Бас көлік прокуратурасында бірінші жартыжылдығының жұмыс қорытындысы бойынша алқа отырысы өтті
Алқа отырысында көлік прокуратурасы органдарының 2024 жылғы 6 айдағы жұмысының қорытындысы шығарылды.
Соңғы жарты жылда бұрын заңсыз алынған бірқатар активтер мемлекетке қайтарылды. Мысалы, Қазақстан-ОЭК объектілерін ҚТЖ атынан мемлекет меншігіне (барлығы 54 нысан – жанармай қоймалары, ғимараттар мен құрылыстар, негізгі құралдардың басқа топтары) беру аяқталды. ШЫХО «Қорғас» мүлкі қайтарылды (жүк терминалы және жер учаскесі).
6 мыңнан астам отандық тасымалдаушылардың заңды мүдделері қорғалды. Прокуратураның талабы бойынша рұқсат алу кезінде бұрын қойылған талаптар жеңілдетіліп, ақылы жол учаскесінде жүру үшін негізсіз есептелген сомалар жойылды. Сол сияқты 2 мыңға жуық шағын кәсіпкердің теміржол көлігі нысандарындағы құқықтары қалпына келтіріліп, оларға мемлекеттік инфрақұрылымдағы үй-жайларды жалға алу құны негізсіз өсті.
Барлығы 10 мыңға жуық кәсіпкердің құқығы қорғалған.
Бас Прокурордың тапсырмасын орындау мақсатында 1,3 трлн теңгеге 23 инвестициялық жобаға қатысты бақылаушы органдар қызметінің заңдылығына қадағалау жүзеге асырылады.
Бақылаушы және жергілікті атқарушы органдардың 8 инвесторға қатысты қабылдаған бірқатар шаралары прокуратураның араласуынан кейін әкімшілік шектен шыққан деп танылып, күші жойылды.
Мысалы, қадағалау органының дер кезінде әрекет етуі инвестордың Павлодар облысынан жер телімін алуына және инвестициялық жобаның бұзылуына жол бермей, құрамында алтыны бар концентратты өңдейтін зауыт құрылысын бастауға мүмкіндік берді.
Әлеуметтік-экономикалық салада барлығы 148 тексеру мен талдау жүргізілді, 225 прокурорлық қадағалау актісі енгізілді, 389 адам жауапкершілікке тартылды, 1 сотқа дейінгі тергеп-тексеру басталды, 12 680 тұлғаның құқығы қорғалды, 739,6 млн теңге өндірілді, оның ішінде мемлекет кірісіне – 628,5 млн теңге.
Прокуратураның талабы бойынша сот шешімін орындау мақсатында «Самұрық-Қазына» сатып алу тәртібіне мемлекеттік бюджетке түсетін салмақты азайтуға бағытталған ережелер енгізілген.
Қадағалау қызметі көлік қауіпсіздігін қамтамасыз ету мәселелеріне ерекше көңіл бөледі.
Бүгінгі таңда Көлік және төтенше жағдайлар министрліктері көлік инфрақұрылымының қауіпсіздік деңгейін арттыруға тиіс жаңа нормативтік құқықтық актілерді қабылдады.
Сонымен қатар, прокуратураның қатысуымен жаңа нормативтік құқықтық актілерді әзірлеу және қолданыстағы нормативтік құқықтық актілерді жаңарту бойынша 3 ведомствоаралық жұмыс тобы өз жұмысын жалғастыруда.
Алматы қаласының Алмалы аудандық сотының үкімімен оңтүстік астанадағы метро құрылысы кезінде 5 миллиард теңгеден астам бюджет қаражатын ұрлау ісі бойынша айыпталушылар кінәлі деп танылды. Оларға мемлекеттік және қаржы ұйымдарында жұмыс істеу құқығынан айыра отырып, 3 жылдан 7 жылға дейін бас бостандығынан айыру жазасы тағайындалды. Сотқа дейінгі тергеуді көлік прокуратурасы жүргізді.
Жалпы, көлік прокуратурасының 2024 жылдың бірінші жартыжылдығындағы қадағалау қызметінің нәтижелері халықты ақпараттандыру мақсатында бұқаралық ақпарат құралдарында айтарлықтай жиі жарияланды.
Алқа қорытындысы бойынша алдағы жартыжылдыққа арналған басым міндеттер белгіленді.
Бас көлік прокуратурасы