Ағымдағы жылдың 21 сәуірінде Қарағанды облысы әкімінің орынбасары Е.Ш. Әліқұлов Қарағанды облысының журналистік қоғамдастығымен кездесті.
Іс-шараға облыс әкімінің баспасөз қызметінің басшысы М.А.Шаповалова, ішкі саясат басқармасының басшысы Н. Р. Бикенов қатысты.
Жалпы кездесуге 40-тан астам БАҚ өкілдері, оның ішінде республикалық, облыстық, қалалық және аудандық БАҚ-тың меншікті тілшілері қатысты.
Кездесудің негізгі талқыланған мәселесі БАҚ-тың мемлекеттік органдардың баспасөз қызметтерімен өзара іс-қимылы тақырыбы болды.
Сондай-ақ, өңірлік баспа басылымдары мен телеарналарды дамыту, мемлекеттік ақпараттық саясатты іске асыруға байланысты конкурстық рәсімдер тақырыптары көтерілді.
Іс-шара ашық және конструктивті форматта өткізілді.
Облыс әкімінің орынбасары мұндай іс-шараларды жүйелі негізде өткізу туралы шешім қабылдады.