Азаматтарды жеке қабылдау

Азаматтарды жеке мәселелері бойынша қабылдау шеңберінде кезектілік тәртібімен алдын ала жазылып алынған 25 тұрғынмен кездестім. Өтініш білдіргендердің басым бөлігі жұмысқа орналасу, тұрғын үй жағдайлары, жер құқығы және басқа да салалар мәселелері бойынша қызығушылық пен алаңдаушылық білдірді.
Тұрғын үй қиындықтарына тап болған тұрғындарға қолдау шаралары және әр санат бойынша кезекке тұру тәртібі туралы толық ақпарат берілді. Жер құқығы мәселелері бойынша қолданыстағы заңнамаға сәйкес түсіндіру жұмыстары жүргізілді.
Қабылдау соңында мен әкімнің орынбасарлары мен жауапты бөлімдердің басшыларына әрбір тұрғын айтқан мәселелерді шешуге белсенді қатысуды тапсырдым. Бұл біздің азаматтарымыздың өмір сүру сапасын жақсарту бағытындағы маңызды қадам, мен ұсынылған мәселелерді шешу үшін бірлескен күш-жігердің тиімділігіне сенімдімін.