Меню
Тұрғын үй-коммуналдық шаруашылық Ботақара кентінің тұрғындарының материалдық-мәдени және тұрмыстық қажеттіліктерін қамтамасыз ететін халық шаруашылығының жетекші салаларының бірі болып табылады. Негізгі міндеттердің бірі - кент аумағын абаттандыру. Абаттандыру бойынша іс-шаралар аясында сенбіліктер өткізіледі. Сонымен қатар келесідей жұмыстар жүргізіп отырады: ағаштарды кесу, қоршауларды бояу, ағаштарды әктеу. 2023 жылы сібір шыршасы, теректер және петуния көшеттері отырғызылып, ҚТҚ-ға 45 контейнер сатып алынып, орнатылды. Ботақара кентінде қатты тұрмыстық қалдықты шығару қызметін "Айым" ЖК орындайды.
2023 жылдың жазғы кезеңінде Ботақара кентінің Қазыбек би, Доскей, Төрегожин, Әуезов көшелерін жарықтандыру бойынша жұмыстар жүргізілді. 400-ден астам жарықдиодты шамдар ауыстырылды және орнатылды. 2023 жылы Әйтеке би, Доскей, Бәйтерек, Төле би, Достық, Мәшһүр Жүсіп көшелерінде электр беру желілерінде (ССП кабелін орнату, бетон тіректерін орнату) жөндеу жұмыстары жүргізілді.
Ботақара кентінің аумағында 52 көппәтерлі үй бар, оның 22-сі пешпен жылытылады (Әйтеке би к-сі, ж.Тәшенов к-сі, М. Мәметов к-сі, Абылай хан к-сі және Бұқар Жырау к-сі 89).
Қазіргі уақытта орталықтандырылған жылытуы бар көппәтерлі үйлердің жалпы саны 30 үйді құрайды (Әуезов көшесіндегі модульдік қазандыққа 16 үй және А.Бөкейхан көшесіндегі 5 үй, сондай-ақ Қазыбек би көшесіндегі 8 үй қосылған). 2020 жылдың басынан бастап қызмет көрсететін ұйым "Коммунальщик" ЖШС болып табылады. 1 м2 үшін төлем 205 теңгені құрайды.