Атомдық және энергетикалық қадағалау мен бақылау комитеті жылыту маусымына дайындықты қарады

30 мамырда Қазақстан Республикасы Энергетика министрлігінің Атомдық энергетикалық қадағалау және бақылау комитеті Инвестициялар және даму министрлігімен, облыстық әкімшіліктермен, ұлттық компаниялары «KEGOC» АҚ, «Самұрық-Энерго» АҚ, «ҚТЖ» ҰК» АҚ,    «ҚазТрансГаз Аймақ» АҚ, «Қазмұнайгаз» ҰК» АҚ және энергетикалық кәсіпорындардың басшыларымен  бірге 2018-2019 жылғы күзгі-қысқы кезеңге дайындық бойынша салалық селекторлық кеңес өткізді.

   Комитеттің есебінде алдағы күзгі-қысқы кезеңде ел тұтынушыларын тұрақты энергиямен қамтамасыз ету туралы айтылды, 2018 жылға бекітілген кестесіне сәйкес электр станцияларының негізгі жабдықтары бойынша 8 энергоблоктың, 56 энергетикалық қазаның және 45 турбинаның күрделі және кеңейтілген жөндеу жұмыстары жоспарланған. Ағымдағы жылдың мамыр айының соңында 2 энергоблокты (жылдық көлемнің 25 %), 9 қазанды (жыл сайынғы көлемнің 16 %) және 8 турбинаны (жылдық көлемнің 18%) жөндеу бойынша жұмыстар аяқталды. Түрлі жөндеу кезеңдерінде 4 энергоблок, 18 қазан мен 12 турбинада жұмыс жүргізүлеуде. Жалпы алғанда, жұмыс кестеге сәйкес жүзеге асырылуда.

   Бірыңғай электр энергетикалық жүйесінің электр желілерін 2018-2019 жж. күзгі-қысқы кезеңге дайындау үшін жалпы ұзындығы  23 795 км электр жеткізу желілерін, сондай-ақ 5 497 қосалқы станцияны, ҮП, ТП, ЖТП-10/0,4 кВ-ті жөндеулері жоспарланған. Ағымдағы жылдың мамыр айының соңында 2,682 км электр жеткізу желілерін жөндеуі жургізілген, бұл жылдық жоспардың 11 % құрайды. Жалпы, жөндеу жұмыстары кесте бойынша жүргізіледі.

   Кеңес қорытындысы бойынша өңірлер әкімдіктеріне 2018-2019 жж. күзгі-қысқы кезеңге арналған тіршілікті қамтамасыз ету объектілерін дайындау барысын қадағалау, отын жинау, сондай-ақ энергетикалық кәсіпорындар басшыларына жұмыстарды орындау кезінде қауіпсіздік шараларын күшейтуге және энергетикалық жабдықтың техникалық жай-күйін және жөндеу жұмыстары бақылауға тапсырылды.