Абай ауданының әкімдігінде Үкіметтік емес ұйымдармен байланыс жөніндегі кеңестің кезекті отырысы өтті. Отырыс барысында мемлекеттік органдар мен азаматтық сектордың өзара іс-қимылына қатысты өзекті мәселелер қаралып, алдағы бірлескен жұмыстың негізгі бағыттары айқындалды.
Негізгі тақырыптардың бірі – мүмкіндігі шектеулі азаматтардың мәселелерін шешуге үкіметтік емес ұйымдар мен мемлекеттік органдардың қатысуы болды. Отырысқа қатысушылар қолданыстағы қолдау шараларын көрсетумен қатар, нақты мәселелерді дер кезінде анықтап, оларды бірлесіп шешу жолдарын қарастыруға мүмкіндік беретін тұрақты кері байланыстың маңыздылығын атап өтті.
Сондай-ақ 2027 жылға арналған мемлекеттік әлеуметтік тапсырысты қалыптастыру мәселесі талқыланды. Қатысушылар ерекше назар аударуды қажет ететін бағыттар мен Абай ауданының тұрғындарына нақты пайда әкелетін жобалар жөнінде пікір алмасты.
Алдағы жобаларды жоспарлаудағы басты бағдар – олардың халық үшін өзектілігі мен нақты нәтижелілігі. Осыған байланысты азаматтық сектордың ұсыныстары мен үкіметтік емес ұйымдардың практикалық тәжірибесі алдағы жұмыс бағыттарын айқындауда маңызды рөл атқарады.
Отырыс қорытындысы бойынша мемлекеттік органдар мен ҮЕҰ бірлесіп пысықтайтын бірқатар мәселелер белгіленді.
Кеңес жұмысы алдағы уақытта да сындарлы диалог, ұсыныстар алмасу және ауданның әлеуметтік маңызы бар мәселелері бойынша бірлескен шешімдер әзірлеу алаңы ретінде жалғасын табады.