Қазақстан Республикасы Үкіметінің «Жекешелендіру объектілерін сату қағидаларын бекіту туралы» 2011 жылғы 9 тамыздағы № 920 және «Тәуелсіз консультантты тарту қағидаларын бекіту туралы» 2016 жылғы 29 маусымдағы № 382 қаулыларына өзгерістер енгізу туралы

Қазақстан Республикасының Үкіметі ҚАУЛЫ ЕТЕДІ:

  1. Қазақстан Республикасы Үкіметінің кейбір шешімдеріне мынадай өзгерістер енгізілсін:

1) «Жекешелендіру объектілерін сату қағидаларын бекіту туралы» Қазақстан Республикасы Үкіметінің 2011 жылғы 9 тамыздағы
№ 920 қаулысында:

көрсетілген қаулымен бекітілген Жекешелендіру объектілерін сату қағидаларында:

мынадай мазмұндағы 13-1 тармақпен толықтырылсын:

«13-1. Баланстық құны республикалық бюджет туралы заңда белгіленген және тиісті қаржы жылының 1 қаңтарында қолданыста болатын айлық есептік көрсеткіштің 2 500 000 еселенген мөлшерінен асатын жекешелендіру объектісінің нарықтық құнын бағалау және оны сату жөніндегі мәмілені сүйемелдеу мақсатында Қазақстан Республикасының Үкіметі белгілеген тәртіпке сәйкес тәуелсіз консультанттар тартылады.».

2) «Тәуелсіз консультантты тарту қағидаларын бекіту туралы» Қазақстан Республикасы Үкіметінің 2016 жылғы 29 маусымдағы № 382 қаулысында:

көрсетілген қаулымен бекітілген Тәуелсіз консультантты тарту қағидаларында:

1-тармақ мынадай редакцияда жазылсын:

«1. Осы Тәуелсіз консультантты тарту қағидалары (бұдан әрі - Қағидалар) «Мемлекеттік мүлік туралы» Қазақстан Республикасы Заңының (бұдан әрі - Заң) 100-1-бабының 5-тармағына сәйкес әзірленді және баланстық құны республикалық бюджет туралы заңда белгіленген және тиісті қаржы жылының 1 қаңтарында қолданыста болатын айлық есептік көрсеткіштің
2 500 000 еселенген мөлшерінен асатын жекешелендіру объектісінің (бұдан әрі-жекешелендіру объектісі) нарықтық құнын бағалау және оны сату жөніндегі мәмілені сүйемелдеу мақсатында тәуелсіз консультантты тарту тәртібін айқындайды.».

  1. Қазақстан Республикасы Қаржы министрлігінің Мемлекеттік мүлік және жекешелендіру комитеті Қазақстан Республикасының заңнамасында белгіленген тәртіппен осы қаулыны іске асыру жөнінде шаралар қабылдасын.
  2. Осы қаулы қол қойылған күнінен бастап қолданысқа енгізіледі.

                                                                                                     

 

Қазақстан Республикасының

Премьер-Министрі                                                              А. Мамин

 

Қазақстан Республикасының Премьер-Министрі
А.Ұ. Маминге

 

 

«Қазақстан Республикасы Үкіметінің «Жекешелендіру объектілерін сату қағидаларын бекіту туралы» 2011 жылғы 9 тамыздағы № 920 және «Тәуелсіз консультантты тарту қағидаларын бекіту туралы» 2016 жылғы 29 маусымдағы № 382 қаулыларына өзгерістер енгізу туралы»

Қазақстан Республикасы Үкіметі қаулысының жобасына

ТҮСІНДІРМЕ ЖАЗБА

 

 

  1. Әзірлеуші мемлекеттік органның атауы

Қазақстан Республикасының Қаржы министрлігі.

  1. Тиісті нормативтік құқықтық актілерге, Қазақстан Республикасы ратификациялаған халықаралық шарттардың нормаларына, Қазақстан Республикасы қатысушысы болып табылатын халықаралық ұйымдардың шешімдеріне, Үкімет пен Кеңсе басшылығының хаттамалық және өзге де тапсырмаларына сілтеме жасай отырып, жобаны қабылдау үшін негіздер және / немесе оны қабылдау қажеттілігінің басқа да негіздемелері

Жоба халықаралық стандарттар бойынша тәуелсіз бағалауды және мәмілелерді сүйемелдеуді талап ететін ірі жекешелендіру объектілерін сату кезінде тәуелсіз консультантты тарту мақсатында «Мемлекеттік мүлік туралы» Қазақстан Республикасы Заңының 100-1-бабының 5-тармағына сәйкес және оны орындау үшін әзірленді.

  1. Жоба бойынша қаржылық шығындардың қажеттілігі және оның қаржылық қамтамасыз етілуі, оның ішінде қаржыландыру көзі, сондай - ақ қажет болған жағдайда-республикалық бюджет комиссиясының шешімі (тиісті есептеулер, қаржыландыру көзіне сілтеме, республикалық бюджет комиссиясы шешімінің көшірмесі міндетті түрде түсіндірме жазбаға қоса беріледі)

Жобаны қабылдау мемлекеттік бюджеттен қосымша шығындарды талап етпейді.

  1. Жоба қабылданған жағдайда болжанатын әлеуметтік-экономикалық және/немесе құқықтық салдарлар

Жобаны қабылдау теріс әлеуметтік-экономикалық және/немесе құқықтық салдарға әкеп соқтырмайды.

  1. Нақты мақсаттар, күтілетін нәтижелердің мерзімі

Жобаны қабылдау теңгерімдік құны республикалық бюджет туралы заңда белгіленген және тиісті қаржы жылының 1 қаңтарында қолданыста болатын айлық есептік көрсеткіштің 2 500 000 еселенген мөлшерінен асатын жекешелендіру объектісін сату жөніндегі мәмілені қолдап отыру үшін тәуелсіз консультанттарды тарту мүмкіндігі үшін құқық нормаларының коллизиясын жоюға мүмкіндік береді.

  1. Жобада қаралатын мәселелер бойынша Президенттің және/немесе Үкіметтің бұрын қабылданған актілері және олардың іске асырылу нәтижелері туралы мәліметтер

«Тәуелсіз консультантты тарту қағидаларын бекіту туралы» Қазақстан Республикасы Үкіметінің 2016 жылғы 29 маусымдағы № 382 қаулысы, «Жекешелендіру объектілерін сату қағидаларын бекіту туралы» Қазақстан Республикасы Үкіметінің 2011 жылғы 9 тамыздағы № 920 қаулысы.

  1. Енгізілетін жоба қабылданған жағдайда заңнаманы оған сәйкес келтіру қажеттілігі (басқа нормативтік құқықтық актілерді қабылдау немесе қолданыстағы актілерге өзгерістер және/немесе толықтырулар енгізу талап етілетінін көрсету) не мұндай қажеттіліктің болмауы

Талап етілмейді.

  1. Халықаралық шартты кейіннен ратификациялау қажеттілігі туралы ақпарат

Халықаралық шарт болып табылмайды.

  1. Мемлекеттік құпияларды және (немесе) қызметтік ақпаратты қамтитын жобаларды қоспағанда, «Қазақстан Республикасы Үкіметінің мобильдік кеңсесі» ақпараттық жүйесінде беруге рұқсат етілген Қазақстан Республикасы Премьер-Министрінің Кеңсесі Басшысының және Қазақстан Республикасы Байланыс және ақпарат министрінің 2011 жылғы 20 мамырдағы № 25-1-32дсп/22П-қбпү бірлескен бұйрығымен бекітілген қызметтік ақпарат тізбесіне сәйкес жобалар мен оларға материалдарды Үкімет мүшелерінің мобильдік құрылғыларына «Қазақстан Республикасы Үкіметінің мобильдік кеңсесі» ақпараттық жүйесі арқылы беру мүмкіндігі

Рұқсат етіледі.

  1. Жобаны мемлекеттік органның Интернет-ресурсында, сондай-ақ ашық нормативтік құқықтық актілердің интернет-порталында орналастыру туралы ақпарат (күні, байт саны)

Жоба 2021 жылдың 20 желтоқсанында мемлекеттік органдардың интернет-ресурстарының бірыңғай платформасында (www.gov.kz) және ашық нормативтік құқықтық актілерді интернет-порталында (http://legalacts.egov.kz) орналастырылды.

  1. Тауарларды сатуға, көрсетілетін қызметтерге немесе зияткерлік меншік құқықтарына қатысты жобаны, сондай-ақ әлеуметтік маңызы бар қаулы жобасына пресс-релизін уәкілетті мемлекеттік органдардың интернет-ресурстарында орналастыру туралы ақпарат

Талап етілмейді.

  1. Жобаның Қазақстан Республикасы ратификациялаған халықаралық шарттарға және Қазақстан Республикасы қатысушысы болып табылатын халықаралық ұйымдардың шешімдеріне сәйкестігі

Сәйкес келеді.

  1. Үкімет актісінің қолданысқа енгізілуіне байланысты жеке кәсіпкерлік субъектілері шығындарының азаюын және(немесе) ұлғаюын растайтын есеп айырысулардың нәтижелері

Талап етілмейді.

  1. Қазақстан Республикасы Ұлттық Кәсіпкерлер палатасының және аккредиттелген объективті жеке кәсіпкерлік субъектілерінің сараптамалық қорытындысымен келіспеу себептерінің негіздемесі

Талап етілмейді.

 

 

         Қазақстан Республикасының

          Қаржы министрі                                                         Е. Жамаубаев

 

 

«Қазақстан Республикасы Үкіметінің «Жекешелендіру объектілерін сату қағидаларын бекіту туралы»
2011 жылғы 9 тамыздағы № 920 және «Тәуелсіз консультантты тарту қағидаларын бекіту туралы» 2016 жылғы 29 маусымдағы № 382 қаулыларына өзгерістер енгізу туралы»

Қазақстан Республикасы Үкіметі қаулысының жобасына

САЛЫСТЫРМА КЕСТЕ

 

№

Құрылымдық элемент

Қолданыстағы редакция

Ұсынылып отырған редакция

Негіздеме

Тапсырмаларға сілтемелерден басқа:

1) түзетудің мәнін;

2) әрбір енгізілген түзетудің нақты негіздемесі көрсету қажет.

«Жекешелендіру объектілерін сату қағидаларын бекіту туралы» Қазақстан Республикасы Үкіметінің 2011 жылғы
9 тамыздағы № 920 қаулысы

1

13-1 тармақ

Жоқ

13-1. Баланстық құны республикалық бюджет туралы заңда белгіленген және тиісті қаржы жылының 1 қаңтарында қолданыста болатын айлық есептік көрсеткіштің 2 500 000 еселенген мөлшерінен асатын жекешелендіру объектісінің нарықтық құнын бағалау және оны сату жөніндегі мәмілені сүйемелдеу мақсатында Қазақстан Республикасының Үкіметі белгілеген тәртіпке сәйкес тәуелсіз консультанттар тартылады.

Баланстық құны республикалық бюджет туралы заңда белгіленген және тиісті қаржы жылының 1 қаңтарында қолданыста болатын айлық есептік көрсеткіштің
2 500 000 еселенген мөлшерінен асатын стратегиялық инвесторға жекешелендіру объектісін сату жөніндегі мәмілені қолдап отыру үшін тәуелсіз консультанттарды тарту мүмкіндігі үшін құқық нормаларының коллизиясын жою.

«Тәуелсіз консультантты тарту қағидаларын бекіту туралы» Қазақстан Республикасы Үкіметінің 2016 жылғы
29 маусымдағы № 382 қаулысы

1.      

1 тармақ

1. Осы Тәуелсіз консультантты тарту қағидалары (бұдан әрі – Қағидалар) "Мемлекеттік мүлік туралы" Қазақстан Республикасының Заңы (бұдан әрі – Заң) 100-1-бабының 5-тармағына сәйкес әзірленді және мынадай:

баланстық құны республикалық бюджет туралы заңда белгіленген және тиісті қаржы жылының 1 қаңтарында қолданыста болған айлық есептік көрсеткіштің 2 500 000 еселенген мөлшерінен асатын жекешелендіру объектісінің (бұдан әрі – жекешелендіру объектісі) нарықтық құнын бағалау;

жекешелендіру объектісін екі кезеңдiк рәсiмдер түріндегі конкурс арқылы сату бойынша мәмілені сүйемелдеу мақсатында тәуелсіз консультантты тарту тәртібін айқындайды.

1. Осы Тәуелсіз консультантты тарту қағидалары (бұдан әрі - Қағидалар) «Мемлекеттік мүлік туралы» Қазақстан Республикасы Заңының (бұдан әрі - Заң) 100-1-бабының 5-тармағына сәйкес әзірленді және баланстық құны республикалық бюджет туралы заңда белгіленген және тиісті қаржы жылының 1 қаңтарында қолданыста болатын айлық есептік көрсеткіштің

2 500 000 еселенген мөлшерінен асатын жекешелендіру объектісінің (бұдан әрі-жекешелендіру объектісі) нарықтық құнын бағалау және оны сату жөніндегі мәмілені сүйемелдеу мақсатында тәуелсіз консультантты тарту тәртібін айқындайды.

Баланстық құны республикалық бюджет туралы заңда белгіленген және тиісті қаржы жылының 1 қаңтарында қолданыста болатын айлық есептік көрсеткіштің
2 500 000 еселенген мөлшерінен асатын стратегиялық инвесторға жекешелендіру объектісін сату жөніндегі мәмілені қолдап отыру үшін тәуелсіз консультанттарды тарту мүмкіндігі үшін құқық нормаларының коллизиясын жою.

 

 

Қазақстан Республикасының

Қаржы вице-министрі                                                                                                                                      Д. Жанәлінов

 

Дата публикации
20 декабря 2021