Мемлекеттік саясаттың басым бағыттарының бірі қазақстандық патриотизмді қалыптастыру болып табылады.
Бүгінгі күні әрбір баланы Мемлекеттік Туды, Мемлекеттік Елтаңбаны, Мемлекеттік Гимінді құрметтеуге тәрбиелеу, өскелең ұрпақтың еліміздің басты рәміздері туралы білімін арттыру өте маңызды.
Патриотизмге тәрбиелеудің басты элементі - Қазақстан Республикасының мемлекеттік рәміздерін білу.
Қазақстан Республикасының мемлекеттік рәміздерін насихаттау және қолдану жөніндегі облыстық инспекциялық топтың жұмысы Қарағанды қаласының М.Жұмабаев атындағы гимназия мен №17 ЖОББМ бастауыш сынып оқушыларымен бірлесе Мемлекеттік Гимінді орындаудан басталғанын айта кеткен жөн.
Қуана айтатыны, балалар Қазақстан Республикасының Мемлекеттік Гимін зор патриоттық сезіммен шырқады!