Әскери қызметшілерді әкімшілік жауапкершілікке тартудың тәртібі туралы жаднама жолданды

Бас әскери прокуратураның соттарда мемлекет мүддесіне өкілдік ету басқармасымен құқық бұзушылыққа «шыдамсыздық таныту» қағидасын жүзеге асыру мақсатында әскери қызметшілерді әкімшілік жауапкершілікке тартудың тәртібі туралы Жаднама жасалынды. 

Жаднамада нақты мысалдар келтіре отырып әкімшілік құқық бұзушылық туралы Кодекстің әскери қызметшілердің әкімшілік жауапкершілікке тартылатын негізгі баптары көрсетілген. Әскери қызметшілермен көбіне әскери қызмет өткеру мәселелеріне қатысты құқық бұзушылықтар жасалады (бұйрықты орындамау, қызметке уақытында белгісіз себептерсіз келмеу, қорлау және т.б.).

Жандама әрбір әскери қызметшіге жеткізу үшін барлық әскери ведомстволарға, сонымен қатар, аймақтық және гарнизондық әскери прокуратураларға жолданды.

 

Бас әскери прокуратура