Абай ауданына жұмыс сапарымен Қарағанды облысының әкімі Ж. М. Қасымбек келді
Облыс басшысы Абай қаласында абаттандыру нысандарын және тұрғын үй құрылысын аралады.
Жеңіс Махмұдұлы қаладағы 3-шағынауданда орналасқан 5 көпқабатты тұрғын үйі бар (№37,38,39,40,41) аулаларды көрді. Мұнда биылғы жылы асфальттау жұмыстары жүргізіліп, кеспе тастан жаяу жүргінші жолдары мен кіреберіс жолдар салынды. Ауланың ортасында көгал жамылғысы бар екі қоршалған алаң бар: олардың бірі – спорттық, екіншісі –балалар алаңы. Қазіргі таңда орындықтарды орнату және алаңдарды жарықтандыру жұмыстары жүргізіліп, аяқталуға жақын.
Екінші нысан Жеңіс даңғылындағы құрылыс алаңы болды. Онда жеке инвестициялар есебінен бес қабатты тұрғын үй салынады. Инвестор 45 пәтердің жалпы ауданы шамамен 2,5 мың шаршы метрді құрайтынын айтты. Құрылысты 2022 жылдың 1 сәуір айына дейін аяқтау жоспарлануда. Пәтерлерді сату мәселесі әлі де ашық – бұл не ипотекалық кредиттеу, не мемлекеттің көп балалы отбасылар мен кезекте тұрғандар үшін дайын тұрғын үйді сатып алуы бойынша жүргізілуі мүмкін.
Бұдан кейін облыс әкімі 4-шағынаудандағы тағы бір құрылыс алаңына барды. Мұнда да жеке инвестициялар арқылы 90-шы жылдары басталған құрылысты қалпына келтіріп, аяқтауға жақын. 70 пәтерлі көпқабатты үйде пәтерлер бюджет есебінен сатып алынады. Олар тұрғын үйге мұқтаж көп балалы отбасыларға берілетін болады.
Айта кету керек, "Нұрлы Жер" мемлекеттік бағдарламасы бойынша биыл Абайда 30-кварталда тағы бір бес қабатты тұрғын үй салынды. Көпқабатты үйдегі пәтерлер "Отбасы банк" бағдарламасы бойынша сатып алынады және осы аптада біз көптен күткен кілттерді абайлықтарға табыстауды жоспарлап отырмыз.
Одан әрі біз Көксу ауылдық округіне астық жинау барысымен танысу үшін бардық.
Абай ауданы Қарағанды облысы бойынша көлемінде 52,5% картоп және 61,9% көкөніс өндіреді. Ауданның ауыл шаруашылығы құрылымдарында картопты жалпы жинау шамамен 153,8 мың тоннаны және көкөністерді – 35,0 мың тоннаны құрайды деп жоспарлануда. Егін жинау науқанына 108 астық жинау комбайны, оның ішінде 5 "Джон Дир"маркалы комбайн тартылған. Картоп жинауға 20 дана картоп жинайтын комбайндар мен 25 картоп қазғыштар қатысады, бұл 261 гектардың күнделікті өнімділігін ескере отырып, 22 күнде егін жинауды аяқтауға мүмкіндік береді.
"Астра-Агро LTD" ЖШС-де жобаның құны 1 млрд.350 млн. теңге болатын 500 басқа арналған сүт-тауар фермасының құрылысы жүзеге асырылуда. Жобалық қуаттылығы-жылына 3 200 тонна сүт, іске асыру мерзімі: 2019-2023 жж., 30 жұмыс орнын құру жоспарлануда.
"Шанс" шаруа қожалығы 400 басқа арналған тауарлы – сүт фермасын салады, жобалық қуаттылығы - жылына 3 200 тонна сүт. Сондай-ақ, "Шанс" шаруашылығының инвестициялары есебінен құрама жем зауыты және "Petkus"Астық тазалау машинасы салынды.