Мәжіліс депутаты Тасболатов Ұлттық ұланның әскери институтында болды

8 ақпанда Ұлттық ұланның әскери институтында Қазақстан Республикасы Парламенті Мәжілісінің депутаты Абай Тасболатов болып, онда курсанттар, профессорлық-оқытушы құраммен және Петропавл гарнизонының әскери ұжымдарымен кездесті.

Кездесу барысында халық қалаулысы Мемлекет басшысы Н.Назарбаевтың «Қазақстанның үшінші жаңғыруы: жаһандық бәсекеге қабілеттілік» Қазақстан халқына Жолдауының негізгі ережелерін түсіндіріп, кездесуге қатысушылармен билік тармақтары арасында өкілеттіктерді қайта бөлу мәселелеріне байланысты Қазақстан Республикасы Конституциясына өзгерістер мен толықтырулар енгізу туралы заңжобасын талқылады.