБ туралы ақпаратпен танысып, олардың инвестициялық декларацияларын зерделеуге болады.
Жақында бір ИПБ салымшыларға тәуекел деңгейі, күтілетін кірістілік және инвестициялау мерзімі бойынша ерекшеленетін инвестициялық портфельдердің үш түріне дейін – консервативті, қалыпты және тәуекелді портфельдерді ұсына алады.
Зейнетақы активтерінің инвестициялық портфельдерін қалыптастыру тәртібін қаржы нарығы мен қаржы ұйымдарын реттеу, бақылау және қадағалау жөніндегі уәкілетті орган айқындайды.
- Зейнетақы жинақтарын бірнеше басқарушы компания арасында бөлуге бола ма?
Салымшы бір немесе бірнеше ИПБ-ны таңдай алады. Халықты кеңінен хабардар ету мақсатында БЖЗҚ invest.enpf.kz бірыңғай ақпараттық интернет-платформасын іске қосты. Бұл – салымшыларға сенімгерлік басқарушылардың (ҚРҰБ пен ИПБ) басқаруындағы зейнетақы активтерінің портфельдері бойынша түрлі деректерді бір ақпараттық алаңда салыстыруға мүмкіндік беретін заманауи цифрлық ресурс. Салымшы мұнда инвестициялық портфельдерді өз бетінше бағалауға, сондай-ақ өзінің мақсаттары мен күтетін нәтижесіне сай келетін басқарушы компания мен оның инвестициялық стратегиясын таңдауға мүмкіндік беретін құралдарды пайдалана алады.
Бұдан бөлек, invest.enpf.kz платформасында салымшы ИПБ-лардың инвестициялық декларацияларымен танысып, олардың қаржылық көрсеткіштерін талдай алады. Сондай-ақ ИПБ-ларға қатысты реттеуші орган – ҚР Қаржы нарығын реттеу және дамыту агенттігі (ҚР ҚНРДА) тарапынан қолданылған әкімшілік шаралар, санкциялар мен ықпал ету шаралары туралы ақпаратты да (олар болған жағдайда) көре алады.
- Зейнетақы жинақтарын БЖЗҚ-дан басқарушы компанияға беру қалай жүзеге асырылады?
Зейнетақы жинақтарын сенімгерлік басқаруға беру үшін салымшы алдымен ИПБ-ны таңдап, содан кейін белгіленген нысан бойынша өтініш береді.
Өтінішті enpf.kz сайтындағы жеке кабинетте немесе invest.enpf.kz интернет-платформасында электрондық цифрлық қолтаңбаны (ЭЦҚ) пайдалана отырып, сондай-ақ БЖЗҚ-ның кез келген бөлімшесіне барып беруге болады.
Жеке кабинетте салымшы, сондай-ақ:
- ИПБ-ға/ҚРҰБ-қа беруге немесе қайтаруға қолжетімді соманы тексере алады;
- ИПБ-ны таңдау (өзгерту) туралы немесе ИПБ-ның сенімгерлік басқаруындағы зейнетақы жинақтарын ҚРҰБ-тың сенімгерлік басқаруына қайтару туралы өтініш беру ережелері және талаптарымен таныса алады;
- ИПБ-ны таңдау (өзгерту) туралы немесе ҚРҰБ-қа қайтару туралы өтініш беріп, оның мәртебесін қадағалай алады;
- басқа да қолжетімді зейнетақы қызметтерін пайдалана алады.
Зейнетақы жинақтарын сенімгерлік басқаруға аудару туралы берілген өтініштің мәртебесін сайттағы жеке кабинеттен немесе БЖЗҚ-ның мобильді қосымшасынан бақылауға болады.
ИПБ-ға аударуға өтініш беру және оларды БЖЗҚ-да өңдеу рәсімдері толық автоматтандырылған. БЖЗҚ зейнетақы активтерін сенімгерлік басқаруға нормативтік-құқықтық актілерде белгіленген мерзім ішінде береді.
Бұл ретте зейнетақы жинақтарын бір ИПБ-дан екіншісіне аудару немесе оларды ҚРҰБ-тың басқаруына қайтару алғашқы аударылған күннен бастап кемінде бір жыл өткен соң жүзеге асырылуы мүмкін.
- Салымшылар зейнетақы активтерін басқару туралы толық ақпаратты қайдан алып, басқарушы компаниялардың қызмет нәтижелерін қалай бақылай алады?
БЖЗҚ – барлық салымшылар үшін бірыңғай есепке алу және ақпараттық орталық, сондай-ақ активтерді кім басқаратынына қарамастан (ҚРҰБ және/немесе салымшы таңдаған ИПБ) олардың жеке зейнетақы шоттарының операторы.
БЖЗҚ зейнетақы активтерін басқаруға байланысты қолжетімді қызметтер мен сервистерді ұсынады. Азаматтардың зейнетақы жинақтары, оның ішінде инвестициялық табыс ескерілген ақпарат enpf.kz сайтындағы жеке кабинетте немесе БЖЗҚ мобильді қосымшасында 24/7 режимінде берілетін үзінді көшірмелерде толық көрсетіледі.
Әр басқарушының инвестициялық қызметі туралы ақпарат enpf.kz сайтындағы «Статистика және талдау» – «Зейнетақы активтерін инвестициялық басқару» бөлімінде тұрақты түрде жаңартылып отырады.
Сонымен қатар, БЖЗҚ салымшылары үшін invest.enpf.kz ақпараттық интернет-платформасы жұмыс істейді. Бұл – барлық басқарушылардың (ҚРҰБ пен ИПБ) активтерді басқару нәтижелерін өзара салыстыруға мүмкіндік беретін заманауи цифрлық ресурс. Invest.enpf.kz платформасы инвестициялық табыстылық туралы ақпаратқа қол жеткізуге, белгіленген кезең аралығындағы басқарушылар мен олардың инвестициялық портфельдері бойынша деректерді салыстыруға және инвестициялық шешімдерді саналы түрде қабылдауға мүмкіндік береді.
25 тамыз күні Нұра ауданында білім беру қызметкерлерінің дәстүрлі тамыз конференциясы өтті. Биылғы жиын «Жаңа халықтық Конституцияның нормалары мен құндылықтары: адами капиталды дамыту – білім беру жүйесінің стратегиялық негізі» тақырыбына арналды.
Маңызды басқосуға Нұра ауданының әкімі Бақытжан Мұқанов, Нұра ауданының прокуроры Эльдар Тұрсынов, Қарағанды облысының білім басқармасының басшысы Дулат Жекебаев, аудандық білім бөлімінің басшысы Дархан Такишев, білім саласының ардагерлері, білім беру ұйымдарының басшылары мен педагогтер қатысты.
Конференция барысында өткен 2025–2026 оқу жылының қорытындылары сараланып, ауданның білім беру жүйесінде атқарылған жұмыстар мен қол жеткізілген нәтижелер талқыланды. Сонымен қатар жаңа оқу жылына қойылатын негізгі міндеттер мен білім сапасын арттыру бағыттары айқындалды.
Жиында аудандық білім бөлімінің басшысы Дархан Такишев білім беру саласының негізгі көрсеткіштеріне тоқталып, мектепке дейінгі және орта білім беруді дамыту, инклюзивті білім беруді жетілдіру, педагогтердің кәсіби әлеуетін арттыру, оқушылардың қауіпсіздігін қамтамасыз ету және қосымша біліммен қамтуды кеңейту мәселелері бойынша баяндама жасады.
Бүгінде ауданда 29 мектепте 3,5 мыңнан астам оқушы білім алуда. 2025–2026 оқу жылының қорытындысы бойынша білім сапасы 60 пайызды құрап, өткен жылмен салыстырғанда 1 пайызға өскен. Ауданда 725 педагог еңбек етсе, олардың 71 пайызы жаңа форматтағы біліктілік санаттарына ие. Ал жаңа оқу жылында 175 педагогтің біліктілігін арттыру курстарынан өтуі жоспарланған.
Білім беру ұйымдарының материалдық-техникалық базасын нығайтуға да ерекше көңіл бөлінуде. 2026 жылы ауданның білім беру ұйымдарын ұстау және дамытуға 7 млрд 702 млн 721 мың теңге бөлініп, 10 мектеп пен 1 бөбекжай-балабақшада ағымдағы жөндеу жұмыстары жүргізілді.
Сондай-ақ конференция барысында инклюзивті білім беруді дамыту, ауыл мектептерінің әлеуетін арттыру, цифрлық технологиялар мен жасанды интеллектіні оқу процесінде тиімді пайдалану, оқушылардың кәсіби бағдарын күшейту, техникалық және кәсіптік біліммен сабақтастықты дамыту мәселелеріне басымдық берілді.
Қарағанды облысы білім басқармасының басшысы Дулат Жекебаев 2026–2027 оқу жылындағы оқу процесін ұйымдастырудың ерекшеліктеріне тоқталып, білім беру жүйесінің алдына қойылған міндеттер мен алдағы кезеңдегі басым бағыттарды атап өтті.
Өз кезегінде Нұра ауданының прокуроры Эльдар Тұрсынов жаңа Конституцияның қоғамдағы орны мен негізгі құндылықтарына тоқталып, өскелең ұрпаққа құқықтық тәрбие берудің және білім беру ұйымдарында қауіпсіз орта қалыптастырудың маңызын атап өтті.
Конференция аясында аудан әкімі Бақытжан Мұқанов білім саласының қызметкерлерін жаңа оқу жылының басталуымен құттықтап, ұстаз еңбегінің жас ұрпақтың қалыптасуындағы ерекше рөлін атап өтті. Сонымен қатар білім сапасын арттыру, педагогтерді қолдау, заманауи білім беру ортасын қалыптастыру және балаларға сапалы білім мен саналы тәрбие беру бағытындағы жұмыстарды жүйелі жалғастыру қажеттігіне тоқталды.
Іс-шара барысында аудан әкімі білім беру ұйымдары ұйымдастырған көрмелермен танысты. Көрмелерде мектептер мен балабақшалардың оқу-тәрбие үдерісіндегі заманауи тәсілдері, шығармашылық және жобалық жұмыстары, цифрлық технологияларды қолдану тәжірибесі, оқушылар мен педагогтердің жетістіктері таныстырылды.
Жиын соңында білім беру саласына елеулі үлес қосып, кәсіби қызметінде жоғары нәтижелер көрсетіп жүрген бірқатар педагогтер мен сала қызметкерлері түрлі деңгейдегі марапаттарға ие болды.
Жаңа 2026–2027 оқу жылында ауданның білім беру саласының негізгі басымдықтары – білім сапасын арттыру, педагогтердің кәсіби әлеуетін дамыту, инклюзивті және қосымша білім беруді жетілдіру, білім беру ұйымдарының материалдық-техникалық базасын нығайту, балалардың қауіпсіздігін қамтамасыз ету және заманауи цифрлық мүмкіндіктерді тиімді пайдалану болмақ.
Білім беру саласының өкілдері үшін дәстүрлі тамыз конференциясы өткен оқу жылына қорытынды жасап қана қоймай, жаңа оқу жылындағы ортақ мақсаттар мен міндеттерді айқындаған маңызды алаңға айналды.
2026 жылғы 7 қыркүйектен бастап Қазақстан Республикасы Әлеуметтік кодексіне енгізілген өзгерістер күшіне енеді. Бұл өзгерістер БЖЗҚ салымшыларының зейнетақы жинақтарын басқару стратегиялары мен инвестициялық портфельдерді өз бетінше таңдау құқықтарын едәуір кеңейтеді. Енді салымшылар өздерінің зейнетақы жинақтарының 100%-ына дейін инвестициялық портфельді басқарушылардың (ИПБ) сенімгерлік басқаруына бере алады.
Жаңашылдықтардың мақсаты – ең қолайлы инвестициялық стратегиясы мен табыстылық тарихы бар ИПБ-ны таңдау арқылы жинақтарды басқарудың ұзақ мерзімді кірістілігін арттыру.
Міндетті зейнетақы жарналарының (МЗЖ) және ерікті зейнетақы жарналарының (ЕЗЖ) салымшылары, сондай-ақ пайдасына міндетті кәсіптік зейнетақы жарналары (МКЗЖ) мен ЕЗЖ аударылатын жеке тұлғалар сенімгерлік басқаруға берілетін зейнетақы жинақтарының көлемін өз бетінше айқындауға, бір немесе бірнеше ИПБ-ны, сондай-ақ өздерінің қаржылық мақсаттарына сәйкес бір немесе бірнеше инвестициялық портфельді таңдауға мүмкіндік алады.
Таңдау мүмкіндігі арта түседі
Заңнамаға сәйкес әрбір ИПБ салымшыларға тәуекел деңгейі, инвестициялар құрылымы және инвестициялау мерзімі бойынша ерекшеленетін инвестициялық портфельдердің үш түріне дейін (консервативті, теңгерімді және тәуекелі жоғары) ұсына алады. Үш түрлі портфельдің болуы инвестицияларды салымшының жасына және жеке мүдделеріне қарай бейімдеуге мүмкіндік береді. Ал жинақтарды бірнеше ИПБ арасында бөлу құқығы олардың табыстылығының ауытқуына тәуелділікті азайтады.
ИПБ-ның инвестициялық портфельдерін қалыптастыруға қойылатын талаптарды Қазақстан Республикасы Қаржы нарығын реттеу және дамыту агенттігі (ҚНРДА) айқындайды.
Барлық ақпарат – бір платформада
Салымшыларға қолайлы болу үшін БЖЗҚ зейнетақы активтерін инвестициялық басқаруға қатысты негізгі ақпаратты біріктіретін invest.enpf.kz бірыңғай ақпараттық интернет-платформасын іске қосты. Платформа табыстылық туралы ақпаратқа ыңғайлы әрі құрылымдалған қолжетімділікті қамтамасыз етеді, белгіленген кезеңдер бойынша әртүрлі басқарушылардың (ҚР Ұлттық Банкі мен ИПБ-лардың) басқаруындағы инвестициялық портфельдердің көрсеткіштерін динамикада салыстыруға мүмкіндік береді.
Салымшы инвестициялық портфельдерді бағалап, өзінің мүддесі мен инвестициялық мақсаттарына сәйкес басқарушыны және оның инвестициялық стратегияларын дербес таңдай алады.
Зейнетақы жинақтарын сенімгерлік басқаруға қалай беруге болады?
Зейнетақы жинақтарын сенімгерлік басқаруға беру үшін салымшы зейнетақы активтерін басқаруға рұқсат етілген инвестициялық портфельді басқарушылардың (ИПБ) тізілімінен басқарушы компанияны таңдауы және өтініш беруі қажет. (Толық ақпарат БЖЗҚ сайтындағы «Қызметтер – Сенімгерлік басқаруға аудару – Инвестициялық портфельді басқарушылар тізілімі» бөлімінде орналастырылған.)
Өтінішті:
- kz сайтындағы жеке кабинет арқылы (электрондық цифрлық қолтаңбаны пайдалана отырып);
- жеке басын куәландыратын құжатты ұсыну арқылы БЖЗҚ-ның кез келген бөлімшесінде беруге болады.
Зейнетақы жинақтарының бір бөлігін ИПБ-ға беру, бір ИПБ-дан екіншісіне ауыстыру немесе жинақтарды ИПБ-дан Қазақстан Республикасы Ұлттық Банкінің (ҚРҰБ) басқаруына қайтару бойынша қадамдық нұсқаулық мына сілтеме бойынша орналастырылған: https://www.enpf.kz/kz/services/Invest/22218/.
Өтініштің орындалу мәртебесін БЖЗҚ сайтындағы немесе мобильді қосымшасындағы жеке кабинеттен («Өтініштер» бөлімі) қадағалауға болады. Өтініштерді қабылдау және өңдеу үдерісі толық автоматтандырылған. Зейнетақы жинақтарын ИПБ-ның сенімгерлік басқаруына беру өтініш келіп түскен күннен бастап 30 күнтізбелік күн ішінде БЖЗҚ арқылы жүзеге асырылады. Бұл ретте зейнетақы жинақтарын бір ИПБ-дан екіншісіне ауыстыруға немесе оларды Қазақстан Республикасы Ұлттық Банкінің басқаруына қайтаруға жинақтар инвестициялық портфельді басқарушының сенімгерлік басқаруына берілген күннен бастап кемінде бір жыл өткеннен кейін ғана рұқсат беріледі.
2026 жылғы 23 тамызда Қазақстан Республикасы Құрылтайы депутаттарының сайлауы өтеді.
Қарағанды облысының тұрғындары өздерінің қай сайлау учаскесіне тіркелгенін анықтап, сайлаушылар тізімінен өздерін бірнеше ыңғайлы тәсіл арқылы тексере алады:
1. Senim109 бірыңғай байланыс орталығына 109 нөмірі арқылы хабарласу.
2. Тұрғылықты жеріңіз бойынша жұмыс істейтін колл-орталықтарға жүгіну. Байланыс телефондарының тізімі мына сілтемеде орналастырылған:
https://www.gov.kz/memleket/entities/karaganda/press/article/details/243275?lang=kk.
|
|
|
|
3. Жеке сәйкестендіру нөмірін (ЖСН) пайдалана отырып, онлайн қызметтер арқылы тексеру. Ақпаратты ресми интернет-ресурстардың бірінен алуға болады.
4. Сайлаушыға арналған жеке шақыру қағазында орналастырылған QR-код арқылы. Жеке шақыру қағазындағы QR-кодты сканерлеу арқылы өзіңіздің қай сайлау учаскесіне тіркелгеніңіз туралы ақпаратты жылдам біле аласыз.
5. Сондай-ақ Telegram-бот арқылы – https://t.me/sailau_09_bot.
Аудан әкімі азаматтарды жеке қабылдап, тұрғындарды толғандырған бірқатар өзекті мәселелерді қарады.
Қабылдау барысында тұрғындар тұрғын үй-коммуналдық шаруашылығы саласына қатысты мәселелерді көтеріп, инженерлік инфрақұрылымның жай-күйі, коммуналдық қызметтердің сапасы және елді мекендерді абаттандыру жөніндегі ұсыныстарын жеткізді.
Сонымен қатар облыстық және аудандық маңызы бар автомобиль жолдарын жөндеу, жол инфрақұрылымын жақсарту және жолдардың сапасын арттыру мәселелері талқыланды. Азаматтар көтерген барлық ұсыныстар мен өтініштер мұқият тыңдалып, оларды қолданыстағы заңнама аясында шешу жолдары қарастырылды.
Қабылдау барысында кентті абаттандыру, қоғамдық кеңістіктерді көркейту, санитарлық тазалықты сақтау және тұрғындарға қолайлы орта қалыптастыру бағытындағы ұсыныстар да назардан тыс қалған жоқ.
Бұдан бөлек, ауданның мәдени және ғылыми өміріне қатысты бастамалар, мерейтойлық іс-шараларды ұйымдастыру және оларды жоғары деңгейде өткізу мәселелері қозғалды. Бұл бағыттағы ұсыныстарды жан-жақты зерделеп, тиісті жұмыстарды үйлестіру қажеттігі атап өтілді.
Кездесу қорытындысы бойынша аудан әкімі жауапты мемлекеттік мекемелердің басшыларына көтерілген мәселелер бойынша заңнама талаптарына сәйкес нақты тапсырмалар беріп, әрбір өтініштің жан-жақты қаралуын, белгіленген мерзімде орындалуын және нәтижесі бойынша азаматтарға кері байланыс берілуін тапсырды. Сондай-ақ жекелеген мәселелердің орындалуы жеке бақылауға алынатынын атап өтті.
Еске сала кетейік, аудан әкімі азаматтарды жеке қабылдауды алдын ала жазылу бойынша әр аптаның сейсенбі күні тұрақты түрде өткізеді. Қабылдауға 8 (72144) 2-17-21 телефон нөмірі арқылы жазылуға болады.
Аудан әкімдігінде кезекті аппараттық жиын өтіп, ауданның әлеуметтік-экономикалық дамуы, бюджет қаражатының игерілуі, елді мекендерді дамыту, төтенше жағдайлардың алдын алу, білім беру, мәдениет, құрылыс, инвестиция тарту, баға тұрақтылығы және ақпараттық жұмыстардың жай-күйі талқыланды.
Жиын барысында алдымен ауданның ағымдағы жедел жағдайы қаралып, жауапты салалардағы ахуал туралы ақпарат тыңдалды.
Күн тәртібіне сәйкес ағымдағы жылдың алғашқы жартыжылдығындағы ауданның әлеуметтік-экономикалық даму қорытындылары мен алдағы кезеңге күтілетін нәтижелер талқыланды. Экономиканың негізгі көрсеткіштері сараланып, құрылыс, ауыл шаруашылығы, өнеркәсіп және инвестиция салаларындағы өзекті мәселелерге назар аударылды. Көрсеткіштердің орындалуын қамтамасыз ету және жоспарланған межелерге қол жеткізу бойынша нақты міндеттер айқындалды.
Сонымен қатар бірінші жартыжылдықтағы бюджеттің орындалу қорытындылары қарастырылып, бюджет қаражатын тиімді әрі толық игеру мәселесіне ерекше көңіл бөлінді. Жауапты мемлекеттік органдарға жоспарланған қаржының уақытылы әрі нәтижелі игерілуін қамтамасыз ету бойынша тиісті тапсырмалар берілді.
Жиында аудан орталығын дамыту бағытында атқарылған жұмыстар мен алдағы кезеңге арналған жоспарлар таныстырылып, инфрақұрылымды жетілдіру, тұрғындардың өмір сүру сапасын арттыру және елді мекеннің кешенді дамуын қамтамасыз ету мәселелері сөз болды.
Келесі кезекте төтенше жағдайлардың алдын алу және жедел ахуалдың тұрақтылығын сақтау бағытындағы жұмыстар қаралып, қауіпсіздікті қамтамасыз ету шараларын күшейту қажеттігі атап өтілді.
Білім беру саласы бойынша аудан мектептерінде жүргізіліп жатқан жөндеу жұмыстарының барысы талқыланды. Жаңа оқу жылы басталғанға дейін барлық жоспарланған жұмыстарды сапалы әрі белгіленген мерзімде аяқтау міндеті қойылып, туындаған мәселелерді жедел шешу қажеттігі айтылды.
Мәдениет саласындағы нысандарды жөндеу жұмыстары мен жаңа әлеуметтік нысан құрылысының жүзеге асырылу барысы да күн тәртібінде қаралды. Құрылыс жұмыстарының сапасы мен мерзіміне тұрақты бақылау жүргізу тапсырылды.
Инвестиция тарту бағытында атқарылып жатқан жұмыстарға тоқталып, жаңа инвестициялық жобаларды іске асыру, олардың орындалу кезеңдерін тұрақты бақылауда ұстау және аудан экономикасына қосымша инвестициялар тарту жұмыстарын жандандыру қажеттігі атап өтілді.
Сондай-ақ әлеуметтік маңызы бар азық-түлік тауарлары мен жанар-жағармай бағаларының тұрақтылығын қамтамасыз ету мәселесі қаралып, баға мониторингін тұрақты жүргізу және негізсіз қымбаттауға жол бермеу жөнінде нақты тапсырмалар берілді.
Жиын барысында бұқаралық ақпарат құралдары мен әлеуметтік желілерде жүргізіліп жатқан ақпараттық жұмыстың нәтижелері талданып, тұрғындармен тиімді кері байланысты қамтамасыз ету, өзекті мәселелер бойынша жедел әрі сапалы ақпараттық түсіндіру жұмыстарын күшейту қажеттігі айтылды.
Аппараттық жиынды қорытындылай келе, аудан әкімі қаралған барлық мәселелердің ерекше бақылауда болатынын атап өтіп, жауапты мемлекеттік органдарға берілген тапсырмалардың сапалы әрі мерзімінде орындалуын қамтамасыз етуді міндеттеді.
Нұра ауданы әкімдігі жанындағы Жастар істері жөніндегі кеңестің кезекті отырысы өтіп, аудан жастарына қатысты өзекті мәселелер жан-жақты қаралды. Кеңес жұмысына мемлекеттік органдардың, құқық қорғау саласының, денсаулық сақтау, білім беру ұйымдарының өкілдері, ауылдық округ әкімдері мен жастар саясатына жауапты мамандар қатысты. Отырыс барысында мемлекеттік жастар саясатын тиімді іске асыру, жастардың әлеуметтік жағдайын жақсарту және олардың қоғам өміріне белсенді қатысуын қамтамасыз ету бағытындағы жұмыстар талқыланды.
Күн тәртібіне сәйкес алғашқы мәселе ретінде жетім балалар мен ата-анасының қамқорлығынсыз қалған балаларды тұрғын үймен қамтамасыз ету жөніндегі 2026 жылға арналған кешенді жоспардың іске асырылу барысы қаралды. Сонымен қатар аудандағы NEET санатындағы жастармен жүргізіліп жатқан жұмыстар, оларды жұмыспен қамту, кәсіптік оқыту мен қайта даярлау курстарына тарту бойынша қабылданып жатқан шаралар талқыланды.
Кеңес барысында жастардың медициналық қызметтерді онлайн форматта пайдалану сауаттылығын арттыру, оның ішінде Damumed және басқа да цифрлық платформалардың мүмкіндіктерін кеңінен насихаттау мәселесі көтерілді. Сондай-ақ аудан жастары арасындағы құқық бұзушылықтың, қылмыстың, есірткіге тәуелділік пен лудоманияның алдын алу бағытында атқарылып жатқан жұмыстар туралы баяндамалар тыңдалып, профилактикалық іс-шараларды күшейту қажеттігі атап өтілді.
Отырыста ауылдық округтердегі волонтерлік қызметтің дамуы, жастардың қоғамдық бастамаларға қатысуы және «Таза Қазақстан» республикалық акциясы аясындағы жұмыстардың орындалу барысы да қаралды. Сонымен қатар Нұра ауданында мемлекеттік жастар саясатының тоқсандық қорытындылары шығарылып, алдағы кезеңге арналған негізгі міндеттер айқындалды.
Кеңес қорытындысы бойынша жауапты мемлекеттік органдар мен ұйымдарға жастарды қолдау шараларын күшейту, олардың жұмыспен қамтылуын арттыру, құқықтық және цифрлық сауаттылығын дамыту, волонтерлік қозғалысты кеңейту және мемлекеттік жастар саясатының негізгі бағыттарын тиімді іске асыру бойынша нақты тапсырмалар берілді. Қабылданған шешімдер жастардың әлеуетін дамытуға, олардың әлеуметтік белсенділігін арттыруға және ауданның қоғамдық өміріне белсенді араласуына бағытталатын болады.
2026 жылдың 1 мауысымындағы жағдай бойынша бағдарлама іске қосылған 2024 жылғы 1 ақпаннан бастап нысаналы жинақтарды (НЖ) пайдалануға берілген 316 223 өтініш орындалып, жалпы сомасы 57,88 миллион АҚШ долларына жуық қаражат өтініш берушілердің банктік шоттарына есептеу үшін уәкілетті операторларға аударылды. Өтініштердің басым бөлігі тұрғын үй жағдайын жақсартуды көздейді: 36,94 млн АҚШ доллары сомасына 201 245 өтініш орындалды. Білім беру ақысын төлеу үшін 20,94 млн АҚШ доллары сомасына 114 978 өтініш орындалды.
НЖ алушы барлық соманы немесе оның бір бөлігін пайдалануға құқылы. Егер қаражаттың бір бөлігі талап етілмесе, қалдық нысаналы жинақтау шотында (НЖШ) 10 жыл бойы сақталады.
Тұрғын үйді жақсартуға арналған қаражатты пайдаланудың ең танымал қосалқы мақсаты – одан әрі жинақтау үшін тұрғын үй құрылысы жинақтарындағы салымды толықтыру (36,23 млн АҚШ долларына 196 893 өтініш). Сонымен қатар тұрғын үй сатып алуға ипотекалық тұрғын үй қарызын алу үшін бастапқы жарна ретінде енгізу үшін 1 498 өтініш беріліп, олар бойынша 248,94 мың АҚШ доллары аударылса, азаматтық-құқықтық мәмілелер бойынша меншікке тұрғын үй сатып алуға (түпкілікті есеп айырысу) – 156,59 мың АҚШ долларына 989 өтініш орындалды.
Білім беру ақысын төлеу шеңберіндегі ең танымал қосалқы мақсаттар: Қазақстан Республикасының аумағында орналасқан білім беру ұйымдарының білім беру қызметтеріне үлестермен (әрбір академиялық кезең немесе оқу жылы үшін) немесе толық көлемде бір мезгілде (бүкіл оқу мерзімі үшін) ақы төлеу (19,68 млн АҚШ долларына 106 315 өтініш орындалды), білім беруге жинақтау салымы туралы шарт бойынша білім беруге жинақтау салымын толықтыру (842,16 мың АҚШ долларына 5 947 өтініш орындалды), шетелдік білім беру ұйымдарының білім беру қызметтеріне үлестермен (әрбір академиялық кезең немесе оқу жылы үшін) немесе толық көлемде біржолғы (бүкіл оқу мерзімі үшін) ақы төлеуге (319,33 мың АҚШ долларына 2 114 өтініш орындалды) төлем жасау.
Нысаналы жинақтарды тұрғын үй жағдайларын жақсарту және (немесе) білім алуға ақы төлеу мақсатында төлеу туралы уәкілетті операторлар мен өңірлер бөлінісіндегі толық ақпаратпен enpf.kz сайтында танысуға болады.
Естеріңізге сала кетейік, 2025 жылдың қорытындысы бойынша қазақстандық бір балаға 130,71 АҚШ доллары кезекті есептеу жүргізілді. 2024 жылы – 129,38 АҚШ доллары, 2023 жылы - 100,52 АҚШ доллары мөлшерінде қаражат аударылған болатын.
18 жасқа дейінгі балаларға жыл сайын Ұлттық қордан бөлінетін сомалар олардың БЖЗҚ-да ашылған шоттарында ескерілетін нысаналы талаптар түрінде есептеледі. Бұл ретте, заңнамаға сәйкес, жас қазақстандықтарға есептелген сомалар Ұлттық қор активтерінің құрамында қалады және инвестициялануын жалғастырады. Одан әрі инвестициялау нәтижесінде жыл сайын әрбір баланың нысаналы талаптарының сомасы алынған инвестициялық табыс есебінен қосымша өседі.
Нәтижесінде бағдарламаға қатысатын балада барлық жинақталған нысаналы талаптардың жиынтық сомасы (жыл сайын қосымша есептелетін инвестициялық кірісті қоса алғанда) :
- үшінші жыл - 370 доллар 56 цент;
- екінші жыл - 263 доллар 93 цент;
- бірінші жыл қатысып отырған баланың шотында 130 доллар 71 цент.
18 жасқа толмаған баланың бағдарламаға қатысуы туралы ақпаратты оның ата-анасы және өзге де заңды өкілдері kids.enpf.kz сайтында баланың ЖСН бойынша, eGov.kz электрондық үкімет порталындағы жеке кабинетте, сондай-ақ eGov Mobile және кейбір екінші деңгейдегі банктердің мобильді қосымшаларында тексере алады.
Егер балаларға 2025 есепті жылы есептелген нысаналы талаптар туралы ақпарат көрсетілмесе, онда мобильді қосымшалардағы құжаттарды төменде көрсетілген жолмен жаңарту қажет:
- eGov Mobile қосымшасында: "Цифрлық құжаттар" - "Отбасы" - "Құжаттар тізімін жаңарту" - "Ұлттық қордан есептеулер";
- екінші деңгейдегі банктердің мобильді қосымшаларында, мысалы Kaspi.kz: "Мемлекеттік қызметтер " - "Барлық құжаттар" - "Құжаттар тізімін жаңарту" - "Ұлттық қордан есептеулер".
Биыл 18 жасқа толған немесе толатын балаларға есептелген нысаналы талаптар туралы мәліметтердің заңды өкілдің жеке кабинетінде көрсетілмеуі нысаналы талаптардың нысаналы жинақтарға (НЖ) айналуына байланысты. Осыған орай, есептелген қаржы туралы ақпаратқа қол жеткізу құқығы тікелей НЖ алушыға, яғни 2026 жылы 18 жасқа толған немесе толатын азаматқа беріледі. Аталған азаматтар НЖ туралы ақпаратты Бірыңғай жинақтаушы зейнетақы қоры интернет-ресурсындағы немесе электрондық үкімет порталындағы жеке кабинеті арқылы өз бетінше алуы тиіс. Ал 18 жасқа толғаннан кейін НЖ төлемдерін тұрғын үй жағдайларын жақсарту және (немесе) білім алу ақысын төлеу мақсатында алу үшін уәкілетті операторға жүгініп, АҚШ долларымен банктік шот ашып, онлайн-өтініш беруі қажет.
Бүгінгі күні уәкілетті операторлар:
- "Отбасы банкі" АҚ (тұрғын үй және білім алу ақысын төлеу),
- "Халық банкі" АҚ (білім алу ақысын төлеу),
- "Банк ЦентрКредит" АҚ (білім алу ақысын төлеу).
Нысаналы талаптарға қатысушы кәмелетке толмаған балалар және нысаналы жинақтарды кәмелетке толған алушылар бойынша, сондай-ақ нысаналы жинақтарды тұрғын үйге және (немесе) білім алуға пайдалану жөніндегі статистикамен enpf.kz сайтында танысуға болады.
kids.enpf.kz сайтында Бағдарламаның шарттарымен танысып, қажетті нұсқаулықтар алып, өзіңізді қызықтыратын сұрақтарыңызға жауап алуға болады. БЖЗҚ/ЕНПФ YouTube-арнасында осы тақырып бойынша бейне нұсқаулықты көруге болады:
«БЖЗҚ» АҚ Басқарма төрағасы Ж.Б. Құрмановтың бейнетүсініктемесі:
https://www.youtube.com/watch?app=desktop&v=30CdPWl6dv0
«БЖЗҚ» АҚ Басқарушы директоры М.Т. Шәріповтың бейнетүсініктемесі:
https://www.youtube.com/watch?v=APg2vATmMk0«Ұлттық қор – балаларға» бағдарламасы бойынша
«Сұрақ-жауап» бейнетүсініктемесі:
https://www.youtube.com/watch?v=4cKr1VCAvUk
https://www.youtube.com/watch?v=mrV0y37Gjnk
«Ұлттық қор – балаларға» сайты бойынша нұсқаулық:
https://www.youtube.com/watch?v=VgP3dmMwAHc
https://www.youtube.com/watch?v=jyC2c-HgqpQ«Ұлттық қор – балаларға» бағдарламасын жүзеге асыру туралы нұсқаулық:
Бүгін Нұра ауданы әкімінің төрағалығымен кезекті аппараттық жиналыс өтті.
Жиын барысында ауданның әлеуметтік-экономикалық дамуына қатысты өзекті мәселелер қаралып, құрылымдық бөлімдер мен жауапты мекемелердің атқарған жұмыстары және алдағы кезеңге жоспарланған міндеттері талқыланды. Сондай-ақ ауданның ағымдағы ахуалы жөнінде ақпарат тыңдалып, бірқатар бағыттар бойынша жүргізіліп жатқан жұмыстардың орындалу барысы сараланды.
Күн тәртібінде қаралған мәселелер бойынша жауапты сала басшылары баяндама жасап, атқарылған жұмыстар мен алдағы жоспарлар туралы мәлімет берді. Жиын барысында инфрақұрылымды дамыту, әлеуметтік саланы жетілдіру, абаттандыру, құрылыс және жөндеу жұмыстарының сапалы әрі белгіленген мерзімде орындалуы, инвестиция тарту, баға тұрақтылығын қамтамасыз ету және тұрғындармен тиімді ақпараттық жұмысты ұйымдастыру мәселелеріне ерекше назар аударылды.
Аудан әкімі барлық жауапты тұлғаларға жүктелген міндеттердің сапалы әрі уақтылы орындалуын қамтамасыз етуді, бақылауды күшейтуді және халықты толғандыратын мәселелерге жедел ден қоюды тапсырды. Сонымен қатар, мемлекеттік бағдарламалардың тиімді іске асырылуы мен жоспарланған жұмыстардың орындалу қарқынын тұрақты бақылауда ұстау қажеттігін атап өтті.
Жиын қорытындысы бойынша жауапты мекемелерге нақты тапсырмалар беріліп, олардың орындалуы бақылауға алынды.
Қарағанды облысының білім беру ұйымдарын жаңа оқу жылына және алдағы жылыту маусымына дайындау аясында Нұра ауданына жұмыс сапарымен Қарағанды облыстық мәслихатының депутаттары мен облыстық білім басқармасының басшылығы келді.
Жұмыс сапарына Нұра ауданының әкімі Бақытжан Мұқанов, аудандық мәслихат төрағасы Қуаныш Жүнісбеков, Қарағанды облысы білім басқармасының басшысы Дәулет Жекебаев, Қарағанды облыстық мәслихатының депутаттары Арман Жұмағұлов, Ерлан Жүнісов, Андрей Карин, Александр Куприенко, сондай-ақ аудан әкімдігінің жауапты бөлім басшылары қатысты.
Мониторинг барысында делегация Егінді ауылындағы А.Асылбеков атындағы жалпы білім беретін мектепке, Ақмешіт ауылындағы С.Талжанов атындағы жалпы білім беретін мектепке, Кертінді ауылындағы М.Сүлейменов атындағы тірек мектепке, «Алтын дән» бөбекжай-балабақшасына және Нұра кентіндегі Ы.Алтынсарин атындағы жалпы білім беретін мектепке барып, нысандарда жүргізіліп жатқан күрделі және ағымдағы жөндеу жұмыстарының барысымен танысты.
Сапар барысында білім беру ұйымдарының материалдық-техникалық базасы, инженерлік желілердің жай-күйі, жылу жүйелерінің дайындығы, сондай-ақ жаңа оқу жылын сапалы бастауға бағытталған ұйымдастыру жұмыстары жан-жақты қаралды. Жауапты мердігер ұйымдардың өкілдері атқарылып жатқан жұмыстар туралы ақпарат беріп, жөндеу жұмыстарының орындалу мерзімдері мен кезеңдері баяндалды.
Сонымен қатар, жұмыс тобы К.Мыңбаев ауылы мен Байтуған ауылындағы мәдениет үйлерінің жағдайымен танысып, күзгі-қысқы кезеңге дайындық жұмыстарын пысықтады.
Жұмыс сапары аясында «Шахтер–Егінді» облыстық маңызы бар автомобиль жолының жай-күйі де зерделенді. Аталған жол учаскесінде орташа жөндеу жұмыстарын жүргізу және су өткізгіш құбырларды орнату қажеттілігі атап өтіліп, бұл бағыттағы жұмыстарды жүзеге асыру үшін тиісті қаржыландыру мәселесін қарастыру қажеттігі айтылды.
Мониторинг қорытындысы бойынша мердігер ұйымдар мен жауапты мекемелерге жөндеу жұмыстарын белгіленген мерзімде аяқтау, құрылыс сапасына ерекше мән беру және барлық әлеуметтік нысандардың жаңа оқу жылы мен алдағы жылыту маусымына толық дайын болуын қамтамасыз ету жөнінде нақты тапсырмалар мен ұсынымдар берілді.