Саяқ кентінің әкімдеріне кандидаттарды ұсыну қорытындылары туралы
2023 жылғы 23 тамызда Балқаш қалалық сайлау комиссиясының отырысы өтті, онда Саяқ кентінің әкімдеріне кандидаттарды ұсыну қорытындылары қаралып, тиісті шешім қабылданды.
2023 жылғы 10-22 тамыз аралығында Саяқ кентінің әкімдеріне 3 кандидат ұсынылды. Оның ішінде саяси партиялардан - 1, өзін - өзі ұсыну тәртібімен-2. Ұсынылған кандидаттар-ер адамдар.
Үміткерлердің орташа жасы-30 жас.
Мамандықтары бойынша: 1 экономист және 2 заңгер.
Ұсынылған кандидаттар мемлекеттік қызметшілер болып табылады, басқа салалардан кандидатуралар, қоғамдық ұйымдардың өкілдері болған жоқ.
Әкімге ұсынылған барлық кандидаттар "Қазақстан Республикасындағы сайлау туралы" ҚР Конституциялық заңының, "Қазақстан Республикасындағы жергілікті мемлекеттік басқару және өзін-өзі басқару туралы" ҚР Заңының 36-бабының және Қазақстан Республикасының Мемлекеттік қызмет саласындағы заңнамасының талаптарына сәйкес келеді.
Қазіргі уақытта Саяқ кентінің әкіміне кандидаттарды тіркеу рәсімі басталды.