КазЦИК ауылдық округінің құрамына 2 елді мекен кіреді. Округте тұратын азаматтардың жалпы саны – 18 500 адам, оның ішінде қазақтар – 94,5%, орыстар – 2,2%, күрттер - 2,1%, басқа ұлт өкілдері – 1%. КазЦИК ауылы КазЦИК ауылдық округінің орталығы болып табылады, аудан орталығы 22 шақырым қашықтықта орналасқан.
КазЦИК ауылы, жалпы аумағы – 26 210 км, аула саны 1009.
Комсомол ауылы, жалпы аумағы – 6915 га, аула саны – 331.
Округте 153 - ЖШС, 31 – шаруа қожалықтары тіркелген. Ауылдық округтің негізгі даму бағыты-өнеркәсіп және ауыл шаруашылығы.
Барлығы 3065 гектар ауыл шаруашылығы жерлері бар, оның ішінде егістік – 1468 гектар, жайылымдар - 1597 гектар, суармалы жерлер – 816гектар. Жаздық арпа – 85 га, көпжылдық шөптер-699 га, картоп-100 га, көкөніс – 69 га. 01.01.2020 жылға мал басы құрады: ІҚМ-776 бас, оның ішінде сиыр-452 бас, ұсақ мал-1500 бас.
Округты сумен жабдықтау «КазЦИК-Су», «Комсомол-СУ», «Іле коммуналдық шаруашылығы»МКК жүзеге асырады. Округ бойынша 10 су ұңғымасы бар. Су құбыры желілерінің ұзындығы 44км 565 м.
Округ бойынша 3 мемлекеттік, 2 жекеменшік мектеп бар. Округтегі оқушылар саны 4608 оқушыны құрайды. Округте 3-6 жас аралығындағы балалар саны-1669. Округте 17 балабақша бар, 1 дәрігерлік амбулатория, 1 медициналық пункт, 1 медициналық орталық, 1 оңалту орталығы жұмыс істейді.