Мүгедектер үшін жұмыс орындарына
квота белгілеу туралы
Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін - өзі басқару туралы» Заңына, Қазақстан Республикасының 2005 жылғы 13 сәуірдегі «Қазақстан Республикасында мүгедектерді әлеуметтік қорғау туралы» Заңына, Қазақстан Республикасының 2016 жылғы 6 сәуірдегі «Халықты жұмыспен қамту туралы» Заңына, Қазақстан Республикасының Денсаулық сақтау және әлеуметтік даму министрінің 2016 жылғы 13 маусымдағы №498 «Мүгедектер үшін жұмыс орындарын квоталау қағидаларын бекіту туралы» бұйрығына сәйкес, Балқаш қаласының әкімдігі ҚАУЛЫ ЕТЕДІ:
- Ауыр жұмыстарды, еңбек жағдайлары зиянды, қауіпті жұмыс орындарын есептемегенде, жұмыс орындары санының екіден төрт пайызға дейінгі мөлшерінде мүгедектер үшін осы қаулының қосымшасына сәйкес жұмыс орындарына квота белгіленсін.
- Балқаш қаласы әкімдігінің 2020 жылғы 26 ақпандағы №08/01 «Мүгедектер үшін жұмыс орындарына квота белгілеу туралы» (Қарағанды облысының Әділет департаментінде №5715 болып тіркелген, 2020 жылғы 10 қаңтардағы №1-2 (12894) «Балқаш өңірі» және №1-2 (1885) «Северное Прибалхашье» газеттерінде, Қазақстан Республикасы нормативтік құқықтық актілерінің эталондық бақылау банкінде электрондық түрде 2020 жылғы 3 наурызда жарияланған) қаулысының күші жойылды деп танылсын.
- Осы қаулының орындалуын бақылау Балқаш қаласы әкімінің орынбасары Жаксылыкова Саягуль Жаксылковнаға жүктелсін.
- Осы қаулы алғаш ресми жарияланған күннен бастап қолданысқа енгізіледі.