Алматы облысында мерзімді әскери қызметкердің қайтыс болуына қатысты

2018 ж. 12 сәуір күні шамамен сағат 17-00-де ҚР ҰҚК Шекара қызметінің 2484 әскери бөлімінің «Жоңғар» шекара заставасында (Алматы облысы Үшарал қ.) асылған күйінде аталған әскери бөлімінің мерзімді әскери қызметкері қатардағы А.Е. Хамзиннің мәйіті табылды.

Өз-өзіне қол салу себебі әскери қызметке қатысы жоқ жеке басының мәселелеріне қатысты болуы мүмкін.

Бұл оқиға Қазақстан Республикасы қылмыстық кодексінің 105-бабының 1-бөлімімен (өзiн-өзi өлтiруге дейiн жеткiзу) тіркелді және ҚР ІІМ ӘТБ Оңтүстік аймағының Талдықорған бөлімінің өндірісіне қабылданды.

Қазір қажетті тергеу-жедел іздестіру амалдары жүргізіліп жатыр.

 

Бас әскери прокуратураның баспасөз қызметі