МӘДИНА ЕРЖАН – ӘЛЕМ КУБОГІНІҢ ҚОЛА ЖҮЛДЕГЕРІ!
18–20 қыркүйек аралығында Тәжікстан Республикасының астанасы Душанбе қаласында самбодан Әлем кубогі өтті.
Қарағанды облысы, Қарқаралы ауданының спортшысы Мәдина Ержан 80 келі салмақ дәрежесінде қола жүлдеге ие болды.
Спортшымыз бен жаттықтырушыларын жоғары жетістіктерімен құттықтаймыз! Алдағы жарыстарда жаңа жеңістер мен толағай табыстар тілейміз!
ҚАРҚАРАЛЫ ҚАЛАСЫНЫҢ БАС ЖОСПАРЫНА ӨЗГЕРІСТЕР ЕНГІЗУ МӘСЕЛЕСІ ТАЛҚЫЛАНДЫ
Аудан әкімі С.Мусиннің төрағалығымен Қарқаралы қаласының бас жоспарына түзетулер енгізу жобасын талқылауға арналған жиын өтті. Жиында ұсынылып отырған өзгерістер қаралып, бұған дейін айтылған ұсыныс-пікірлердің ескерілу барысы және алдағы құрылыс нысандарын бас жоспарға уақтылы енгізу мәселелері талқыланды.
Жауапты сала мамандары өз ұсыныстарын білдіріп, жобаға қатысты түсіндірмелер берді. Аудан басшылығы жоспарланған нысандарды өзара үйлестіру, жұмыстарды нақтылау және тиісті мәселелерді ескеру бойынша нақты тапсырмалар берді.
Бас жоспарды жетілдіру барысында тұрғындардың мүддесін ескеру, қаланың әлеуметтік-экономикалық дамуына қолайлы жағдай жасау, қоршаған ортаны қорғау және аумақты тиімді дамыту басты назарда болуы тиіс. Жиын қорытындысы бойынша жауапты тұлғаларға тиісті міндеттер жүктеліп, жұмыстарды одан әрі жалғастыру тапсырылды.
Туған жерге арналған промо-роликтер байқауы
Тілдер мерекесіне орай Қарқаралы аудандық кітапханасының ұйымдастыруымен «Қарқаралы құшағында: өз өлкеңді таныт» атты промо-ролик байқауының іс-шарасы өтті.
Руханияттың алтын бесігі саналатын кітапханада өткен мерекелік шараға ауданымыздың ауылдарынан 30-ға жуық оқушы қатысты.
Іс-шараның басты мақсаты – жас жеткіншектердің туған жерінің табиғатын, тарихын, мәдениеті мен көрікті жерлерін таныстыратын бейнероликтер түсіріп, оларды әлеуметтік желілер арқылы кеңінен насихаттау.
Мерекелік шараға қолдау білдірген Қарқаралы мемлекеттік ұлттық табиғи паркінің ұжымы байқау жеңімпаздарына бағалы сыйлықтар табыстады.
Шара барысында оқушылардың туған жерге деген сүйіспеншілігін арқау еткен бейнероликтерін бірге тамашалап, олардың шығармашылық жұмыстарына жоғары бағамызды бердік.
Жас ұрпақтың туған жерге деген сүйіспеншілігін арттырып, өлкеміздің тарихы мен табиғи байлығын насихаттауға бағытталған мұндай бастамалар алдағы уақытта да жалғасын таба бермек.
«АЛТЫН ДОМБЫРА» – ДӘСТҮР САБАҚТАСТЫҒЫ МЕН ӨНЕРГЕ БАСТАР ЖОЛ
Абай күніне орай Тегісшілдік ауылдық округінде VIII аудандық «Алтын домбыра» дәстүрлі әндер байқауы өтті.
Байқауға ауданның әр ауылдық округінен өнерпаздар қатысып, ұлттық ән өнерін кеңінен насихаттады.
18 жасқа дейінгі қатысушылар арасында І орынды Қарқаралы қаласының жас өнерпазы Төлеуғали Инабат иеленді.
ІІ орындарға Сабыржан Аружан мен Атымтай Жансұлтан лайық деп танылды.
18 жастан жоғары қатысушылар арасында І орынды Әмірбек Аружан жеңіп алды.
ІІ орын Омаров Расулға, ІІІ орын Таңатов Исламға берілді.
Нұрғанбек және Нұрғиса өнерпаздары «Көрермен көзайымы» номинациясымен марапатталды.
Байқаудың ерекшелігі – жеңімпаздың елді мекені келесі жылғы сайысты өткізу құрметіне ие болады.
Осылайша, IX аудандық «Алтын домбыра» байқауы келесі жылы Қарқаралы қаласында өтетін болды.
«Алтын домбыра» – дәстүрлі ән өнерін дәріптеп, жас таланттарға үлкен сахнаға жол ашатын маңызды мәдени жоба.
Қарқаралыда Bugyly Trail 2026 марафоны өтті
Қарқаралы өңірінде дәстүрлі Bugyly Trail 2026 марафоны өтіп, жарыстың салтанатты ашылу рәсімі ұйымдастырылды.
Іс-шараға қатысушыларды Қарқаралы ауданы әкімінің орынбасары Нұржан Ағыбайұлы және облыстық денешынықтыру және спорт басқармасының бұқаралық спорт бөлімінің басшысы Ринат Тілеубек құттықтап, сәттілік тіледі.
Табиғаты көркем аймақта өткен марафон салауатты өмір салтын насихаттап, Қарқаралының туристік әлеуетін танытуға бағытталған маңызды спорттық шаралардың біріне айналды.
Биылғы жарысқа Қазақстанның әр өңірінен, сондай-ақ Ресей, Канада, Германия және Қырғызстаннан келген 400-ден астам спортшы қатысты.
Қатысушылар 1 км балалар жарысы, 5 км, 10 км Shaitankol Trail, 21 км Bugyly Forest Trail және 50 км Bugyly Ultra Trail бағыттары бойынша бақ сынады. Ең ұзын 50 шақырымдық қашықтық Бугылы жотасының көрікті жерлерін қамтып, биіктік айырмасы шамамен 1000 метр болатын күрделі бағыт ретінде ерекшеленді.
Уважаемые земляки!
Приглашаем вас на торжественные мероприятия, посвящённые 80-летию Героя Советского Союза, Халық Қаһарманы, лётчика-испытателя и первого казахского космонавта Тохтара Онгарбаевича Аубакирова.
Дата: 1 августа 2026 года
Место: этнолагерь «ҚАРҚАРАЛЫ GO», Каркаралинский район, Карагандинская область.
В программе: праздничный концерт с участием творческих коллективов области, соревнования по национальным видам спорта, конные скачки и вечерний гала-концерт.
Начало спортивных соревнований — в 09:00:
* қазақ күресі (74 кг и свыше 74 кг);
* армрестлинг (до 70 кг и свыше 70 кг);
* стрельба из лука среди мужчин и женщин.
Конные скачки — в 15:00 на ипподроме села Жаңанегіз:
* Кунан байге (11 км);
* Топ байге (18 км);
* Аламан байге (30 км).
Победителей ждут автомобили и крупные денежные призы.
Хедлайнер праздничного вечера — Адилет Жаугашар, а также другие звёзды казахстанской эстрады.
Приглашаем всех вместе отметить юбилей выдающегося сына Казахстана Тохтара Аубакирова!
САНЖАР – ЖАСТАР АРАСЫНДА АЗИЯ ЧЕМПИОНЫ!
Иорданияның Амман қаласында жастар арасында дзюдодан Азия чемпионаты өтті.
Аталған дүбірлі додада қарқаралылық балуан Санжар Ерұланұлы барлық қарсыластарынан айқын басым түсіп, Азия чемпионы атанды.
Жерлесімізді жарқын жеңісімен шын жүректен құттықтаймыз! Бұл – қажырлы еңбек пен табанды дайындықтың жемісі.
Санжарға алдағы халықаралық жарыстарда да биік белестерді бағындырып, еліміздің абыройын асқақтата беруіне тілектеспіз!
МАДИНА – ҮШ ДҮРКІН АЗИЯ ЧЕМПИОНЫ!
Филиппин астанасы Манила қаласында өткен самбодан Азия және Мұхит аймағы чемпионатында жерлесіміз Ержан Мадина барлық қарсыластарын айқын басымдықпен жеңіп, чемпион атанды.
Дүбірлі додаға 30 елден 500-ге жуық үздік балуан қатысты.
80 келі салмақ дәрежесінде сынға түскен Мадина жоғары шеберлігі мен ұтымды тактикасының арқасында барлық белдесуін сәтті өткізіп, жарыстың алтын жүлдесін жеңіп алды. Осылайша ол самбодан үш дүркін Азия чемпионы атанды.
Жерлесіміз Ержан Мадинаны айтулы жеңісімен шын жүректен құттықтаймыз! Алар асуы биік, жеңістері мол болсын!
МЕЙІРХАН АДАМБЕКОВ АТЫНДАҒЫ ОБЛЫСТЫҚ ДӘСТҮРЛІ ӘН ОРЫНДАУШЫЛАР БАЙҚАУЫ
Қазақ мәдениеті мен өнерінің ту тіккен ордасы – киелі Қарқаралыда қасиетті жеріміздің парасатты перзенті, саф алтынның сынығы, өнердің өрен жүйрігі, Арқаның қазақ ән өнерінде өзіндік өрнегін қалыптастырған арда әнші Мейірхан Адамбеков атындағы облыстық дәстүрлі ән орындаушылар байқауы өтеді.
Байқаудың мақсаты – Мейірхан Адамбековтің шығармашылық мұрасын келер ұрпаққа насихаттау, дәстүрлі ән өнерін дәріптеу, ұрпақтар сабақтастығын жалғастырып, елін, жерін, салт-дәстүрі мен ұлттық құндылықтарын құрметтейтін азаматтарды тәрбиелеу.
Байқауға халық әндері мен халық композиторлары Біржан сал, Ақан сері, Жаяу Мұса, Мәди, Шашубай, Естай, Ғазиз, Үкілі Ыбырай, Сегіз сері, Жүсіпбек Елебеков, сондай-ақ Абай әндерін ұлттық нақышпен орындауға қабілетті 16-35 жас аралығындағы өнерпаздар қатыса алады.
Жүлде қоры:
Бас жүлде – 1 000 000 теңге;
І орын – 500 000 теңге;
ІІ орын – 300 000 теңге;
ІІІ орын – 200 000 теңге;
Дипломант – 100 000 теңге.
Өтетін орны: Қарқаралы қаласы, Ш. Жандарбекова атындағы мәдениет үйі.
Өтетін күні: 2026 жылғы 1 шілде.
Басталу уақыты: сағат 10:00.
Дәстүрлі ән өнерін дәріптеп, өнер атты алып мұхитқа өз ән-ағысын қосып, «Мейірханның ән мектебін» қалыптастырған, талай ұрпаққа үлгі-өнеге болған ел ардақтысының туған күні – 1 шілдеде Қарқаралыда жүздесейік!
Қосымша ақпарат:
Тел.: 8 778 720 63 13
E-mail: [zhandarbekova.kdc@mail.ru](mailto:zhandarbekova.kdc@mail.ru)
“BAIQYMYZ” аймақаралық гастрономиялық фестивалі
Қарқаралыда өтетін “BaiQymyz” гастрофестивалі — қазақ даласының дәстүрін, ұлттық дәмін және мәдениетін тоғыстыратын ерекше шара.
Фестиваль барысында шеберлер жылқы тақырыбына арналған туындыларын ұсынады. Бұл — дала мәдениетінің, еркіндік пен тектіліктің символы.
Сондай-ақ көрмеде көшпелі халықтардың тарихы, салт-дәстүрі мен мәдени ерекшеліктері өнер және қолөнер арқылы насихатталады.
Мереке аясында өнер ұжымдарының қатысуымен қазақтың дәстүрлі және эстрадалық әндері орындалады.
Баршаңызды ұлттық рухты дәріптейтін мазмұнды мерекеге шақырамыз!