Бас әскери прокуратурада жергілікті әскери басқару органдарындағы жұмылдыру қорларын есепке алудың жағдайы талқыланды

2017 жылдың 27 қыркүйегінде Бас әскери прокурор Ерғали Мерзадиновтың төрағалығымен әскери басқару және қылмыстық қудалау органдары Үйлестіру кеңесінің отырысы өтті. Жиында жергілікті әскери басқару органдарындағы жұмылдыру қорларын есепке алудың жағдайы талқыланды.

Жиналыс жұмысына Үйлестіру және Консультативтік кеңестердің мүшелері, әскери ведомстволардың, Бас әскери прокуратураның лауазымды тұлғалары, «Азаматтарға арналған Үкімет» Мемлекеттік корпорациясының өкілдері, бейнеконференцбайланысы арқылы – аймақтық және гарнизондық әскери прокурорлар, жергілікті әскери басқару органдарының лауазымды тұлғалары қатысты.

Үйлестіру кеңесін аша отырып Ерғали Мерзадинов адам қорларын тиісті түрде есепке алуды ұйымдастырудың маңыздылығын және көкейкестілігін атап өтті.

Соынмен қатар, жергілікті әскери басқару органдарындағы автоматтандырылған ақпараттық жүйенің тиісті түрде дамымауы жұмылдыру қорларының толықтығы мен шынайылығын өз дәрежесінде қамтамасыз етпейді.

Әскери ведомстволар мен уәкілетті органдардың сөзінен кейін үйлестіру кеңесінің қатысушыларына мүдделі мемлекеттік органдардың және ұйымдардың қатарынан тұрғылықты орны бойынша тіркелуі барысында азаматтардың әскри есепке алуын автоматтандыру үшін ақпараттық жүйелердің интеграциялануы туралы сұрақтарды қарайтын жұмыс тобын құру ұсынылды.

Үйлестіру кеңесінің қорытындылары бойынша тиісті шешім қабылданды.

Бас әскери прокуратура