Алматы қаласы Жастар саясаты басқармасы жас кәсіпкерлер арасында "BBQ Business Fest" өткізді

Алматыда Жастар саясаты басқармасының ұйымдастыруымен жас кәсіпкерлер клубының алғашқы кездесуі өтті. 35 жасқа дейінгі 100 кәсіпкер өңірдегі бизнесті дамытудың ең өзекті мәселелерін талқылауға, мемлекеттік органдармен өзара іс-қимыл бойынша өз тәжірибесін беруге, жас кәсіпкерлерді қолдау тетіктерін түсінуге жиналды.
"Біз жас бизнесмендер үшін алаң құрып, олармен бірге кәсіпкерлерді қолдау тетіктерін әзірлеу бойынша жұмыс жасай алғанымызға қуаныштымыз. Қазір біз әлеуметтік мәселелерді шешуде, серіктестікте, толық ауқымды қоғамдық жобаларды құруда, мұқтаж жандарға қолдау көрсетуде және өңірдің келешектегі оң өзгерістеріне қолдау көрсетуде олардың әлеуетін біріктіру үшін мықты, харизматикалық адамдардың бірыңғай қауымдастығын құрып жатырмыз", - деп түсіндірді басқарма басшысы Қайыржан Меңдіғалиев.
Жас кәсіпкерлермен алғашқы кездесу Өткен аптада өтті. Қатысушылар мегаполистің кәсіпкерлік және инвестициялар басқармасын жұмысқа тартуды сұрады. Алдағы уақытта клуб жұмысына қатысу үшін мемлекеттік органдар өкілдерінің құрамын кеңейту жоспарлануда.
"Шағын және орта бизнесті қолдау үшін қаржылық және қаржылық емес қолдау құралдарының кең жиынтығы іске қосылған. Бұл жеңілдетілген несиелер. БЖК-2025, қарапайым заттар экономикасы, АӨК, Алматы бизнес 2025, Алматы бизнес мемлекеттік және өңірлік бағдарламалары шеңберінде. Шағын және орта бизнес субъектілеріне келтірілген залалды өтеу бойынша өңірлік комиссия белсенді жұмыс жүргізуде", - деді кездесу барысында Алматы қаласы Кәсіпкерлік және инвестициялар басқармасының басшысы Берік Солтанбаев.
Жас кәсіпкерлерге көмек көрсету – жастар саясаты басқармасының жұмыс бағыттарының бірі, өйткені ҚР өңірлері арасында 29 жасқа дейінгі жұмыс істеп тұрған ЖК ең көп саны Алматыға келеді - 33 мың, 2022 жылдың бірінші тоқсанының қорытындысы бойынша мегаполисте жеке кәсіпкерлер саны артты. ШОБ субъектілерінің саны 2021 жылдың сәйкес кезеңімен салыстырғанда 19,5% - ға өсіп, 233 030 бірлікті құрады.
Халықаралық бизнес университетінің басшылығына, қызметкерлеріне және студенттеріне ерекше алғыс білдіргіміз келеді. Біздің кездесу Кенжеғали Сағадиев (UIB) базасында өтті. Ұйымдастыруға атсалысқаны үшін UIB қызметкерлері мен студенттеріне алғыс білдіреміз!.