ШЫМКЕНТ ҚАЛАСЫНЫҢ ЖЕР ҚАТЫНАСТАРЫ БАСҚАРМАСЫ 2025 ЖЫЛДЫҢ 11 АЙЫНДАҒЫ АТҚАРЫЛҒАН ЖҰМЫСТАРЫ ТУРАЛЫ БАСПАСӨЗ БРИФИНГІНДЕ БАЯНДАМА ЖАСАДЫ
Шымкент қаласының жер қатынастары басқармасы 2025 жылдың 11 айында бекітілген жоспарлар мен индикаторларға сәйкес бірқатар маңызды жұмыс атқарды.
Басқармада бекітілген штаттық құрылымға сай 28 мемлекеттік қызметкер қызмет атқаруда. Жобалық кеңсе аясында бекітілген бюджет және l-komek индикаторлары бойынша жұмыстар жоспарға сәйкес орындалуда. • Жер балансы: Шымкент қаласының жалпы аумағы 116 280 гектарды құрайды. Қала 5 ауданға және тұрғын үй, әлеуметтік, комммерциялық және өзге аймақтарға бөлінген. Жер қорының есебі тұрақты жүргізілуде. • Арыз-шағымдар мен өтініштер: 2025 жылдың 11 айында басқармаға 7140 кіріс хат тіркеліп, оның ішінде 3299-ы арыз- шағымдар болды. Барлық өтініштерге уақтылы жауап берілді. Сонымен қатар, 9 мемлекеттік қызмет түрі бойынша 38486 өтінім қабылданып, көрсетілді. «l-komek» бірыңғай байланыс орталығы арқылы түскен 20 арыз-шағымға тиісті жауаптар берілді. • Қала әкімдігінің қаулылары: 11 айда қала әкімдігімен жалпы 5649 қаулы қабылданып, оның ішінде мемлекеттік мекемелерге, кәсіпкерлік және жеке тұрғын үй құрылысына жер учаскелерін беру, сондай-ақ нысаналы мақсаттарды өзгерту мәселелері қамтылды. • Жерді бақылау және заңбұзушылықтар: 2023-2025 жылдары игерілмеген және заңсыз пайдаланылған жерлер бойынша 351 хат жолданып, 1700-ден астам жер учаскесі анықталды.2025 жылы заңсыз салынған нысандар бойынша бірқатар істер сотта қаралуда. • Мемлекет мұқтажы үшін жерді қайтару: Жыл басынан бері 398 жер учаскесі мемлекет мұқтажы үшін иеліктен шығарылып, өтемақы төленді немесе тең бағалы жер берілді. • Құқықтық жұмыс: 2025 жылдың 11 айында басқарма соттарда 744 іске қатысты. Оның ішінде талапкер, жауапкер және мүдделі тұлға ретінде қатысу арқылы жер қатынастары саласындағы заңдылықты қамтамасыз ету бағытында жүйелі жұмыс жүргізілді.