Мемлекеттік мүлікті басқару - мемлекеттің мемлекеттік меншік құқығын және өзге де мүліктік құқықтарды жүзеге асыруы.
Мемлекеттік мүлікті басқару мынадай қағидаттарға сәйкес жүзеге асырылады:
1) заңдылық;
2) есеп берушілік және бақылауда болу;
3) жариялылық;
4) мемлекеттік мүлікті қоғам игілігі үшін тиімді пайдалану;
5) бәсекелестікті дамыту үшін жағдайларды қамтамасыз ету қағидаттарына негізделеді.
Мемлекеттік мүліктің түріне қарай мемлекеттік мүлікті басқаруды Қазақстан Республикасы немесе Қазақстан Республикасының әкімшілік-аумақтық бірлігі жүзеге асырады.
Коммуналдық мүлікті басқару кезінде жергілікті атқарушы органдар Қазақстан Республикасының заңнамасына сәйкес өз құзыреті шеңберінде жергілікті атқарушы органдар мен жергілікті өзін-өзі басқару органдарының коммуналдық мүлікке құқықтарды іске асыруы бойынша өзара іс-қимылын ұйымдастырады.
Коммуналдық мүлікті басқару туралы барлық ақпарат www.gosreestr.kz сайтында орналастырылған