2024 жылғы қазан айының 19-20 күндері Астана қаласында Қарағанды облысының тауар өндірушілерінің қатысуымен өткізілетін ауыл шаруашылығы жәрмеңкесі туралы БАСПАСӨЗ ХАБАРЛАМАСЫ

2024 жылғы қазан айының 19-20 күндері Астана қаласы Қарқаралы 1 тас жолы (Ипподром) алаңында Қарағанды облысының тауар өндірушілерінің қатысуымен ауыл шаруашылығы жәрмеңкесін өткізу жоспарланып отыр.

Жәрмеңкеге 7 ауданның қожалықтары мен Қарағанды, Балқаш қалаларынан 90-нан астам ауыл шаруашылығы тауар өндірушілері мен қайта өңдеумен айналысатын кәсіпорындар қатысады.

Жәрмеңкеде Астана қаласының тұрғындарына келесі өнімдер ұсынылады:

·        Еттің барлық түрі	-	124,7 тонна;
·        Картоп және көкөністер	-	200 тонна;
·        Сүт өнімдері	-	11 тонна;
·        Тауық жұмыртқасы	-	200 мың дана;
·        Балық	-	6,3 тонна;
·        Басқа өнімдер (шұжық, кондитерлік, т.б.)	-	12,0 тонна.

 

Жәрмеңкедегі өнімдердің бағасы Астана қаласы базарларының бағасынан 15-20% төмен болады. Апарылатын өнімнің жалпы көлемі 354 тоннаны құрайды

Облыстың қайта өңдеу кәсіпорындарының төмендегі өнім түрлері ұсынылады:

- сүт өнімдері - "Natige Milk"ЖШС;

- кондитерлік және нан-тоқаш өнімдері - "Қарағанды-Нан Корпорациясы"ЖШС;

- шұжық өнімдері - "Мецгер "шұжық цехы "ЖШС";

- картоп және көкөністер-"Шахтерское" ЖШС, "Шанс" ШҚ, "Надежда-Н.В." ЖШС, "Шығыс" ШҚ,"Поливное" ШҚ;

- құс еті мен жұмыртқа - "Ақнар ПФ" ЖШС, "Агрофирма "Құрма" ЖШС, "Ushtobe Qus"ЖШС.

Өткізілетін жәрменкеге, Қарағанды облысында өндірілген ауыл шаруашылығы өнімдерін алуға Астана қаласы тұрғындары мен қонақтарын шақырамыз.

 

Қарағанды облысының әкімдігі