Қазақстан Республикасын қорғау оның әрбір азаматының қасиетті парызы және міндеті болып табылады. Республика азаматтары заңда белгіленген тәртіп пен түрлер бойынша әскери қызмет атқарады. Бұл норма Қазақстан Республикасы Конституциясының 36-бабында бекітілген. Осы норманы іске асыру тәртібін, атап айтқанда азаматтарды әскери қызметке шақыру тәртібін қарастырыңыз.
Азаматтарды әскери қызметке шақыруды жүргізу тәртібі "Әскери міндеттілік және әскери қызмет туралы"Қазақстан Республикасы Заңының 4-тарауында бекітілген.
"Әскери міндеттілік және әскери қызмет туралы" Заңның 19-бабында берілген анықтамаға сәйкес азаматтарды әскери қызметке шақыру деп Қарулы Күштерді, басқа да әскерлер мен әскери құралымдарды міндетті негізде жеке құраммен жасақтауды қамтамасыз етуге бағытталған іс-шаралар кешені түсініледі.
Қазақстан Республикасы Президентінің жыл сайынғы қабылдайтын Жарлықтарына, Қазақстан Республикасы Үкіметінің қаулыларына сәйкес азаматтарды әскери қызметке шақыру жылына екі рет, атап айтқанда тиісті күнтізбелік жылдың сәуір – маусымында және қазан – желтоқсанында жүзеге асырылады.
Шақыру жасы мерзімді әскери қызметке шақыруға әскерге шақыруды кейінге қалдыруға немесе одан босатуға құқығы жоқ 18-ден 27 жасқа дейінгі азаматтар жатады.