Қарағанды облысында барлық өңірдің ауыл шаруашылығы тауарын өндірушілерінің қатысуымен өткізілетін күзгі ауыл шаруашылығы жәрмеңкелерінің маусымы аяқталды.
Қорытынды жәрмеңке 12 қарашада Қарағанды қаласының "Global city" көтерме-тарату орталығы аумағында өткізілді. Өз өнімдерін облыстың 7 ауылдық ауданының, сондай-ақ Қарағанды, Теміртау, Шахтинск қалаларының ауыл шаруашылығы тауарын өндірушілер мен қайта өңдеу кәсіпорындары ұсынды.
Жәрмеңкеде барлығы 384 тонна өнім сатылды, оның ішінде: 59 тонна ет, 220 тонна картоп, 50 тонна көкөніс, 17,0 тонна сүт өнімдері, 7 тонна балық және балық өнімдері, 150 мың дана тауық жұмыртқалары және 30,0 тонна басқа өнімдер.
Қарлы ауа-райына қарамастан жәрмеңкеге қаланың барлық шағын аудандарынан келген тұрғындар мен қаланың қонақтары келді. Олар жергілікті өндірушілер нарықтан 10-15% төмен бағамен жеткізген ет, көкөніс өнімдері мен жұмыртқаларды белсенді сатып алды және қыста қажетті қорларды жасай алды.