Қазақстан Республикасы Энергетика министрлігі Атомдық және энергетикалық қадағалау мен бақылау комитетінде жылу беру маусымының өту барысы қаралды

Ағымдағы жылғы 27 ақпанда Қазақстан Республикасы Энергетика министрлігі Атомдық және энергетикалық қадағалау мен бақылау комитетінде Индустрия және инфрақұрылымдық даму министрлігімен, өңірлер әкімдіктерімен, «KEGOC» АҚ, «Самұрық-Энерго» АҚ, «ҚТЖ» ҰК» АҚ, «ҚазТрансГаз Аймақ» АҚ және энергия кәсіпорындарының басшыларымен бірлесіп 2019-2020 жылдардағы күзгі-қысқы кезеңді өткізу бойынша салалық селекторлық кеңес өткізілді.

Кеңесте жеткізілген отын үшін берешектер мен энергия беруші және энергия өндіруші ұйымдар алдындағы энергиямен жабдықтаушы ұйымдардың дебиторлық берешектерін өтеу, әлеуметтік-өндірістік объектілер мен мекемелерге «әлеуметтік» мазутты жеткізу, энергия көздеріндегі отынның нормативтік қорын қолдау, жылу желілері жұмысының температуралық кестесін сақтау және энергия кәсіпорындарының су тасқыны кезеңіне дайындығы мәселелері қаралды.

Сондай-ақ энергия беруші ұйымдарға ЭКЕАЖ енгізу, өңірлердегі иесіз электр желілерінің, сондай-ақ электр желілеріндегі тозу және нормативтік техникалық ысыраптардың мәселелері қаралды.

Кеңес қорытындысы бойынша облыс, Нұр-сұлтан, Алматы және Шымкент қалаларының әкімдіктеріне:

- берілген отын үшін берешектерді өтеу бойынша жұмысты ұйымдастыру;

- әлеуметтік мазутты тиеу жоспарын орындау тапсырылды.

Энергия кәсіпорындарының бірінші басшыларына:

- электр станцияларындағы отынның нормативтік қорын қолдау;

- жылу желілері жұмысының температуралық кестесін сақтау;

- электр станцияларында электр энергиясын өндіру/тұтыну режимін сақтау;

- технологиялық бұзушылықтарды жою үшін материалдар мен жабдықтардың авариялық қорын құру;

- жұмыстардың өндірістік қауіпсіздік шараларын күшейту;

- тасқынға қарсы әзірленген іс-шараларды орындау тапсырылды.