Ерекше балалардың шығармашылық және спорт фестивалі
2022 жылдың 21 қазанында қаламыздың Достық Үйінің ғимаратында Республика күніне орай «Өзіңе сен» ерекше балалардың шығармашылық және спорт фестивалі өтті.
Фестиваль аясында балалар келесі бағыттар бойынша бақ сынасты:
- Дойбы бойынша жарыс;
- Шахматтан жарыс;
- Ұлттық спорт түрлері бойынша жарыстар (асық ату, бес асық, тоғызқұмалақ және т. б.);
- Бейнелеу өнері – «Мен арманымды саламын» суреттер мен фото жұмыстар байқауы;
- Сәндік-қолданбалы шығармашылық: бисер, кесте, матаға сурет салу, ағашқа ою және кескіндеме, табиғи материалдан жасалған композициялар, мүсін;
- Көркем сөз және оқырмандар сайысы
- «Менің Отанымның тарихы»;
- Вокалдық байқау (жеке, ұжымдық орындау, жеке, дуэттер, ансамбльдер, халық вокалдық өнері және т. б.);
- Хореографиялық өнер байқауы (жеке, ұжымдық би және т. б.):
- Музыкалық-аспаптық шығармашылық.
Фестивальге барлығы 500-ге жуық адам қатысты. Фестивальдің барлық қатысушылары дипломдармен және бағалы сыйлықтармен марапатталды.