Қарқаралы ауданының Көктас ауылында Республика күні қарсаңында жалпы ауданы 542 шаршы метр болатын жаңа дене шынықтыру-сауықтыру кешені ашылды.
Ашылу салтанатына аудан әкімі Саят Мусин мен облыстық дене шынықтыру және спорт басқармасының басшысы Нүркен Нұратов қатысты. Шара барысында бұқаралық спортты дамытуға қосқан үлесі үшін ардагер-спортшы Жұмаш Құрманғалиев аудан әкімінің Алғыс хатымен марапатталды.
«Нұрай Құрылыс Сервис» ЖШС салған жаңа екі қабатты кешенде спорт залы, әкімшілік бөлме және душ кабиналары қарастырылған. Нысан ауыл тұрғындары мен жастар арасында бұқаралық спортты дамытуға және салауатты өмір салтын қалыптастыруға бағытталған.
Қарқаралы қаласының спорт кешенінде Жастар, спорт, білім және әлеуметтік бағдарламалар бөлімінің ұйымдастыруымен Мүмкіндігі шектеулі жандар күніне орай ерекше балаларға арналған «Көңілді мәрe» сайысы өтті.
Аталған сайысқа 9 отбасы қатысып, шеңберге доп салу, доп лақтыру, қысқа қашықтыққа жүгіру және сурет салу бойынша бақ сынады.
Іс-шараның соңында сайысқа қатысқан барлық балаға естелік сыйлықтар табысталды.
Зейнетақы активтерін инвестициялық басқаруды Қазақстан Республикасының Ұлттық Банкі (ҚРҰБ), сондай-ақ 2021 жылдан бастап тиісті лицензиясы бар және уәкілетті органның талаптарына сай келетін инвестициялық портфельді басқарушылар (ИПБ) жүзеге асырады. Мұндай сенімгерлік басқарудың негізгі мақсаты – зейнетақы жинақтарын түрлі қаржы құралдарына инвестициялап, табыс алу.
Зейнетақы активтерін басқарушылар – ҚРҰБ пен ИПБ-лардың зейнетақы активтерін инвестициялау бойынша өзіндік стратегиясы бар және олар инвестициялық портфельдің құрылымын инвестициялық декларация шеңберінде дербес айқындайды.
Қолданыстағы ИПБ тізіліміне қазақстандықтар зейнетақы жинақтарын сенімгерлік басқаруға бере алатын 6 жеке компания кіреді:
«Alatau City Invest» АҚ, «BCC Invest» АҚ, «Сентрас Секьюритиз» АҚ, «Halyk Finance» АҚ, «Halyk Global Markets» АҚ, «Tansar Capital» АҚ. (Бұл ретте «Halyk Global Markets» АҚ «БЖЗҚ» АҚ-ға 2027 жылдан бастап сенімгерлік басқару шартын бұзатыны туралы хабарлаған. Осыған байланысты, 2026 жылғы 1 қаңтардан бастап Қор зейнетақы жинақтарын осы компанияға аудару туралы өтініштерді қабылдамайды).
www.enpf.kz сайтындағы «Қызметтер» – «Инвестициялық портфельді басқарушылар тізілімі» бөлімінен, сондай-ақ invest.enpf.kz ақпараттық интернет-платформасы арқылы ИПБ туралы ақпаратпен танысып, олардың инвестициялық декларацияларын зерделеуге болады.
Зейнетақы жинақтарының 100%-на дейін жеке басқарушы компаниялар – ИПБ-ларға сенімгерлік басқаруға беру мүмкіндігін БЖЗҚ-ның барлық салымшылары пайдалана алады. Бұл нормалар 2026 жылғы 7 қыркүйектен бастап күшіне енді.
www.enpf.kz сайтындағы «Қызметтер» – «Инвестициялық портфельді басқарушылар тізілімі» бөлімінен, сондай-ақ invest.enpf.kz ақпараттық интернет-платформасы арқылы ИПБ туралы ақпаратпен танысып, олардың инвестициялық декларацияларын зерделеуге болады.
Жақында бір ИПБ салымшыларға тәуекел деңгейі, күтілетін кірістілік және инвестициялау мерзімі бойынша ерекшеленетін инвестициялық портфельдердің үш түріне дейін – консервативті, қалыпты және тәуекелді портфельдерді ұсына алады.
Зейнетақы активтерінің инвестициялық портфельдерін қалыптастыру тәртібін қаржы нарығы мен қаржы ұйымдарын реттеу, бақылау және қадағалау жөніндегі уәкілетті орган айқындайды.
Салымшы бір немесе бірнеше ИПБ-ны таңдай алады. Халықты кеңінен хабардар ету мақсатында БЖЗҚ invest.enpf.kz бірыңғай ақпараттық интернет-платформасын іске қосты. Бұл – салымшыларға сенімгерлік басқарушылардың (ҚРҰБ пен ИПБ) басқаруындағы зейнетақы активтерінің портфельдері бойынша түрлі деректерді бір ақпараттық алаңда салыстыруға мүмкіндік беретін заманауи цифрлық ресурс. Салымшы мұнда инвестициялық портфельдерді өз бетінше бағалауға, сондай-ақ өзінің мақсаттары мен күтетін нәтижесіне сай келетін басқарушы компания мен оның инвестициялық стратегиясын таңдауға мүмкіндік беретін құралдарды пайдалана алады.
Бұдан бөлек, invest.enpf.kz платформасында салымшы ИПБ-лардың инвестициялық декларацияларымен танысып, олардың қаржылық көрсеткіштерін талдай алады. Сондай-ақ ИПБ-ларға қатысты реттеуші орган – ҚР Қаржы нарығын реттеу және дамыту агенттігі (ҚР ҚНРДА) тарапынан қолданылған әкімшілік шаралар, санкциялар мен ықпал ету шаралары туралы ақпаратты да (олар болған жағдайда) көре алады.
Зейнетақы жинақтарын сенімгерлік басқаруға беру үшін салымшы алдымен ИПБ-ны таңдап, содан кейін белгіленген нысан бойынша өтініш береді.
Өтінішті enpf.kz сайтындағы жеке кабинетте немесе invest.enpf.kz интернет-платформасында электрондық цифрлық қолтаңбаны (ЭЦҚ) пайдалана отырып, сондай-ақ БЖЗҚ-ның кез келген бөлімшесіне барып беруге болады.
Жеке кабинетте салымшы, сондай-ақ:
Зейнетақы жинақтарын сенімгерлік басқаруға аудару туралы берілген өтініштің мәртебесін сайттағы жеке кабинеттен немесе БЖЗҚ-ның мобильді қосымшасынан бақылауға болады.
ИПБ-ға аударуға өтініш беру және оларды БЖЗҚ-да өңдеу рәсімдері толық автоматтандырылған. БЖЗҚ зейнетақы активтерін сенімгерлік басқаруға нормативтік-құқықтық актілерде белгіленген мерзім ішінде береді.
Бұл ретте зейнетақы жинақтарын бір ИПБ-дан екіншісіне аудару немесе оларды ҚРҰБ-тың басқаруына қайтару алғашқы аударылған күннен бастап кемінде бір жыл өткен соң жүзеге асырылуы мүмкін.
БЖЗҚ – барлық салымшылар үшін бірыңғай есепке алу және ақпараттық орталық, сондай-ақ активтерді кім басқаратынына қарамастан (ҚРҰБ және/немесе салымшы таңдаған ИПБ) олардың жеке зейнетақы шоттарының операторы.
БЖЗҚ зейнетақы активтерін басқаруға байланысты қолжетімді қызметтер мен сервистерді ұсынады. Азаматтардың зейнетақы жинақтары, оның ішінде инвестициялық табыс ескерілген ақпарат enpf.kz сайтындағы жеке кабинетте немесе БЖЗҚ мобильді қосымшасында 24/7 режимінде берілетін үзінді көшірмелерде толық көрсетіледі.
Әр басқарушының инвестициялық қызметі туралы ақпарат enpf.kz сайтындағы «Статистика және талдау» – «Зейнетақы активтерін инвестициялық басқару» бөлімінде тұрақты түрде жаңартылып отырады.
Сонымен қатар, БЖЗҚ салымшылары үшін invest.enpf.kz ақпараттық интернет-платформасы жұмыс істейді. Бұл – барлық басқарушылардың (ҚРҰБ пен ИПБ) активтерді басқару нәтижелерін өзара салыстыруға мүмкіндік беретін заманауи цифрлық ресурс. Invest.enpf.kz платформасы инвестициялық табыстылық туралы ақпаратқа қол жеткізуге, белгіленген кезең аралығындағы басқарушылар мен олардың инвестициялық портфельдері бойынша деректерді салыстыруға және инвестициялық шешімдерді саналы түрде қабылдауға мүмкіндік береді.
25 қыркүйек күні Қарқаралы қаласында аудандық ветеринариялық станция мен ветеринариялық зертхананың жаңа ғимаратының ашылу салтанаты өтті.
Салтанатты шараға Қарқаралы ауданының әкімі Саят Мусин, ҚР Ауыл шаруашылығы министрлігі Ветеринариялық бақылау және қадағалау комитеті Республикалық ветеринариялық зертханасының бас директоры Темірхан Елшібаев және сала мамандары қатысты.
Жаңа зертхана заманауи талаптарға сай жабдықталып, жануарлардың аса қауіпті ауруларын зерттеу, ветеринариялық-санитариялық сараптама жүргізу және қауіпсіздігі талапқа сай келмейтін өнімдерді анықтау бағытында қызмет атқарады.
Шара барысында қонақтар сынама қабылдау, серология және ветеринариялық-санитариялық сараптау кабинеттерінің жұмысымен танысты.
18–20 қыркүйек аралығында Тәжікстан Республикасының астанасы Душанбе қаласында самбодан Әлем кубогі өтті.
Қарағанды облысы, Қарқаралы ауданының спортшысы Мәдина Ержан 80 келі салмақ дәрежесінде қола жүлдеге ие болды.
Спортшымыз бен жаттықтырушыларын жоғары жетістіктерімен құттықтаймыз! Алдағы жарыстарда жаңа жеңістер мен толағай табыстар тілейміз!
Аудан әкімі С.Мусиннің төрағалығымен Қарқаралы қаласының бас жоспарына түзетулер енгізу жобасын талқылауға арналған жиын өтті. Жиында ұсынылып отырған өзгерістер қаралып, бұған дейін айтылған ұсыныс-пікірлердің ескерілу барысы және алдағы құрылыс нысандарын бас жоспарға уақтылы енгізу мәселелері талқыланды.
Жауапты сала мамандары өз ұсыныстарын білдіріп, жобаға қатысты түсіндірмелер берді. Аудан басшылығы жоспарланған нысандарды өзара үйлестіру, жұмыстарды нақтылау және тиісті мәселелерді ескеру бойынша нақты тапсырмалар берді.
Бас жоспарды жетілдіру барысында тұрғындардың мүддесін ескеру, қаланың әлеуметтік-экономикалық дамуына қолайлы жағдай жасау, қоршаған ортаны қорғау және аумақты тиімді дамыту басты назарда болуы тиіс. Жиын қорытындысы бойынша жауапты тұлғаларға тиісті міндеттер жүктеліп, жұмыстарды одан әрі жалғастыру тапсырылды.
Сізде 1 730 000 теңгеге дейін (2026 жылы 400 АЕК) қайтарымсыз мемлекеттік грант ұтып алуға тамаша мүмкіндік бар.
Бұл грант бизнесті бастауға және дамытуға арналған және жаңадан бастаған кәсіпкерлерге (ЖК тіркелгеніне 1 жылға дейін) және әлеуметтік санатқа жататын жұмыссыз азаматтарға беріледі.
📚 Маңызды шарт — «Бастау Бизнес» бағдарламасы бойынша оқудан өтіп, сертификат алу (оқу тегін, оны business.enbek.kz порталы арқылы онлайн өтуге болады).
📊 Үдеріс қарапайым: тіркелу → бизнес-жоспар тапсыру → жобаны қорғау → мақұлданған жағдайда грант алу.
Қаражатты құрал-жабдық, техника, жалға алу және кәсіпті дамытуға жұмсауға болады.
❗️Грант жеке шығындарға, несие жабуға немесе жылжымайтын мүлік сатып алуға берілмейді.
📢 Өтінім қабылдау туралы хабарландыруларды business.enbek.kz порталынан бақылап отырыңыз
Мекен жайымыз: Т.Әубакіров көшесі 14 ғимарат, 4 кабинет.
Аудан әкімі Саят Мусин Ынталы ауылындағы №3 жалпы білім беретін мектепте жаңа оқу жылының басталуына арналған салтанатты шараға қатысты.
Соңғы екі жылда кезең-кезеңімен күрделі жөндеуден өткен мектептің ғимараты толық жаңартылып, оқу кабинеттері заманауи талаптарға сай жабдықталды. Оқушыларға сапалы білім алуға қолайлы жағдай жасалды.
Салтанатты шарада аудан әкімі ұстаздар мен оқушыларды Білім күнімен құттықтап, жаңа оқу жылына сәттілік тіледі. Мектеп ұжымына интерактивті тақта тарту етті.
Облыстық мәслихат депутаты, айтыскер ақын Айтбай Жұмағұлов оқушыларға кітаптар сыйласа, кәсіпкер Арман Әбенов үздік оқушыларға Ахмет Байтұрсынұлы атындағы стипендия тағайындауға қолдау білдіретінін жеткізді.
Шара барысында мектептің жөндеу жұмыстарын атқарған «Ғимарат kz» ЖШС басшылары Айдос Кілтебеков пен Бақытжан Рсалиев аудан әкімінің Алғыс хатымен марапатталды.
Биыл аудан бойынша 5 мыңнан астам оқушы мектепке барды. Оның 400-ден астамы алғаш рет мектеп табалдырығын аттады.
Жаңа оқу жылы құтты болсын!
Қарқаралы ауданындағы Айнабұлақ және Айрық ауылдарында жаңа өрт сөндіру бекеттері іске қосылды. Бұған дейін бұл елді мекендерде өрт сөндіру бекеттері болмаған.
Жаңа нысандар диспетчерлік бөлме, жатын орын, ас үй, қойма және гаражбен жабдықталған. Бекеттердің ашылуы шалғай ауылдардағы өрт қауіпсіздігін күшейтіп, төтенше жағдайларға жедел әрекет етуге мүмкіндік береді.
Ашылу рәсімінде облыстық ТЖД бастығы Марғұлан Аманбаев пен аудан әкімі Саят Мусин жаңа нысандардың тұрғындар қауіпсіздігі үшін маңызын атап өтті. Ауыл ақсақалдары жаңа бекеттердің ашылуына ризашылықтарын білдіріп, ақ баталарын берді.
Салтанатты шара барысында Марғұлан Аманбаев аудан әкімі Саят Мусинге «Азаматтық қорғау жүйесін дамытуға қосқан үлесі үшін» төсбелгісін табыстады. Сондай-ақ Абай және Мәди ауылдық округтерінің әкімдері Рүстем Тақтанов пен Бек-Арыс Райым ҚР Төтенше жағдайлар министрлігінің Алғыс хатымен марапатталды.
Қарқаралы–Талды автожолының бірқатар учаскелерінде орташа жөндеу жұмыстары басталды. Жөндеу жұмыстары жолдың 3,2–20 және 24–45 шақырым аралығындағы учаскелерінде ресайклинг әдісімен жүргізіледі.
Аталған жұмыстарды жүзеге асыруға биыл облыстық бюджеттен 500 млн теңге бөлінді. Жоба екі жылға жоспарланған. Жөндеу жұмыстары белгіленген жоспарға сәйкес екі учаскеде кезең-кезеңімен жүзеге асырылмақ.
Ресайклинг әдісі жолдың қолданыстағы жабындысын қайта өңдеп, оны арнайы технология арқылы нығайтуға мүмкіндік береді. Бұл өз кезегінде жолдың беріктігі мен пайдалану сапасын арттыруға бағытталған.
Жөндеу жұмыстарының барысын бақылау барысында мердігер ұйым өкілдеріне жұмыстарды сапалы әрі белгіленген мерзімде орындау тапсырылды. Сонымен қатар жол жөндеу кезінде технологиялық талаптардың қатаң сақталуы, жұмыс сапасына баса мән беру және тұрғындар мен жол пайдаланушыларға келетін қолайсыздықтарды барынша азайту қажеттігі айтылды.
Аудан әкімі Саят Мусин аталмыш жол жөндеу жұмыстарымен танысып, мердігерлерге жұмыстарды сапалы әрі уақытылы жүргізу жөнінде нақты тапсырмалар берді.