Мемлекеттік бажды қайтаруға өтініш беру үшін қажетті құжаттар
​Салық органы мемлекеттік баждың артық төленген сомасын қайтаруды салық төлеуші ұсынған салықтық өтініштің және тиісті мемлекеттік органның қайтарудың құқыққа сыйымдылығын растайтын құжатының негізінде жүргізеді.
​Сот оның пайдасына іс бойынша тарап болып табылатын мемлекеттік мекемеден мемлекеттік бажды өндіріп алу туралы шешім шығарған салық төлеушіге мемлекеттік баж сомасын қайтаруды салық органы салық төлеуші ұсынған салықтық өтініштің және заңды күшіне енген сот шешімінің негізінде жүргізеді.
​Мемлекеттік баждың артық төленген сомасын қайтаруды оның төленген жері бойынша салық органы қайтаруға арналған салықтық өтініш берілген күннен бастап бес жұмыс күні ішінде мемлекеттік баж сомасы есепке жазылған бюджеттік сыныптаманың тиісті кодынан салық төлеушінің банктік шотына жүргізеді.
Осы бапта көзделген мемлекеттік баждың артық төленген сомасын қайтаруға арналған құжаттар салық органына мемлекеттік баждың мұндай сомасы бюджетке төленген күннен бастап үш жыл мерзім өткенге дейін ұсынылуға тиіс.

Мемлекеттік бажды қайтаруға қалай өтініш беруге болады
​«Салықтарды, бюджетке төленетін төлемдерді, өсімпұлдарды, өсімпұлдарды есепке алуды және қайтаруды жүзеге асыру» мемлекеттік көрсетілетін қызметті көрсетілетін қызметті беруші Мемлекеттік корпорация арқылы, www.egov.kz «электрондық үкімет» веб-порталы және салық төлеушінің кеңсесі арқылы көрсетеді.
​Портал арқылы көрсетілетін қызметті алушының электрондық цифрлық қолтаңбасымен куәландырылған электрондық нысандағы растайтын құжаттары қоса тіркелген электрондық құжат нысанындағы салықтық өтініш қабылданады