Сыбайлас жемқорлыққа қарсы заңнаманың орындалуы тақырыбында кеңес

2020 жылғы 28 қаңтарда Қазақстан Республикасының Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызметтің) Нұр-Сұлтан қаласы бойынша департаменті ұйымдастыруымен Сыбайлас жемқорлыққа қарсы заңнаманың және Мемлекеттік қызметшілердің қызметтік әдеп қағидаларының орындалуы тақырыбында кеңес өткізілді. Аталған кеңес Нұр-Сұлтан қаласының әкімдігі ғимаратында өткізілді. Бұл кеңеске Қазақстан Республикасы Энергетика Министрлігі Атомдық және энергетикалық қадағалау мен бақылау комитетінің Нұр-Сұлтан қаласы бойынша аумақтық департаменті қызметкерлері де қатысты.

Аталған кеңесте келесі ұсыныстар берілді:

- сыбайлас жемқорлыққа қарсы заңнаманың және Мемлекеттік қызметшілердің қызметтік әдеп қағидаларының қатаң орындалуы;

- қызметтік міндеттерін орындау кезінде жеке және пайдакүнемдік мүдделерін басшылыққа алмау;

- мүліктік және мүліктік емес игіліктер мен басымдықтарды алу мақсатында таратуға жатпайтын қызметтік және өзге де ақпаратты пайдаланбау;

- қоғам мен мемлекеттің игілігі үшін жұмыс істеу, өзінің іс-әрекеттерімен мемлекеттік биліктің беделін нығайту, мемлекеттік қызметтің атына кіркелтіретін іс-әрекеттерді жасауға жол бермеу;

- өзге мемлекеттік қызметкерлер тарапынан сыбайлас жемқорлық құқық бұзушылығы фактілерін тоқтату;

- жұмыс уақытын тиімді және нәтижелі пайдалану, өзінің қызметтік міндеттерін адал, әділ және сапалы атқару, еңбек тәртібін қатаң сақтау;

- өзі үшін немесе үшінші адам үшін заңсыз материалдық пайда алу мақсатында арандату сипатындағы кедергілер немесе өзге де жағдайлар жасамау.