«Мемлекеттік мүлікті басқару жөніндегі уәкілетті орган немесе аудандардың, облыстық маңызы бар қалалардың жергілікті атқарушы органдары оларға қатысты есепке алуды, сақтауды және одан әрі пайдалануды жүзеге асыратын, жекелеген негіздер бойынша мемлекеттік мүліктің құрамына түскен мүлік түрлерін айқындау туралы» Қазақстан Республикасы Үкіметінің 2015 жылғы 4 маусымдағы № 404 қаулысына өзгерістер енгізу туралы

 

 

Қазақстан Республикасының Үкіметі ҚАУЛЫ ЕТЕДІ:

1. «Мемлекеттік мүлікті басқару жөніндегі уәкілетті орган немесе аудандардың, облыстық маңызы бар қалалардың жергілікті атқарушы органдары оларға қатысты есепке алуды, сақтауды және одан әрі пайдалануды жүзеге асыратын, жекелеген негіздер бойынша мемлекеттік мүліктің құрамына түскен мүлік түрлерін айқындау туралы» Қазақстан Республикасы Үкіметінің 2015 жылғы 4 маусымдағы № 404 қаулысына мынадай өзгерістер енгізілсін:

көрсетілген қаулыға 1 және 2 - қосымшалар осы қаулыға 1 және
2 - қосымшаларға сәйкес жаңа редакцияда жазылсын.

2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

 

 

Қазақстан Республикасының

       Премьер-Министрі                                                          А. Мамин

 

Қазақстан Республикасы Үкіметінің 2021 жылғы «   » ________ № ____ қаулысына 1-қосымша   Қазақстан Республикасы Үкіметінің 2015 жылғы «4» маусымдағы № 404 қаулысына 1-қосымша

 

 

Мемлекеттік мүлікті басқару жөніндегі уәкілетті орган оларға қатысты есепке алуды, сақтауды және одан әрі пайдалануды жүзеге асыратын, жекелеген негіздер бойынша мемлекеттік мүліктің құрамына түскен мүлік түрлері

 

 

Р/с №	Мүліктің атауы
1	2
1	Жер учаскелерін және көпжылдық екпелерді қоспағанда, тұрғын емес жылжымайтын мүлік
2	Аяқталмаған құрылыс объектілері
3	Көлік
4	Өнеркәсіп тауарлары
5	Мұнай және оның өңделген өнімдері
6	Бағалы қағаздар, жарғылық капиталдардағы қатысу үлестері
7	Техникалық құрылғылар
8	Бағалы металдар, асыл тастар және олардан жасалған бұйымдар
9	Қара және түсті металдардың сынықтары мен қалдықтары

 

Қазақстан Республикасы
Үкіметінің
2021 жылғы «   » ________
№ ____ қаулысына
2-қосымша

 

Қазақстан Республикасы
Үкіметінің
2015 жылғы «4» маусымдағы
№ 404 қаулысына
2-қосымша

 

 

Аудандардың, облыстық маңызы бар қалалардың жергілікті атқарушы органдары оларға қатысты есепке алуды, сақтауды және одан әрі пайдалануды жүзеге асыратын, жекелеген негіздер бойынша мемлекеттік мүліктің құрамына түскен мүлік түрлері

 

 

Р/с №	Мүліктің атауы
1	2
1	Тұрғын жылжымайтын мүлік, жер учаскелері және көпжылдық екпелер
2	Жануарлар, жануарлардан алынатын шикізат
3	Жемшөп
4	Азық-түлік тауарлары
5	Астық
6	Ағаш материалдары
7	Дәрілік заттар
8	Минералды шикізат, пайдалы қазбалар
9	Агрохимикаттар, пестицидтер
10	Этил спирті және алкоголь өнімі
11	Темекі және темекі бұйымдары

 

Қазақстан Республикасының

Премьер-Министрі

А.Ұ. Маминге

 

 

«Мемлекеттік мүлікті басқару жөніндегі уәкілетті орган немесе аудандардың, облыстық маңызы бар қалалардың жергілікті атқарушы органдары оларға қатысты есепке алуды, сақтауды және одан әрі пайдалануды жүзеге асыратын, жекелеген негіздер бойынша мемлекеттік мүліктің құрамына түскен мүлік түрлерін айқындау туралы» Қазақстан Республикасы Үкіметінің 2015 жылғы 4 маусымдағы № 404 қаулысына өзгерістер енгізу туралы» Қазақстан Республикасы Үкіметі қаулысының жобасына

ТҮСІНДІРМЕ ЖАЗБА

 

 

«Мемлекеттік мүлікті басқару жөніндегі уәкілетті орган немесе аудандардың, облыстық маңызы бар қалалардың жергілікті атқарушы органдары оларға қатысты есепке алуды, сақтауды және одан әрі пайдалануды жүзеге асыратын, жекелеген негіздер бойынша мемлекеттік мүліктің құрамына түскен мүлік түрлерін айқындау туралы» Қазақстан Республикасы Үкіметінің 2015 жылғы 4 маусымдағы № 404 қаулысына өзгерістер енгізу туралы» Қазақстан Республикасы Үкіметі қаулысының жобасы (бұдан әрі – Жоба) аудандардың, облыстық маңызы бар қалалардың жергілікті атқарушы органдары (бұдан әрі – ЖАО) мүлікке қатысты есепке алуды, сақтауды және одан әрі пайдалануды жүзеге асыратын олардың түрлерін тұрғын үй жылжымайтын мүлікпен толықтыруды, этил спиртін, алкоголь өнімін, темекіні және темекі бұйымдарын мемлекеттік мүлікті басқару жөніндегі уәкілетті органнан (бұдан әрі – уәкілетті орган) ЖАО-ға қайта бөлуді, уәкілетті органның мүлік түрлерін қара және түсті металдардың сынықтарымен және қалдықтарымен толықтыруды көздейді.

Жобаны Қазақстан Республикасы Қаржы министрлігі әзірледі.

Жоба нормативтік құқықтық актілердің құқықтық мониторингінің қорытындылары бойынша әзірленді.

Жобаны қабылдау уәкілетті орган немесе ЖАО оған қатысты есепке алуды, сақтауды және одан әрі пайдалануды жүзеге асыратын мүлік түрлерін оңтайлы бөлуді белгілеуге, этил спиртін, алкоголь өнімін, темекіні және темекі бұйымдарын мемлекет кірісіне айналдыру бөлігінде жекелеген сот актілерінің жедел орындалуын қамтамасыз етуге, осы мүлікті облыстың жекелеген елді мекендерінен облыс орталықтарына тасымалдауға арналған мемлекеттік бюджеттің шығындарын азайтуға мүмкіндік береді.

Жобаның мақсаты уәкілетті орган немесе ЖАО оған қатысты есепке алуды, сақтауды және одан әрі пайдалануды жүзеге асыратын мүліктің түрлерін толықтыру, түзету болып табылады.

Жобаны іске асыру мемлекеттік бюджеттен қаражат талап етпейді.

Қаулы жобасын қабылдау теріс әлеуметтік-экономикалық және (немесе) құқықтық салдарға әкеп соқтырмайды.

Жобада қаралатын мәселелер бойынша Президенттің және/немесе Үкіметтің бұрын қабылданған актілері:

«Мемлекеттік мүлікті басқару жөніндегі уәкілетті орган немесе аудандардың, облыстық маңызы бар қалалардың жергілікті атқарушы органдары оларға қатысты есепке алуды, сақтауды және одан әрі пайдалануды жүзеге асыратын, жекелеген негіздер бойынша мемлекеттік мүліктің құрамына түскен мүлік түрлерін айқындау туралы» Қазақстан Республикасы Үкіметінің 2015 жылғы 4 маусымдағы № 404 қаулысы.

Жоба қабылданған жағдайда, заңнаманы оған сәйкес келтіру талап етілмейді.

Жобаны және оған материалдарды Үкімет мүшелерінің мобильдік құрылғыларына «Қазақстан Республикасы Үкіметінің мобильдік кеңсесі» ақпараттық жүйесі арқылы беруге рұқсат етіледі.

Жоба 2021 жылғы «___» _____ мемлекеттік органдардың интернет-ресурстарының бірыңғай платформасында, 2021 жылғы «___» ______ http://www.legalacts.egov.kz ашық нормативтік құқықтық актілердің интернет-порталында орналастырылған (файл мемлекеттік және орыс тілдерінде ______ КБ, есеп қоса беріледі).

______жылғы «___» ______ сыбайлас жемқорлыққа қарсы ғылыми сараптаманың қорытындысы (көшірмесі қоса беріледі).

Жоба Қазақстан Республикасы ратификациялаған халықаралық шарттарға және қатысушысы Қазақстан Республикасы болып табылатын халықаралық ұйымдардың шешімдеріне сәйкес келеді.

 

 

Қазақстан Республикасының

Қаржы министрі                                                                  Е. Жамаубаев

 

 «Мемлекеттік мүлікті басқару жөніндегі уәкілетті орган немесе аудандардың, облыстық маңызы бар қалалардың жергілікті атқарушы органдары оларға қатысты есепке алуды, сақтауды және одан әрі пайдалануды жүзеге асыратын, жекелеген негіздер бойынша мемлекеттік мүліктің құрамына түскен мүлік түрлерін айқындау туралы» Қазақстан Республикасы Үкіметінің
2015 жылғы 4 маусымдағы № 404 қаулысына өзгерістер енгізу туралы» Қазақстан Республикасы Үкіметі қаулысының жобасы бойынша

САЛЫСТЫРМА КЕСТЕ

 

 

Р/с№	Құрылымдық элемент	Қолданыстағы редакция	Ұсынылып отырған редакция	Негіздеме.
1	2	3	4	5
«Мемлекеттік мүлікті басқару жөніндегі уәкілетті орган немесе аудандардың, облыстық маңызы бар қалалардың жергілікті атқарушы органдары оларға қатысты есепке алуды, сақтауды және одан әрі пайдалануды жүзеге асыратын, жекелеген негіздер бойынша мемлекеттік мүліктің құрамына түскен мүлік түрлерін айқындау туралы» Қазақстан Республикасы Үкіметінің 2015 жылғы 4 маусымдағы № 404 қаулысы
1	1-қосымша	Мемлекеттік мүлікті басқару жөніндегі уәкілетті орган оларға қатысты есепке алуды, сақтауды және одан әрі пайдалануды жүзеге асыратын, жекелеген негіздер бойынша мемлекеттік мүліктің құрамына түскен мүлік түрлері   Р/с № Мүліктің атауы 1 2 1 Жер учаскелерін және көпжылдық екпелерді қоспағанда, жылжымайтын мүлік, аяқталмаған құрылыс объектілері 2 Көлік 3 Этил спирті және алкоголь өнімі 4 Темекі және темекі бұйымдары 5 Өнеркәсіп тауарлары 6 Мұнай және оның өңделген өнімдері 7 Бағалы қағаздар, жарғылық капиталдардағы қатысу үлестері 8 Техникалық құрылғылар 9 Бағалы металдар, асыл тастар және олардан жасалған бұйымдар	Мемлекеттік мүлікті басқару жөніндегі уәкілетті орган оларға қатысты есепке алуды, сақтауды және одан әрі пайдалануды жүзеге асыратын, жекелеген негіздер бойынша мемлекеттік мүліктің құрамына түскен мүлік түрлері   Р/с № Мүліктің атауы 1 2 1 Жер учаскелерін және көпжылдық екпелерді қоспағанда, тұрғын емес жылжымайтын мүлік 2 Аяқталмаған құрылыс объектілері 3 Көлік 4 Өнеркәсіп тауарлары 5 Мұнай және оның өңделген өнімдері 6 Бағалы қағаздар, жарғылық капиталдардағы қатысу үлестері 7 Техникалық құрылғылар 8 Бағалы металдар, асыл тастар және олардан жасалған бұйымдар 9 Қара және түсті металдардың сынықтары мен қалдықтары	«Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Қазақстан Республикасы Заңының 31-бабы 1-тармағының 12-7) тармақшасына сай Қазақстан Республикасының заң актілеріне сәйкес азаматтардың жекелеген санаттарын тұрғын үймен аудандық (облыстық маңызы бар қалалық) әкімдік Қазақстан Республикасының заңнамасына сәйкес қамтамасыз етеді.       «Тұрғын үй қатынастары туралы» 1997 жылғы 16 сәуiрдегi Қазақстан Республикасы Заңының 10-3-бабы 2-тармағының 14) тармақшасына сәйкес республикалық маңызы бар қалалардың, астананың, аудандардың, облыстық маңызы бар қалалардың жергілікті атқарушы органдары осы Заңда айқындалған шарттарда және тәртіппен мемлекеттік тұрғын үй қорынан тұрғынжайларды жекешелендіруді жүзеге асырады.    Осыған байланысты қаулы жобасында тұрғын емес жылжымайтын мүлікті мемлекеттік мүлік жөніндегі уәкілетті органның (бұдан әрі – уәкілетті орган) құзыретіне жатқыза отырып, жылжымайтын мүлікті түрлері бойынша тұрғын және тұрғын емес етіп бөлу көзделеді.    Уәкілетті органның аумақтық органдары облыстардың аудандарында (облыстық маңызы бар қалаларда) филиалдары, өкілдіктері болмаса да, облыс орталықтарында, астанада, республикалық маңызы бар қалаларда орналастырылады.     Практикада облыс аудандарының аумағында (жекелеген аудандардан облыс орталығына дейінгі қашықтық 500 км-ден асады) алкоголь өнімін (оның ішінде болмашы көлемдер - 1 бөт. және т. б.) мемлекет кірісіне айналдыру орын алады.     Өнімнің болмашы партияларын аудандардан облыстық орталыққа жеткізудің экономикалық орынсыздығына байланысты уәкілетті органның аумақтық органдары оларды тасымалдауды көлемінің жиналуына қарай жүзеге асырады, бұл олардың мемлекет кірісіне айналдыру туралы сот актілерін орындау мерзімінің созылуына әкеп соғады.    Бұдан басқа оларды облыс орталықтарындағы сақтау орындарына тасымалдау бюджет үшін экономикалық жағынан тиімсіз, себебі бұл өнім көбінесе қауіпсіздік пен сапа бөлігінде заңнама талаптарына сәйкес келмеуіне байланысты жойылуға жатады.     Осыған ұқсас жұмыстар темекі өнімдері бойынша жүргізіледі.      Осыған байланысты сот актілерін жедел орындау және тасымалдауға мемлекеттік бюджет қаражатын үнемдеу мақсатында алкоголь өнімін, этил спиртін, темекі мен темекі бұйымдарын уәкілетті орган мүлік түрлерінен алып тастап, аудандық, облыстық маңызы бар қалалық жергілікті атқарушы органның (бұдан әрі -  ЖАО) құзыретіне жатқызу ұсынылады.     Қаулы жобасында уәкілетті органның мүлік түрлерін қара және түсті металдардың сынықтарымен және қалдықтарымен толықтыру көзделеді.
2	2-қосымша	Аудандардың, облыстық маңызы бар қалалардың жергілікті атқарушы органдары оларға қатысты есепке алуды, сақтауды және одан әрі пайдалануды жүзеге асыратын, жекелеген негіздер бойынша мемлекеттік мүліктің құрамына түскен мүлік түрлері   Р/с № Мүліктің атауы 1 2 1 Жер учаскелері және көпжылдық екпелер 2 Жануарлар, жануарлардан алынатын шикізат 3 Жемшөп 4 Азық-түлік тауарлары 5 Астық 6 Ағаш материалдары 7 Дәрілік заттар 8 Минералды шикізат, пайдалы қазбалары 9 Агрохимикаттар, пестицидтер	Аудандардың, облыстық маңызы бар қалалардың жергілікті атқарушы органдары оларға қатысты есепке алуды, сақтауды және одан әрі пайдалануды жүзеге асыратын, жекелеген негіздер бойынша мемлекеттік мүліктің құрамына түскен мүлік түрлері   Р/с № Мүліктің атауы 1 2 1 Тұрғын жылжымайтын мүлік, жер учаскелері және көпжылдық екпелер 2 Жануарлар, жануарлардан алынатын шикізат 3 Жемшөп 4 Азық-түлік тауарлары 5 Астық 6 Ағаш материалдары 7 Дәрілік заттар 8 Минералды шикізат, пайдалы қазбалар 9 Агрохимикаттар, пестицидтер 10 Этил спирті және алкоголь өнімі 11 Темекі және темекі бұйымдары	«Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Қазақстан Республикасы Заңының 31-бабы 1-тармағының 12-7) тармақшасына сай Қазақстан Республикасының заң актілеріне сәйкес азаматтардың жекелеген санаттарын тұрғын үймен аудандық (облыстық маңызы бар қалалық) әкімдік Қазақстан Республикасының заңнамасына сәйкес қамтамасыз етеді.       «Тұрғын үй қатынастары туралы» 1997 жылғы 16 сәуiрдегi Қазақстан Республикасы Заңының 10-3-бабы 2-тармағының 14) тармақшасына сәйкес республикалық маңызы бар қалалардың, астананың, аудандардың, облыстық маңызы бар қалалардың жергілікті атқарушы органдары осы Заңда айқындалған шарттарда және тәртіппен мемлекеттік тұрғын үй қорынан тұрғынжайларды жекешелендіруді жүзеге асырады.       Осыған байланысты қаулы жобасында ЖАО мүлікке қатысты есепке алуды, сақтауды және одан әрі пайдалануды жүзеге асыратын олардың түрлерін тұрғын үй жылжымайтын мүлікпен толықтыру көзделеді.      Сот актілерін жедел орындау және тасымалдауға мемлекеттік бюджет қаражатын үнемдеу мақсатында алкоголь өнімін, этил спиртін, темекі және темекі бұйымдарын ЖАО құзыретіне жатқызу ұсынылады.

 

 

Қазақстан Республикасының

Қаржы бірінші вице-министрі                                                                                                                   Б. Шолпанқұлов

 

 

 

 

 

 

 

 

 

 

 

 

 

 

 

Дата публикации

15 февраля 2021