Қазақстан Республикасы Қаржы министрлігі Мемлекеттік мүлік және жекешелендіру комитетінің Заң басқармасы туралы ереже

Қазақстан Республикасы Қаржы министрлігінің Мемлекеттік мүлік және жекешелендіру комитеті Төрағасының 2015 жылғы 12 қаңтардағы № Л-5 бұйрығымен БЕКІТІЛГЕН

Қазақстан Республикасы Қаржы министрлігі

Мемлекеттік мүлік және жекешелендіру комитетінің

Заң басқармасы туралы ереже

 

1. Жалпы ережелер
2. Қазақстан Республикасы Қаржы министрлігі Мемлекеттік мүлік және жекешелендіру комитетінің Заң басқармасы (бұдан әрі – Басқарма) Қазақстан Республикасы Қаржы министрлігі Мемлекеттік мүлік және жекешелендіру комитетінің (бұдан әрі –Комитет) құрылымдық бөлімшесі болып табылады.
3. Басқарма өз қызметінде Қазақстан Республикасының Конституциясы мен заңдарын, Қазақстан Республикасы Президентінің және Үкіметінің актілерін, Қазақстан Республикасының өзге де нормативтік құқықтық актілерін, Қазақстан Республикасы Қаржы министрінің 2014 жылғы 11 қарашадағы № 489 бұйрығымен бекітілген Комитет туралы ережені, Қазақстан Республикасы Үкіметінің 2006 жылғы 9 қарашадағы № 1072 қаулысымен бекітілген Қазақстан Республикасы мемлекеттік органдарының заң қызметтері туралы үлгі ережені сондай-ақ осы Ережені басшылыққа алады.
4. Басқарманың штат саны Комитет туралы ережеге сәйкес бекітілген штат санының лимиті шегінде Комитеттің Төрағасы бекітеді.

 

 

2. Басқарманың негізгі міндеттері, функциялары,
   құқықтары және міндеттемелері

 

4. Міндет: Комитеттің қызметінде заңдылықтың сақталуын қамтамасыз ету.

Жүктелген міндеттерге сәйкес Басқарма мынадай функцияларды жүзеге асырады:

1) Комитеттің құқықтық актілеріне талдау жүргізу және келісу;

2) республикалық мемлекеттік кәсіпорындардың, Қазақстан Республикасы қатысатын акционерлік қоғамдардың және жауапкершілігі шектеулі серіктестіктердің құрылтай құжаттарына талдау жүргізу;

3) белгіленген тәртіппен соттарда Комитеттің мүдделерін білдіру және оның мүліктік құқықтарын қорғау;

4) Комитеттің құзыретіне кіретін мәселелер бойынша жұмыс топтарының және комиссиялардың отырыстарына қатысу;

5) адам мен азаматтың құқықтары мен бостандықтарын қозғайтын нормативтік құқықтық актілерді қоспағанда, Комитеттің құзыретіне кіретін мәселелер бойынша нормативтік құқықтық актілерді әзірлеу және бекіту.

5. Міндет: Комитеттің заңнаманы қолдану практикасын қорыту:

Жүктелген міндеттерге сәйкес Басқарма мынадай функцияларды жүзеге асырады:

Комитеттің қызметін реттейтін заңнаманы талдау және талдаудың нәтижелері бойынша Комитеттің Төрағасына заңнаманы жетілдіру мен анықталған кемшіліктерді жою жөнінде ұсыныстар енгізу.

6. Міндет: Қазақстан Республикасының заңнамасын насихаттау және түсіндіру, Комитетте жалпыға бірдей құқықтық оқытуды ұйымдастыру.

Жүктелген міндеттерге сәйкес Басқарма мынадай функцияларды жүзеге асырады:

1) Қазақстан Республикасының заңнамасын түсіндіру бойынша жыл сайынғы іс шаралар әзірлеу және бекіту;

2) Комитетте жалпыға бірдей құқықтық оқытуды ұйымдастыру;

3) заңнамалық актілерде көзделген жағдайларда, Комитеттің құзыретіне кіретін мәселелер бойынша Комитеттің атынан құқықтық мәселелер бойынша түсіндірулер дайындау.

7. Міндет: республикалық меншікті иелену, пайдалану және билік ету, сондай ақ экономиканың стратегиялық маңызы бар салаларындағы меншіктің мемлекеттік мониторингін жүргізу, республикалық меншік объектілерін басқаруды бақылау мен талдау жүргізу мәселелерін реттейтін нормативтік құқықтық актілердің жобаларын және өзге де құқықтық сипаттағы құжаттарды келісуге қатысу.

Жүктелген міндеттерге сәйкес Басқарма мынадай функцияларды жүзеге асырады:

республикалық меншікті иелену, пайдалану және билік ету, сондай ақ экономиканың стратегиялық маңызы бар салаларындағы меншіктің мемлекеттік мониторингін жүргізу, республикалық меншік объектілерін басқаруды бақылау мен талдау жүргізу мәселелерін реттейтін нормативтік құқықтық актілердің жобаларына және өзге де құқықтық сипаттағы құжаттарға сараптама жүргізу және олар бойынша қорытынды дайындау.

8. Міндеттерді іске асыру және жүктелген функцияларды жүзеге асыру үшін Басқарма мынадай құқықтар мен міндеттерге ие:

1) Басқармаға жүктелген міндеттер мен функцияларды жүзеге асыруға қажетті құжаттарды, анықтамаларды, есептеулерді және басқа да материалдарды Комитеттің құрылымдық бөлімшелерінен (Комитеттің аумақтық органдарын қоса алғанда) сұрату және алу;

2) Комитет Төрағасының немесе оның орынбасарларының келісімімен Басқармаға жүктелген міндеттерді және функцияларды жүзеге асыру үшін Комитеттің басқа құрылымдық бөлімішелерінің қызметкерлерін тарту;

3) нормативтік құқықтық актілер мен басқа да құжаттардың жобалары (оның ішінде Министрліктің құрылымдық бөлімшелерінің) Қазақстан Республикасының заңнамасына сәйкес келмеген жағдайда оларға қол қоюдан бас тарту;

4) Комитеттегі құқықтық жұмысты ұйымдастыру мәселелері бойынша Комитеттің басшылығына ұсыныстар енгізу.

 

 

3. Басқарманың қызметін ұйымдастыру

 

9. Басқарма Қазақстан Республикасының заңнамалық актілеріне, Қазақстан Республикасы Президентінің актілеріне, Қазақстан Республикасының өзге де нормативтік актілеріне сәйкес өзінің негізгі міндеттері мен функцияларын іске асыруға қажетті өкілеттіктерге ие.
10. Басқарманы Комитеттің Төрағасы лауазымға тағайындайтын және лауазымнан босататын басшы басқарады.
11. Басқарма басшысы Басқарманың қызметіне жалпы жетекшілікті жүзеге асырады және Басқармаға жүктелген міндеттер мен функцияларды орындау мен жүзеге асыруға дербес жауапты болады.
12. Басқарма басшысы:

1) Басқарма қызметкерлерінің өз қызметтік міндеттері мен Комитет басшылығының тапсырмаларын тиісті түрде орындауына бақылауды жүзеге асырады;

2) өз құзыреті шегінде өзге де өкілеттіктерді жүзеге асырады.

13. Басқарма басшысы болмаған кезде оның міндеттерін бас сарапшылардың бірі атқарады.
14. Басқарманың құзыретіне кіретін мәселелер бойынша Басқарманың атынан Комитеттің басқа Басқармаларына жіберілетін құжаттарға Басқарма басшысы, ал болмаған жағдайда оның міндетін атқаратын адам қол қояды.

Дата публикации

06 января 2020