Алматыда ғылыми гранттар конкурсының финалдық кезеңіне 23 жоба жолдама алды. Байқау перспективалы ғылыми әзірлемелерді қолдауға, олардың практикалық әлеуетін ашуға және ғылым жетістіктерін нақты өмірде қолдануға бағытталған.
Финалдық кезеңде жобалардың ғылыми жаңалығы, практикалық маңызы, коммерцияландыру әлеуеті және іске асыру мүмкіндігі жан-жақты бағаланды. Бұл ретте ұсынылған әзірлемелердің өзектілігі мен қаланың дамуына қосатын ықтимал үлесіне ерекше назар аударылды.
Жобаларды бағалауға Алматы қаласы мәслихатының депутаттары, Ғылым және технологиялар кеңесінің мүшелері, Қазақстан Республикасы Ұлттық ғылым академиясының өкілдері, ғылыми қоғамдастық пен қоғам өкілдері қатысты.
Конкурс қорытындысы бойынша үздік жобалар Республика күні қарсаңында анықталады. Жеңімпаздарға өз ғылыми әзірлемелерін жүзеге асыруға арналған гранттар беріледі.
Байқау ғылыми идеяларды нақты нәтижеге айналдыруға, зерттеушілердің әлеуетін қолдауға және ғылыми әзірлемелерді тәжірибеге енгізуге мүмкіндік береді.
|
№ |
Заявка/Өтініш |
|
1 |
2 |
|
2 |
4 |
|
3 |
5 |
|
4 |
13 |
|
5 |
21 |
|
6 |
27 |
|
7 |
42 |
|
8 |
48 |
|
9 |
61 |
|
10 |
62 |
|
11 |
65 |
|
12 |
67 |
|
13 |
85 |
|
14 |
102 |
|
15 |
130 |
|
16 |
151 |
|
17 |
166 |
|
18 |
167 |
|
19 |
174 |
|
20 |
193 |
|
21 |
202 |
|
22 |
218 |
|
23 |
223 |
Алматыда жыл басынан бері жастардың құқықтық сауаттылығын арттыруға бағытталған 260-тан астам іс-шара өткізілді
Алматыда 2026 жылдың басынан бері жастардың құқықтық сауаттылығын арттыру және құқық бұзушылықтардың алдын алу мақсатында 260-тан астам іс-шара ұйымдастырылды. Оларға 30 мыңнан астам жас және профессорлық-оқытушылық құрамның 500-ден астам өкілі қатысты. Бұл туралы 15 қазанда Мұхамеджан Тынышбаев атындағы ALT университетінде өткен «Заң мен тәртіп» қоғамдық форумында айтылды.
Форумға 400-ге жуық студент пен белсенді жастар, құқық қорғау органдарының, қоғамдық ұйымдар мен жастар бірлестіктерінің өкілдері қатысты. Жиында құқық бұзушылықтардың алдын алу, интернет-алаяқтыққа, есірткі қылмысына, буллингке және заңсыз қаржылық схемаларға қарсы іс-қимыл мәселелері талқыланды. Іс-шара Қазақстан Республикасының Президенті Қасым-Жомарт Тоқаев мемлекеттік саясаттың басым бағыттарының бірі ретінде айқындаған «Заң мен тәртіп» қағидатын іске асыру аясында ұйымдастырылды.
Форумда сөз сөйлеген Алматы қаласы Жастар саясаты басқармасы басшысының орынбасары Мирас Нысаналиев құқықтық мәдениетті қалыптастыру әрбір адамның өз іс-әрекетіне саналы көзқарас танытуынан және қоғам алдындағы жауапкершілігін сезінуінен басталуы тиіс екенін атап өтті.
«Бүгінде Алматыда 14 пен 35 жас аралығындағы 770 мыңға жуық жас тұрады. Қаламыз – еліміздегі ең ірі студенттік орталықтардың бірі. Сондықтан жастарға сапалы білім берумен қатар, олардың бойында заңға деген құрмет пен азаматтық жауапкершілікті қалыптастыру аса маңызды. Біздің ортақ міндетіміз – заңды сақтау қалыпты мінез-құлық нормасына, жауапкершілік әр адамның жеке ұстанымына, ал қауіпсіздік баршамызға ортақ құндылыққа айналған қоғам құру», – деді Мирас Нысаналиев.
Жастар саясаты басқармасының мәліметінше, жыл басынан бері ұйымдастырылған 260-тан астам іс-шараның 150-ден астамы жастар комьюнити-орталықтарында, ал 110-нан астамы жоғары оқу орындарында өткізілген.
Жастар көп шоғырланатын орындарда профилактикалық жұмыстар жүргізуге ерекше назар аударылды. Аудандық полиция басқармаларымен бірлесіп тұрақты рейдтік іс-шаралар ұйымдастырылды. Есепті кезеңде 155-тен астам нысан тексеріліп, 65-тен астам әкімшілік құқық бұзушылық анықталды.
Басқарма өкілдерінің айтуынша, атқарылған жұмыстың негізгі бағыты құқық бұзушылықтарды анықтау емес, олардың алдын алу болды.
«Біздің басты мақсатымыз – құқық бұзушылықтарды анықтаумен ғана шектелмей, олардың алдын алу, жастарға заң талаптары мен жеке жауапкершіліктің маңызын түсіндіру. Бүгінде көптеген қауіп-қатер цифрлық кеңістікке ауысты. Интернет-алаяқтық, заңсыз қаржылық схемалар, әлеуметтік желілер арқылы есірткі тарату және жастарды заңға қайшы әрекеттерге тарту мәселелері ерекше назар аударуды талап етеді. Сондықтан құқықтық және цифрлық сауаттылықты арттыру – бүгінгі күннің маңызды талабы», – деді басқарма басшысының орынбасары.
Форум барысында құқық бұзушылықтардың алдын алуға және азаматтық жауапкершілікті дамытуға бағытталған жастар жобаларының нәтижелері де таныстырылды.
Атап айтқанда, Алматы қаласы Полиция департаментімен бірлесіп, «Наркостоп» жобасы аясында есірткі қылмысының алдын алуға бағытталған профилактикалық кездесулер мен акциялар өткізілді. Мемлекеттік әлеуметтік тапсырыс шеңберінде жастардың құқықтық мәдениетін арттыруға бағытталған «Azamat» жобасы іске асырылды.
Алатау ауданында 400-ден астам белсенді жасты біріктірген сыбайлас жемқорлыққа қарсы волонтерлік фронт-офис жұмысын жалғастырды. Ал Жетісу ауданында студенттер мен жас заңгерлерден құралған «Әділет» жастар қозғалысы өз қызметін жүзеге асырды.
Сонымен қатар алматылық жастардың өз бастамаларына ерекше көңіл бөлінді. Мәселен, «Жастар қатысатын бюджет» жобасы аясында жастар «Заң мен тәртіп» қағидатын насихаттауға бағытталған бастама ұсынды. Аталған жоба 230 дауыс жинап, қолдау тапқан ұсыныстардың қатарына енді.
«Жастардың өздері ұсынған бастамалардың маңызы ерекше. Бұл олардың қауіпсіздік мәселелерін талқылауға ғана емес, құқықтық мәдениетті нығайтуға бағытталған нақты іс-әрекеттерге де мүдделі екенін көрсетеді. Өйткені «Заң мен тәртіп» қағидатын жүзеге асыру – тек мемлекеттік органдардың міндеті емес, әрқайсымыздың ортақ жауапкершілігіміз», – деп атап өтті Мирас Нысаналиев.
Форумдағы талқылауға Алматы қаласы бойынша Экономикалық тергеп-тексеру департаментінің өкілі Дулат Білдебаев, Алмалы ауданы прокуратурасының аға прокуроры Әсел Әбдікәрімова, Алматы қаласы Полиция департаментінің Есірткі қылмысына қарсы іс-қимыл басқармасының өкілі, полиция подполковнигі Дәурен Көбеев, сондай-ақ «Әділет» жастар қозғалысының төрағасы Ерболат Тұрлан қатысты.
Құқық қорғау органдарының өкілдері құқықтық жауапкершілік, қылмыстың алдын алу және қоғамдық қауіпсіздікті қамтамасыз ету мәселелері туралы баяндады. Әсіресе жастардың күнделікті өмірде және цифрлық ортада кездесетін қауіп-қатерлеріне ерекше назар аударылды.
Форум соңында ашық диалог алаңы ұйымдастырылды. Студенттер мемлекеттік органдардың өкілдеріне өздерін толғандырған сұрақтарын қойып, өзекті мәселелерді талқылады және құқықтық тәртіпті нығайтуға бағытталған бастамаларын ұсынды.
Қатысушылар қалада қауіпсіз орта қалыптастыру және алматылық жастардың құқықтық сауаттылығын арттыру үшін құқық қорғау органдары, білім беру мекемелері мен жастар ұйымдары арасындағы өзара ынтымақтастықты одан әрі нығайтудың маңыздылығын атап өтті.
«Оқитын ұлт» жалпыұлттық марафоны аясында алматылық жастар ұсынылған төрт кітаптың бірін оқып, бейнерецензия дайындап, ақшалай жүлделерге ие болу мүмкіндігіне ие болады. Бұл туралы Алматы қаласының Жастар саясаты басқармасы хабарлады.
Байқауды Алматы қаласы Жастар саясаты басқармасының қолдауымен Skill All қысқа мерзімді курстарының жобалық кеңсесі ұйымдастырып отыр. Оның негізгі мақсаты – жастардың кітап оқуға деген қызығушылығын арттыру, сыни ойлау қабілетін дамыту және өз пікірін дәлелді түрде жеткізу дағдыларын қалыптастыру.
Қатысушыларға төрт кітаптың бірі ұсынылады: Сайын Мұратбековтің «Жусан иісі», Олжас Сүлейменовтің «АЗ и Я», Мари Фавероның «Алтын Орда. Дала империясы әлемді қалай өзгертті» және Арман Әлменбеттің «Тергеуші» шығармалары.
Таңдалған шығарма бойынша ұзақтығы бір минуттан үш минутқа дейінгі бейнерецензия дайындау қажет. Бейнерецензияда кітаптың негізгі идеясын ашып, мәтіннен кемінде екі мысал келтіріп, оқылған шығарма бойынша жеке қорытынды жасау талап етіледі.
Байқауға қатысу үшін алдымен тіркеліп, Instagram әлеуметтік желісінде таңдалған кітаптың атауы мен #oqitynult хэштегі көрсетілген жазба жариялау қажет. Кейін дайын бейнерецензияны дәл осы хэштегпен орналастыру керек.
Қатысушылардың жұмыстары төрт негізгі критерий бойынша бағаланады: шығарма мазмұнын түсіну, пікірді дәлелдеу сапасы, ойдың дербестігі, баяндаудың логикасы мен анықтығы. Ең жоғары баға – 100 балл.
Чемпионаттың жалпы жүлде қоры 400 мың теңгені құрайды. Бірінші орын иегеріне 100 мың теңге, екінші орын алған екі қатысушыға 75 мың теңгеден, ал үшінші орын иеленген үш қатысушыға 50 мың теңгеден беріледі.
Бейнерецензияларды қабылдау 19 қазанға дейін жалғасады. 20–22 қазан аралығында қазылар алқасы жұмыстарды бағалайды. Ал 23 қазанда чемпионаттың қорытынды іс-шарасы өтіп, жеңімпаздар жарияланып, марапатталады.
Ұйымдастырушылардың пікірінше, чемпионат жастардың классикалық және заманауи әдебиетке деген қызығушылығын арттырып қана қоймай, оқылған шығармалар туралы пікір алмасуға және өзара талқылау мәдениетін дамытуға мүмкіндік береді.
Алматыда Қазақ бас сәулет-құрылыс академиясының (ҚазБСҚА) бірінші курс студенттерін салтанатты қабылдау рәсімі өтті. Биылғы іс-шара Қазақстан Республикасының Президенті Қасым-Жомарт Тоқаев айқындаған құндылықтарды дәріптейтін «Позитивті жастар» ұранымен ұйымдастырылды. Мерекенің басты ерекшелігі – туризм, спорт, цифрландыру және мәдениет салаларындағы еліміздің жетістіктеріне арналған төрт факультет арасындағы шығармашылық байқау болды.
KazGASA Freshman Welcome Ceremony атты ауқымды салтанатты іс-шара Балуан Шолақ атындағы спорт сарайында өтті. Іс-шараның негізгі тақырыбы заманауи технологияларды меңгеруге, Қазақстанды дамытуға және тың идеялар ұсынуға дайын белсенді, білімді әрі жауапты жас ұрпақтың бейнесін қалыптастыруға арналды.
Салтанатты рәсімнің ең жарқын сәттерінің бірі ҚазБСҚА-ның төрт факультеті арасындағы шығармашылық байқау болды. Дәстүрлі таныстырылымдардың орнына бірінші курс студенттері Қазақстанның жетістіктерін әзіл, сахналық қойылымдар және ақпарат ұсынудың заманауи тәсілдері арқылы ойын форматында көрсетті. Әр команда ел дамуы мен жастарға ашылып жатқан мүмкіндіктерге қатысты өзіндік көзқарасын таныстырды.
Бірінші курс студенттерін жаңа оқу жылының басталуымен Алматы қаласы Жастар саясаты басқармасының басшысы Азиз Кажденбек құттықтады. Ол өз сөзінде Президенттің «Таза Қазақстан» және «Адал азамат» бастамалары аясында азаматтық жауапкершілікті қалыптастырудың, ұлттық құндылықтарды құрметтеудің және туған қалаға жанашырлық танытудың маңыздылығын атап өтті.
«Бүгін сіздер өмірлеріңіздің жаңа кезеңіне қадам басып отырсыздар. Бұл кезеңде болашақ мамандықтарыңыз туралы ғана емес, қала мен елдің дамуына қосатын үлестеріңіз туралы да ойлану маңызды. Президенттің «Таза Қазақстан» және «Адал азамат» бастамалары бізді адал, жауапты және қоғамға бейжай қарамайтын азамат болуға үндейді. Алматы – баршамыздың ортақ үйіміз, сондықтан оған қамқорлық жасау әрқайсымыздың күнделікті өміріміздің ажырамас бөлігіне айналуы тиіс. Бұл бағытқа қала әкімі Дархан Сатыбалды ерекше көңіл бөліп, жастардың азаматтық жауапкершілігін арттыруға және жасампаздық мәдениетін қалыптастыруға бағытталған бастамаларын қолдап келеді. Қалаға деген жанашырлық қарапайым әрекеттерден – тазалықты сақтаудан, айналадағы адамдарды құрметтеуден және қоғамдық тәртіпті ұстанудан басталады. Алматыны біреудің жақсартуын күтпеңіздер. Өздеріңізден бастаңыздар, тың идеялар ұсынып, қалалық жобаларға белсенді қатысыңыздар. Өйткені болашақ Алматыны қалыптастыратын – сіздер», – деді Азиз Кажденбек.
Сондай-ақ ол студенттерді экологиялық және қоғамдық бастамаларға белсенді қатысуға, шығармашылық қабілеттерін дамытуға және алған білімдерін қала игілігіне жұмсауға шақырды.
Салтанатты іс-шараға Халықаралық білім беру корпорациясы Байқау кеңесінің төрағасы Айғазы Құсайынов, ҚазБСҚА ректоры Бақтияр Сабденалиев, бизнес өкілдері, шетелдік қонақтар және академия түлектері қатысты. Құттықтау сөз сөйлегендердің қатарында ҚазБСҚА түлегі, BI Group дивизионының директоры Диас Әділханов болды.
Бағдарлама аясында шетелдік студенттерді қарсы алу рәсімі, бірінші курс студенттерінің салтанатты ант беруі, шығармашылық ұжымдар мен музыкалық топтардың өнер көрсетуі ұйымдастырылды. Факультеттер арасындағы байқау мен My Campus Planet жобасының жеңімпаздары сахна төрінде марапатталып, мерекелік кеш концерттік бағдарламамен жалғасты.
Аталған іс-шара студенттік өмірдің басталуын атап өтумен қатар, жастардың шығармашылық әлеуетін, технологиялық сауаттылығын және Қазақстанның дамуына үлес қосуға деген ұмтылысын көрсететін маңызды алаңға айналды.
В Алматы молодежь и правоохранительные
органы обсудили современные угрозы и принцип «Закон и порядок»
В Казахском национальном медицинском
университете имени С.Д. Асфендиярова прошел городской профилактический форум
«Жарқын болашақ», посвященный правовой культуре, личной ответственности и
безопасности молодежи.
Форум состоялся в театре «Concordia» и
объединил студентов, представителей правоохранительных органов, государственных
структур, экспертного сообщества и специалистов в сфере профилактики.
Центральной темой встречи стала реализация принципа «Закон и порядок», а также
обсуждение рисков, с которыми молодые люди все чаще сталкиваются не только в
реальной жизни, но и в цифровой среде.
Как отметил руководитель Управления
молодежной политики города Алматы Азиз Кажденбек, сегодня принцип «Закон и
порядок», обозначенный Президентом Касым-Жомартом Токаевым в числе ключевых
ориентиров государственной политики, необходимо рассматривать значительно шире,
чем простое соблюдение требований законодательства.
«Закон и порядок - это прежде всего личная
ответственность каждого гражданина, уважение к правам других людей,
нетерпимость к правонарушениям и понимание того, что безопасность общества
начинается с поступков каждого из нас. Для Алматы это особенно актуально:
сегодня в городе проживают около 770 тысяч молодых людей в возрасте от 14 до 35
лет. Наша задача, не только создавать для них возможности для образования и
профессионального развития, но и формировать правовую культуру, гражданскую
ответственность и уважение к закону», — отметил Азиз Кажденбек.
По данным Управления молодежной политики,
с начала года в Алматы в рамках реализации принципа «Закон и порядок» проведено
более 190 мероприятий. Более 120 из них состоялись на базе молодежных
комьюнити-центров, еще свыше 70 — в городских вузах. Общий охват превысил 18
тысяч молодых людей и 500 представителей профессорско-преподавательского
состава.
Одной из центральных тем форума стала
профилактика наркопреступности. Представители МВД и Департамента полиции Алматы
рассказали студентам, как преступные группы вовлекают молодых людей в
незаконный оборот наркотиков, в том числе предлагают им стать так называемыми
«закладчиками», и объяснили, какая ответственность предусмотрена за участие в
подобных схемах. В программе также были предусмотрены тематические
профилактические видеоматериалы.
Отдельный блок посвятили финансовой
безопасности. Представитель Департамента экономических расследований по Алматы
Агентства по финансовому мониторингу рассказал о дропперстве и финансовых
схемах, при которых банковские карты и счета молодых людей могут использоваться
для совершения противоправных операций.
Участники также обсудили
интернет-мошенничество, защиту персональных данных, буллинг, кибербуллинг и
сталкинг. По словам организаторов, профилактическая работа сегодня должна
учитывать изменение самих угроз: значительная их часть переместилась в
интернет, социальные сети и мессенджеры. Через цифровые площадки распространяются
мошеннические схемы, запрещенный контент, предложения о незаконном заработке и
способы вовлечения молодых людей в противоправную деятельность.
При этом профилактическая работа в Алматы
не ограничивается встречами в университетах. Молодежные комьюнити-центры
совместно с территориальными подразделениями полиции восьми районов города
еженедельно проводят ночные профилактические рейды в компьютерных клубах,
развлекательных заведениях и других местах массового пребывания молодежи. За
отчетный период проверено более 155 объектов, выявлено свыше 65
административных правонарушений.
«Для нас главным показателем является не
количество выявленных нарушений. Гораздо важнее предупредить правонарушение,
объяснить молодому человеку возможные последствия и сформировать ответственное
отношение к собственным решениям. Закон должен восприниматься не как внешнее
ограничение, а как естественная основа безопасного общества», — подчеркнул Азиз
Кажденбек.
Еще одним направлением становится
вовлечение самой молодежи в формирование культуры законности. В Алматы
реализуются проект «Azamat», направленный на повышение правовой культуры,
антикоррупционного сознания и гражданской ответственности, фронт-офис
антикоррупционного волонтерства в Алатауском районе, объединяющий более 400
активистов, а также молодежное движение «Әділет» в Жетысуском районе.
Показательным примером стал и первый
городской проект «Бюджет молодежного участия». Одной из инициатив, предложенных
непосредственно молодыми алматинцами и прошедших отбор, стал проект по
продвижению принципа «Закон и порядок». Он получил 230 голосов. По
мнению организаторов, это показывает, что молодежь готова сама предлагать
проекты не только в сфере образования, технологий, экологии или
предпринимательства, но и в области правовой культуры и общественной
ответственности.
Важной частью «Жарқын болашақ» стал
разговор о последствиях рискованного и противоправного поведения через
конкретные жизненные ситуации. Перед студентами выступили главный врач
реабилитационного центра Санжар Турсинметов и волонтер из числа ранее
осужденных Бахтияр Баксупиев. Участникам также показали профилактический
видеоролик «Твой выбор — твое будущее».
Завершился форум открытым диалогом со
студентами. Молодые люди получили возможность напрямую задать вопросы представителям
правоохранительных органов и специалистам и обсудить ситуации, с которыми они
могут столкнуться в повседневной жизни.
Организаторы подчеркивают, что главная
задача подобной работы — сформировать среду, в которой соблюдение закона
становится нормой поведения, ответственность — личным принципом, а безопасность
— общей ценностью.
«Активная, образованная и ответственная молодежь — основа безопасного и благополучного будущего нашего города и страны», — отметил Азиз Кажденбек.
29-31 тамыз аралығында Алматыда жастарға арналған JAS CAMP Digital Camp өтеді. Үш күндік білім беру алаңы 100-ден астам жастың басын қосып, олардың өз цифрлық жобаларын әзірлеуіне мүмкіндік береді.
Үш күн бойы қатысушылар Алматыдан 18 шақырым жерде орналасқан «Арман Дала» демалыс аймағында бірге тұрып, білім алып, жобалармен жұмыс істейді. Жастар 10 командаға бірігіп, идеяны қалыптастыру мен мәселені анықтаудан бастап, MVP — өнімнің ең аз өміршең нұсқасын әзірлеуге және өз жобасын көпшілік алдында қорғауға дейінгі толық кезеңнен өтеді. Лагерь қорытындысы бойынша 20-дан астам digital-жоба әзірлеу жоспарлануда.
Дәстүрлі білім беру лагерлерінен ерекшелігі — JAS CAMP қарқынды практикалық жұмыс қағидатына негізделген. Мұнда «алдымен дәріс тыңдап, кейін тәжірибеде қолдану» форматы болмайды. Қатысушылар алған білімдерін бірден өз жобаларын әзірлеу барысында қолданады.
Білім беру бағдарламасы бес негізгі бағытты қамтиды: Idea → Product, AI & Digital, UX/UI және жобаны қаптау, жобалық командамен жұмыс, Pitch & Storytelling. Қатысушылар мәселе мен мақсатты аудиторияны анықтауды, идеяны MVP-ге айналдыруды, жасанды интеллект пен digital-құралдарды пайдалануды, өнімнің визуалды қаптамасын жасауды, команда ішіндегі рөлдерді бөлуді және жобаны үш минут ішінде таныстыруды үйренеді.
Жалпы бағдарлама аясында бес шеберлік сабағы және 10 сағаттан астам тікелей IT-әзірлеме жұмыстары қарастырылған.
JAS CAMP-тың тағы бір ерекшелігі — оқыту форматы. Бірінші күн — JAS START — танысуға, команда құруға, тайм-менеджментке, алғашқы IT-блокқа және дебаттарға арналады. Екінші күн — JAS BUILD — негізгі жұмыс кезеңі болады: командалар менторлармен бірге жобаларын әзірлеуді жалғастырып, MVP дайындайды. Үшінші күні қатысушылар жобаларын пысықтап, Demo Day аясында әзірлемелерін көпшілік алдында қорғайды. Сондай-ақ үздік командалар марапатталады.
Бағдарламаның ең қарқынды кезеңдерінің бірі — Digital Night түнгі digital-хакатоны. Командалар нақты дедлайн жағдайында MVP мен презентацияларын жетілдіреді, нетворкинг-челлендждерге қатысады, сұхбаттар, Reels, TikTok және Stories форматындағы контент түсіреді, сондай-ақ өз жобасын небәрі 60 секунд ішінде таныстыруды үйренеді.
«Бүгінде цифрлық дағдылар қосымша құзырет қана емес, жас адамның кәсіби дамуы үшін қажетті негізгі құралдардың біріне айналды. Сондықтан жастар тек теориялық білім алып қана қоймай, өз идеяларын нақты өнімге айналдыруды үйренетін форматтарды қалыптастыру біз үшін маңызды. Үш күн ішінде JAS CAMP қатысушылары қалыпты жағдайда бірнеше айға созылуы мүмкін жолдан өтеді: команда құрады, мәселені анықтайды, оның шешімін әзірлейді және жобасын сарапшылар алдында таныстырады. Бұл лагерь көптеген қатысушы үшін IT, кәсіпкерлік және өз жобаларын жүзеге асыру жолындағы алғашқы маңызды қадам болады деп сенеміз», — деді Алматы қаласы Жастар саясаты басқармасының басшысы Азиз Кажденбек.
Ұйымдастырушылар лагерьдің нәтижесі тек әзірленген жобалармен шектелмейді деп күтеді. Қатысушылар командалық жұмыс пен көпшілік алдында сөйлеу тәжірибесін жинақтап, IT-мамандықтармен танысады, жаңа кәсіби байланыстар орнатып, өз идеяларын іс жүзінде сынап көруге мүмкіндік алады.
Үш күндік интенсивтің қорытынды кезеңі Demo Day болады. Онда командалар JAS CAMP барысында әзірленген 20-дан астам жобаны таныстырады.
Осылайша, бағдарлама қорытындысында Алматыда digital-ортаға тартылған 100-ден астам жас қатысушы және 20-дан астам жаңа цифрлық идея қалыптасады. Ал жобаның өзі қаланың жастар digital-қоғамдастығын қалыптастыруға арналған алаңға айналмақ. JAS CAMP тұжырымдамасында атап өтілгендей, жобаның басты мақсаты — Алматы жастары болашақты өз қолымен жасай бастайтын орта қалыптастыру.
Алматыда қаладағы барлық жоғары оқу орындарының студенттеріне арналған дағдарыс орталығы ашылды. Жаңа кеңістік Мұхамеджан Тынышпаев атындағы ALT University-дің жаңартылған №1 Студенттер үйінің базасында бір ай бойы жұмыс істейді және қиын өмірлік жағдайға тап болған жастардың уақытша тұруына әрі кешенді қолдау алуына мүмкіндік береді.
Орталықтың басты ерекшелігі – мұнда тек ALT University студенттеріне ғана емес, Алматыдағы кез келген жоғары оқу орнының студенттеріне көмек көрсетіледі. Түрлі өмірлік жағдайларға байланысты уақытша баспанасыз қалған немесе әлеуметтік, психологиялық және консультациялық қолдауды қажет ететін студенттер орталыққа жүгіне алады. Осы мақсатта Студенттер үйінен 50 орын бөлінді.
Алматы қаласы Жастар саясаты басқармасы басшысының орынбасары Мирас Нысаналиевтің айтуынша, дағдарыс орталығының ашылуы студент жастарды қолдаудың қолданыстағы жүйесін кеңейтіп, жастардың тек тұрмыстық емес, әлеуметтік мәселелеріне де жедел ден қоюға мүмкіндік береді.
«Алматы – еліміздегі ең ірі студенттік орталық. Сондықтан білім алу үшін қалаға келген әрбір жас қиын жағдайға тап болған кезде жалғыз қалмайтынын сезінуі біз үшін аса маңызды. Студенттер уақытша баспанасыз қалудан бастап, психологиялық немесе әлеуметтік көмек қажет ететін түрлі жағдайларға тап болуы мүмкін. Дағдарыс орталығы қай жоғары оқу орнында білім алатынына қарамастан, әрбір студент қолдау сұрап жүгіне алатын орынға айналуы тиіс. Біздің міндетіміз – тек уақытша баспана беру емес, жас адамға қиын кезеңнен өтіп, қалыпты оқуына және өміріне қайта оралуына көмектесу», – деді Алматы қаласы Жастар саясаты басқармасы басшысының орынбасары Мирас Нысаналиев.
Орталық Мауленов көшесі, 108А мекенжайында орналасқан және күрделі жөндеуден кейін пайдалануға берілді. Жатақхананың жалпы сыйымдылығы 487 орын, ал ғимараттың жалпы ауданы 7 мың шаршы метрден астам.
Қайта жаңғыртудан кейін мұнда заманауи студенттік орта қалыптастырылды. Жатын бөлмелер, асүйлер мен тұрмыстық бөлмелер, өздігінен дайындалуға арналған кеңістіктер, демалыс бөлмелері, кір жуатын орын, спорттық аймақ және жаттығу залы жабдықталған.
Дағдарыс орталығына жүгінген студенттер үшін оқу және тұрмыстық аймақтары бар жеке тұрғын бөлмелер, асүй модульдері, санитарлық-гигиеналық бөлмелер қарастырылған. Сондай-ақ олар спорт залы мен медициналық пунктті пайдалана алады. Қажет болған жағдайда медициналық пунктте алғашқы көмек көрсетіледі. Орталықта тұру кезеңінде жастар психологиялық, әлеуметтік және консультациялық қолдау ала алады. Әрбір өтініштің құпиялылығын сақтау және студенттің жағдайына жеке көзқарас таныту орталық жұмысының маңызды қағидаты болады.
ҚР Ғылым және жоғары білім министрлігі Жоғары және жоғары оқу орнынан кейінгі білім комитеті төрағасының орынбасары Акерке Абылайханның айтуынша, мұндай жобалар студенттік инфрақұрылымды дамыту тұрғысынан ғана емес, білім алушыларды қолдаудың толыққанды жүйесін қалыптастыру үшін де маңызды.
«Заманауи білім беру ортасы – тек аудиториялар, білім беру бағдарламалары мен оқыту сапасы ғана емес. Студенттің қандай жағдайда тұратыны және қиын өмірлік жағдайға тап болған кезде қайда жүгіне алатынын білуі де маңызды. Әртүрлі жоғары оқу орындарының студенттеріне ашық дағдарыс орталығын құру – осындай қолдау жүйесін дамытудағы маңызды қадам. Мұнда жас адам уақытша баспанаға орналасып, консультациялық, әлеуметтік және психологиялық көмек ала алады. Ең бастысы – білімін алаңсыз жалғастыруға мүмкіндік алады», – деді Акерке Абылайхан.
Қалалық дағдарыс орталығын құру Алматыдағы қиын өмірлік жағдайға тап болған студенттерге жедел көмек көрсетудің қосымша тетігін қалыптастыруға бағытталған. Жоба бірден бірнеше бағытты – уақытша баспанамен қамтамасыз етуді, әлеуметтік бейімделуді, психологиялық қолдауды және қауіпсіз әрі жайлы жағдайда оқуын жалғастыру мүмкіндігін біріктіреді.
Дағдарыс орталығының байланыс телефондары:
+7 700 255 14 43
+7 700 950 95 28
+7 727 237 01 70
Алматыда «Жастар қатысатын бюджет – 2026» жобасы аясындағы онлайн-дауыс беру аяқталды. Жас алматылықтардың бастамаларына 10 мыңға жуық дауыс берілді. Дауыс беру қорытындысы бойынша білім беру, экология, цифрлық технологиялар, әлеуметтік қолдау, денсаулық сақтау және қалалық ортаны дамытуға бағытталған көшбасшы жобалар анықталды.
«Жастар қатысатын бюджет» жобасын Алматы қаласы Жастар саясаты басқармасы 2025 жылғы 4 шілдеде жастар ұйымдарының көшбасшыларымен өткен кездесу қорытындысы бойынша қала әкімінің берген тапсырмасын орындау аясында жүзеге асыруда. Жобаның басты мақсаты – жастарды Алматы қаласын дамытуға қатысты шешімдер қабылдау үдерісіне тарту және оларға қала бюджетінің бір бөлігін бөлуге тікелей қатысуға мүмкіндік беру.
Жобаға деген қызығушылық өтінім қабылдау кезеңінен-ақ жоғары болды. 6 шілде мен 2 тамыз аралығында jasalmaty.kz порталы арқылы Алматы жастарының 203 жобалық өтінімі келіп түсті. Тексеру және сараптамалық бағалау нәтижесінде онлайн-дауыс беруге 122 жоба, яғни барлық ұсынылған бастамалардың 60,1%-ы жіберілді. Онлайн-дауыс беру 11–18 тамыз аралығында өтті. Сегіз күн ішінде қала тұрғындары ұсынылған бастамалармен танысып, өздері үшін ең қызықты әрі өзекті идеяларды қолдауға мүмкіндік алды.
Дауыс беру қорытындысы бойынша 496 дауыс жинаған Бақытжамал Шадиеваның INCLUSION LAB – инклюзивті білім беру тәжірибелері орталығы жобасы көш бастады. Екінші орынды 426 дауыс жинаған Әсет Мадиярдың «Ана академиясы» жобасы иеленсе, үшінші орынға 396 дауыс жинаған Мереке Іңірбаевтың Jasyl Qala: алғашқы білім беру сити-фермасы және салауатты тамақтану зертханасы жобасы жайғасты.
Көшбасшылар қатарынан цифрлық технологиялар мен жасанды интеллектті пайдалана отырып, кітап оқу мәдениетін дамытуға бағытталған KITAP HUB AI, балаларды дамыту және оңалту орталығы BabyCare, «Идея» жобасы, QUM TRACK инженерлік-дамыту хабы, SÄT APP қосымшасы, сондай-ақ «Кәсіпкер» және «Сенім» медиажобалары орын алды.
Үздік жобалар қатарына BRAVI музыкалық-білім беру бастамасы, JanByr қалалық жобасы, жеке қаржыны басқаруға арналған Finesly мобильді қосымшасы, Career Test Drive Almaty кәсіптік бағдар беру жобасы, «Заң мен тәртіп» қағидатын ілгерілетуге бағытталған жоба, ALMATY365, Future Science Lab жас зерттеушілер орталығы, QAITADAN (Restart) әлеуметтік жобасы және басқа да бастамалар енді.
Осылайша, жастар тарапынан ең көп қолдау тапқан бастамалар түрлі бағыттарды қамтыды. Олардың қатарында инклюзивті білім беру мен отбасыларды қолдаудан бастап, ғылым, жасанды интеллект, қаржылық сауаттылық, экология, кәсіптік бағдар, құқықтық мәдениет және жастар кәсіпкерлігін дамытуға дейінгі жобалар бар.
«Жастар қатысатын бюджет» жобасының басты ерекшелігі – жастар қалалық бағдарламалардың тек қатысушысы немесе игілігін көруші ретінде ғана емес, Алматы үшін нақты шешімдердің авторы ретінде әрекет етеді. Олар мәселені өздері анықтап, оны шешу идеясын ұсынады, жобасын әзірлейді және қаланың қолдауымен оны жүзеге асыру мүмкіндігіне ие болады», – деп атап өтті жоба жетекшісі Самархан Абдугалиев.
Бір жобаны іске асыруға 500 мыңнан 5 млн теңгеге дейін қаражат бағытталуы мүмкін. Биыл 18–20 жастар жобасын жүзеге асыру көзделген. Алдағы уақытта қолдау көрсетілетін бастамалар санын жыл сайын 50 жобаға дейін арттыру жоспарланып отыр.
Жеңімпаз жобаларды іске асыру 2026 жылғы 19 тамыз бен 15 қараша аралығында жоспарланған. Қыркүйек-қараша айларында олардың іске асырылуына мониторинг жүргізіліп, кейін қорытынды есептілік қабылданады.
Дауыс беру нәтижелері жас алматылықтардың қызығушылық аясының кең екенін көрсетті. Олардың басым бағыттары қатарында білім беру және жаңа технологиялар, экологиялық қалалық орта, әлеуметтік қолдау, денсаулық сақтау, ғылым, кәсіпкерлік және өзін-өзі дамыту мүмкіндіктері бар.
«Жастар қатысатын бюджет» жастарға идеядан бастап оны нақты жүзеге асыруға дейінгі жолдан өтуге және Алматының дамуына тікелей атсалысуға мүмкіндік беретін практикалық тетікке айналуда.
Алматыда Қазақстан мен Орталық Азия елдерінің жас көшбасшыларын біріктірген Almaty Youth Forum 2026 халықаралық жастар форумы өтті. Форумның басты тақырыптары жасанды интеллект, климаттық технологиялар, цифрлық қауіпсіздік, волонтерлік және әлеуметтік инновациялар болды.
Форум Тұрақты даму мақсатындағы Халықаралық волонтерлер жылы аясында Алматы қаласының әкімдігі, Қазақстандағы БҰҰ Балалар қоры (ЮНИСЕФ) және Алматы волонтерлерінің Фронт-офисінің ұйымдастыруымен өтті.
«Бүгінде жастар үшін идеялар нақты жобаларға айналатын, ал бастамалар мемлекет, халықаралық ұйымдар мен бизнес тарапынан қолдау табатын орта қалыптастыру аса маңызды. Almaty Youth Forum Қазақстан мен Орталық Азия жастарын тұрақты даму мен волонтерліктің ортақ құндылықтары төңірегінде біріктіретін дәл осындай алаңға айналды», – деді Алматы қаласы Жастар саясаты басқармасының басшысы Азиз Қажденбек.
Екі күндік форум бағдарламасына панельдік пікірталастар, практикалық воркшоптар, сондай-ақ жасанды интеллект, қаржылық сауаттылық, тұрақты даму және инвестициялар саласындағы сарапшылардың баяндамалары кірді.
Форумның негізгі оқиғаларының бірі – әл-Фараби атындағы Қазақ ұлттық университетінің базасында UNICEF Zhastary Hub орталығын құру туралы хабарлануы болды. ЮНИСЕФ пен университет арасында ынтымақтастық туралы меморандумға қол қойылды. Жаңа хаб волонтерлікті және жастар бастамаларын дамытуға арналған алаңға айналды.
Бағдарламада жастар жобаларының көрмесіне де ерекше орын берілді. Қазақстан мен Қырғызстаннан келіп түскен 211 өтінімнің ішінен 29 бастама финалға өтті. Олардың қатарында жасанды интеллект пен спутниктік деректерді пайдалана отырып, мұздық көлдердің жарылу қаупін алдын ала ескертетін GLOFcast жүйесі, өнеркәсіптік кәсіпорындардағы қауіпсіздікті арттыруға арналған Samruq.AI жобасы және автокөліктерден шығатын зиянды қалдықтарды азайтуға бағытталған EcoTube жобасы болды.
11 тамызда форум Almaty Museum of Arts орталығымен серіктестікте жалғасты. Қатысушылар үшін шығармашылық сессиялар, пікірталастар және жастар жобалары байқауының финалы өтті. Он команда өз әзірлемелерін сарапшылар алқасына таныстырды, ал үздік жобалар бастамаларын одан әрі дамыту үшін менторлық қолдауға ие болды.
Алматыда «Тәуелсіздік ұрпақтары» грантын тағайындау конкурсына өтінім қабылдау басталды. Өңірлік коммуникациялар қызметінің алаңында Алматы қаласы Жастар саясаты басқармасы мен «Алматы студенттер Альянсы» корпоративтік қорының өкілдері жастар бастамаларын мемлекеттік қолдау мүмкіндіктері мен конкурсқа қатысу шарттары туралы айтып берді.
Алматы қаласы Жастар саясаты басқармасы басшысының орынбасары Мирас Нысаналиевтің айтуынша, конкурс қалалық Жастар саясаты басқармасының қолдауымен өткізіледі, ал оның ұйымдастырушысы – «Алматы студенттер Альянсы» корпоративтік қоры. Жоба талантты, бастамашыл және әлеуметтік белсенді жастарды қолдауға бағытталған және оларға ғылыми, шығармашылық, технологиялық, кәсіпкерлік және қоғамдық салалардағы өз идеяларын жүзеге асыруға мүмкіндік береді.
«Егер сізде қоғамға пайдасын тигізетін идея, ғылыми жоба, стартап немесе әлеуметтік бастама болса, алғашқы қадам жасаудан қорықпаңыз. «Тәуелсіздік ұрпақтары» гранты – өз идеяңызды толыққанды жобаға айналдырып, әлеуетіңізді ашуға берілетін нақты мүмкіндік», – деді Мирас Нысаналиев.
Конкурсқа Алматы қаласында тұрақты тұратын 14 пен 35 жас аралығындағы азаматтар қатыса алады. Биыл гранттар алты бағыт бойынша беріледі: «Ғылым», «Мәдениет», «Ақпараттық технологиялар», «Бизнес», «Медиа» және «Волонтерлік». Әр бағыт қоғамға практикалық пайда әкелетін және қаланың дамуына ықпал ететін жобаларды қолдауға арналған.
Әр гранттың мөлшері 1 млн теңгені құрайды. Конкурс қорытындысы бойынша барлығы 13 жеңімпаз анықталып, олар өз жобаларын жүзеге асыру үшін мемлекеттік қолдауға ие болады. Өтінімдер 2026 жылғы 7 тамыздан 7 қыркүйекке дейін қабылданады.
Алматы қаласы Студенттер альянсының төрағасы, республикалық студенттік омбудсмен Айболат Сембиев конкурсқа қатысу тәртібіне егжей-тегжейлі тоқталды. Оның айтуынша, өтінімдер мемлекеттік немесе орыс тілінде қабылданады. Құжаттар топтамасына жобаның сипаттамасы, ұзақтығы 60 секундтан аспайтын бейнепрезентация, шығындар сметасы, сондай-ақ бар болған жағдайда зияткерлік меншік объектілері туралы мәліметтер енгізілуі тиіс.
«Жобаларды бағалау кезінде комиссия олардың өзектілігін, жаңашылдығын, қоғамдық маңызын, іске асыру мүмкіндігін, күтілетін нәтижелерін және шығындар сметасының негізділігін ескереді. Барлық бастамашыл алматылық жастарды өз идеяларын жүзеге асыру үшін қолдау алу мүмкіндігін жіберіп алмауға шақырамыз», – деді Айболат Сембиев.
Ол сондай-ақ конкурс екі кезеңнен тұратынын хабарлады. Алдымен ұйымдастырушылар өтінімдердің белгіленген талаптарға сәйкестігін тексереді. Одан кейін тәуелсіз конкурстық комиссия жобаларды қарап, жеңімпаздарды анықтайды. Комиссия құрамына мемлекеттік органдардың, ғылыми және білім беру қоғамдастығының өкілдері, кәсіпкерлік, медиа және азаматтық қоғам институттары саласындағы сарапшылар кіреді. Комиссияның барлық отырыстары ашық форматта өтіп, тікелей эфирде көрсетіледі.
Грант алғаннан кейін де жобаларды ұйымдастырушылар сүйемелдеуді жалғастырады. Жеңімпаздар әр үш ай сайын өз бастамаларының іске асырылу барысы туралы есеп береді. Ал бір жыл ішінде ұйымдастырушылар бөлінген қаражаттың мақсатты әрі тиімді пайдаланылуына мониторинг жүргізеді.
Конкурс туралы толық ақпарат, қатысушыларға қойылатын талаптар және құжаттарды тапсыру тәртібі @qsa_almaty парақшасында жарияланған. Сондай-ақ аталған парақша арқылы қызықтырған сұрақтарға жауап алуға болады.
Анықтама үшін байланыс телефондары: +7 777 761 81 33, +7 702 862 9792.