ҚР ҚМ ММЖК-нің Жамбыл мемлекеттік мүлік және жекешелендіру департаментінің қызметіне сыбайлас жемқорлық тәуекелдеріне ішкі талдау жүргізуді қоғамдық талқылаудың ХАТТАМАСЫ

ҚР ҚМ ММЖК-нің Жамбыл мемлекеттік мүлік және жекешелендіру департаментінің қызметіне сыбайлас жемқорлық тәуекелдеріне ішкі талдау жүргізуді қоғамдық талқылаудың

ХАТТАМАСЫ

 

Тараз қаласы                                                                    29 қаңтар 2026 жыл

 

 

Төрағалық етуші:

Койбагаров Гани Сагимбекович – департамент басшысы.

 

Қатысқан жұмыс тобының мүшелері:

  • Шертаев Курмангазы Рахимжанович – департамент басшысының орынбасары;
  • Бекмурзаев Азамат Журсинбаевич – заңды тұлғалармен жұмыс және мүлікті иелену бөлімінің бас маманы;
  • Маткеримов Мадияр Батайжумаевич – жекелеген негіздер бойынша түскен мүлікпен жұмыс бөлімінің бас маманы;
  • Рахманбердиев Ерлан Муратович – активтерді басқару бөлімінің басшысы;
  • Налекова Жанерке Бейбитовна – кадр және құқықтық жұмыс бөлімінің басшысы;
  • Ильясова Акмарал Манаскызы – қаржылық қамтамасыз ету бөлімінің бас маманы.

 

Қатысқандар: жұмыс тобы.

  1. Тыңдалды:

Қазақстан Республикасының 2015 жылғы 08 қарашадағы «Сыбайлас жемқорлыққа қарсы іс-қимыл туралы» Заңының 8-бабының 5-тармағына сәйкес, «Сыбайлас жемқорлық тәуекелдеріне ішкі талдау жүргізудің үлгілік қағидаларын бекіту туралы» Қазақстан Республикасы Мемлекеттік қызмет істері агенттігі Төрағасының 2016 жылғы 19 қазандағы №12 бұйрығымен және Қазақстан Республикасы Қаржы министрлігі Мемлекеттік мүлік және жекешелендіру комитетінің Жамбыл облысы бойынша Мемлекеттік мүлік және жекешелендіру департаментінің 2026 жылғы 05 қаңтардағы                       №4/1 бұйрығына сәйкес, жұмыс тобы Тараз қаласы, Әл-Фараби көшесі №11 мекен жайы бойынша сағат 15:00-де департаменттің қызметінің сыбайлас жемқорлық тәуекелдеріне ішкі талдау нәтижесіне қоғамдық талқылауды өткізді.

2026 жылдың 05 қаңтарында ҚР ҚМ Жамбыл облысы бойынша Мемлекеттік мүлік және жекешелендіру департаментінің фейсбук және инстаграм желісінде Жамбыл облысы бойынша Мемлекеттік мүлік және жекешелендіру департаментінің қызметіне сыбайлас жемқорлық тәуекелдеріне ішкі талдау нәтижесіне қоғамдық талқылау өтетіндігі туралы анонс жарияланды.

Талқылаудың мәні болып мыналар анықталды:

  • Департаменттің қызметін қозғайтын нормативтік-құқықтық актілерде сыбайлас жемқорлық тәуекелдеріне анықтау;
  • Департаменттің ұйымдастырушылық-басқару қызметіндегі сыбайлас жемқорлық тәуекелдерін анықтау.

Талданатын кезең: 2025 жыл.

Ішкі талдау қорытындысы бойынша жұмыс тобымен аналитикалық анықтама дайындалды.

Талқылау қорытындысы бойынша келесі ұсынымдар берілді:

  • Сыбайлас жемқорлық тәуекелдерін ішкі талдаудың аналитикалық анықтамасына белгіленген мерзімде қол қойылсын;
  • Сыбайлас жемқорлық тәуекелдерін ішкі талдаудың нәтижесі бойынша сыбайлас жемқорлық тәуекелдері анықталған жағдайда, сыбайлас жемқорлық құқық бұзушылықтар жасауға ықпал ететін себептер мен жағдайларды жою жөніндегі іс-шаралар Жоспары әзірленсін;
  • Сыбайлас жемқорлық тәуекелдерін ішкі талдаудың нәтижесі бойынша сыбайлас жемқорлық құқық бұзушылықтар жасауға ықпал ететін себептер мен жағдайлар анықталған жоқ.

 

Дата публикации
30 января 2026