Елорда вокзалдарында кәсіпкерлерге жалдау ақысын қайта қарады

Елорда вокзалдарында кәсіпкерлерге
жалдау ақысын қайта қарады
​

Ақмола көлік прокуратурасы «Нұрлы Жол» вокзал кешенінде кәсіпкерлермен кездесу өткізді.

Жиын барысында бизнес субъектілерінің құқықтарын бақылаушы органдардың заңсыз әрекеттерінен қорғау мәселелері талқыланды.

Бұған дейін «ҚТЖ «ҰК» АҚ-мен осындай форматтағы кездесу аясында кәсіпкерлерді төтенше жағдай кезеңінде үй-жайларды жалға беру ақысынан босату туралы келісімге қол жеткізілді.

«Нұрлы Жол» және «Нұр-Сұлтан-1» вокзалдық кешендерінде барлығы 58 жалға алушы жалпы 8 млн теңгеден астам қаржыны төлеуден босатылды.

Бұдан басқа, 2022 жылы тарифті 5%-ға дейін көтеру туралы шешім алынып тасталды, осылайша бизнеске 18,2 млн теңге сомасында қолдау көрсетілді.

​
Ақмола көлік прокуратурасы