Жекешелендірудің 2021-2025 жылдарға арналған кешенді жоспарының жүзеге асырылу барысы туралы

Жекешелендірудің 2021-2025 жылдарға арналған кешенді жоспары (бұдан әрі – Кешенді жоспар) республикалық, қоммуналдық меншік және квазимемлекеттік сектордағы 638 объектіні қамтиды, олардың ішінен 2025 жылғы 1 сәуірдегі жағдай бойынша мемлекеттік мүлік тізілімінің веб-порталының деректеріне сәйкес:

• 393 объекті 918,7 млрд.теңге сомасына сатылды және кейіннен сатып алу құқығымен сенімгерлік басқаруға берілді;
• 69 объекті қайта ұйымдастыруға/таратылуға жіберілді;
• 21 объекті сауда-саттықта;
• 155 объекті сату алдындағы дайындықта.

Кешенді жоспардағы сату, қайта ұйымдастыру және тарату бойынша процестерді ескерсек, оның орындалуы 72%-ті құрайды.

Бұл ретте Кешенді жоспар объектілерін сауда-саттыққа шығару көрсеткіші 76%-ті құрап отыр.