АЭХА-да радиоактивті көздердің қауіпсіздігі бойынша жұмыс тобының жыл сайынғы кеңесі өтті

2018 жылғы 23-26 сәуірде радиоактивті көздердің қауіпсіздігі бойынша жұмыс тобының жыл сайынғы кеңесінде 70 мүше мемлекеттен 100-ден астам қатысушылар қатысты. Күн тәртібінде қауіпсіздік жүйелерін жобалау және қауіпсіздік мәдениеті мәселелері болды. Радиоактивті көздер өнеркәсіпте еңбектің өнімділігін арттыру үшін, тамақ өнімдерін жақсы сақтау үшін, сондай-ақ емделушілерді диагностикалау және емдеу үшін кеңінен қолданылады. АЭХА-ның ядролық қауіпсіздік бөлімдерінің бағдарламалар әзірлеу және халықаралық ынтымақтастық секциясының басшысы Джейсон Тьерни, ашылуда кездесудің қатысушыларына: «АЭХА радиоактивті көздердің қауіпсіздігі бойынша олардың барлық тіршілік кезеңі бойы жалғасуын қолдайтынын және осы саладағы зерттеулер мен әзірлемелерге жәрдемдесетінін» айтты. Кездесудің қатысушысы, Филиппиндегі Филиппин Ядролық зерттеулер институтының Ғылыми зерттеулер бойынша маманы Мария Тереза Салабит мүдделі тараптармен консультациялар «қауіпсіздік инспекциясы бағдарламасын жүзеге асыруды жақсарту үшін, сондай-ақ радиоактивті материалдардың қауіпсіздігіне қатысты жаңа қағидаларды әзірлеу үшін» озық тәжірибелердің бірі болып табылады деп мәлімдеді. Қатысушылардың әр түрлілігі ақпаратпен және озық тәжірибемен жемісті алмасуды жүргізуге мүмкіндік берді.