Жалған қауіп-қатерлер – 5 жылға дейін бас бостандығынан айыру

Бас көлік прокуратурасы ескертеді: әуе рейстеріндегі террористік қауіп-қатерлер туралы көрінеу жалған хабарламалар беру заңмен жазаланады.

Кез келген «әзілдеу» немесе полицияны немесе әуе компаниясын адастыру әрекеті қылмыстық жауаптылыққа әкеп соғады. ҚР ҚК-нің 273-бабына сәйкес, терроризм туралы жалған хабарлама бергені үшін бес жылға дейін бас бостандығынан айыру жазасы қарастырылған.

Прокуратура азаматтарды мінез-құлық қағидаларын сақтауға және қауіп ретінде қабылдануы мүмкін сөздерді қолданбауға шақырады.

Ұшу қауіпсіздігі әрбір адамнан басталады.

Бас көлік прокуратурасы