Өңірлік деңгейдегі бұқаралық ақпарат құралдарында мемлекеттік ақпараттық саясатты жүргізу үшін сатып алынатын қызметтердің құнын айқындау әдістемесін бекіту туралы
Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы», «Бұқаралық ақпарат құралдары туралы» Заңдарына, Қазақстан Республикасы Ақпарат және қоғамдық даму министрінің 2021 жылғы 19 мамырдағы №173 бұйрығына (Нормативтік құқықтық актілерді мемлекеттік тіркеу тізілімінде 22807 нөмірімен тіркелген) сәйкес Қарағанды облысының әкімдігі ҚАУЛЫ ЕТЕДІ:
- Қоса беріліп отырған өңірлік деңгейдегі бұқаралық ақпарат құралдарында мемлекеттік ақпараттық саясатты жүргізу үшін сатып алынатын қызметтердің құнын айқындау әдістемесі бекітілсін.
- «Қарағанды облысының ішкі саясат басқармасы» мемлекеттік мекемесі осы қаулыны ресми жарияланғаннан кейін Қарағанды облысы әкімдігінің интернет-ресурсында орналастыруды қамтамасыз етсін.
- Осы қаулының орындалуын бақылау Қарағанды облысы әкімінің жетекшілік ететін орынбасарына жүктелсін.
- Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Ж.Қасымбек
Өңірлік деңгейдегі бұқаралық ақпарат құралдарында мемлекеттік ақпараттық саясатты жүргізу үшін сатып алынатын қызметтердің құнын айқындау әдістемесі