«M.S. Narikbaev atyndaģy KAZGUU Universiteti» акционерлік қоғамы акцияларының мемлекеттік пакетін тікелей атаулы сату туралы

 

 

 

 

 

 

 

 

 

 

«M.S. Narikbaev atyndaģy KAZGUU Universiteti» акционерлік қоғамы акцияларының мемлекеттік пакетін тікелей атаулы сату туралы

 

 

«Мемлекеттік мүлік туралы» 2011 жылғы 1 наурыздағы Қазақстан Республикасы Заңының 105-бабы 4-тармағына сәйкес Қазақстан Республикасының Үкіметі ҚАУЛЫ ЕТЕДІ:

  1. «M.S. Narikbaev atyndaģy KAZGUU Universiteti» акционерлік қоғамының (бұдан әрі – Университет) орнастырылған жай акцияларының жалпы санынан 35 (отыз бес) пайыз мөлшерінде акцияларының мемлекеттік пакетін «Павлодар Білім» жауапкершілігі шектеулі серіктестігіне (бұдан әрі – стратегиялық инвестор) тікелей атаулы сату жүзеге асырылсын.
  2. Стратегиялық инвесторға:

1) 2022 жылғы 31 желтоқсанға дейінгі мерзімде 45000000 (қырық бес миллион) теңге мөлшерінде инвестициялар енгізу;

2) 2021-2025 жылдар аралығындағы кезеңде жылына кемінде 300 (үш жүз) адам Университет түлектерінің орташа санын қамтамасыз ету;

3) 2030 жылғы 31 желтоқсанға дейін Университет қызметінің бейінін сақтау;

4) 2025 жылғы 31 желтоқсанға дейін Университеттің жұмыс орындарының санын сақтау;

5) 2025 жылғы 31 желтоқсанға дейін штат санының кемінде үштен екісін Қазақстан Республикасының азаматтары болып табылатын Университет қызметкерлерімен қамтамасыз ету;

6) Университеттің заңнамада белгіленген мерзімде 2020 жылғы                                      31 желтоқсандағы жағдай бойынша мынадай салықтар мен бюджетке төленетін басқа да міндетті төлемдер бойынша ағымдағы кредиторлық берешегін өтеуін қамтамасыз ету:

әлеуметтік салық – 7105507 (жеті миллион жүз бес мың бес жүз жеті) теңге;

әлеуметтік аударымдар - 2114900 (екі миллион жүз он төрт мың тоғыз жүз) теңге;

МӘМС-ға аударымдар - 1477501 (бір миллион төрт жүз жетпіс жеті мың бес жүз бір) теңге;

7) 2025 жылғы 31 желтоқсанға дейін Қазақстан Республикасының заңнамасына сәйкес жалақының уақтылы төленуін қамтамасыз ету;

8) 2030 жылғы 31 желтоқсанға дейін сатушының жазбаша келісімімен ғана жекешелендіру объектісін басқаруға беру жөнінде мәмілелер жасау және жекешелендіру объектісін иеліктен шығаруға және кепілге салуға тыйым салу жөніндегі міндеттемелер белгіленсін.

  1. Қазақстан Республикасы Қаржы министрлігінің Мемлекеттік мүлік және жекешелендіру комитеті Қазақстан Республикасының заңнамасында белгіленген тәртіппен осы қаулыны іске асыру бойынша шаралар қабылдасын.
  2. Осы қаулы қол қойылған күнінен бастап қолданысқа енгізіледі.

           

 

Қазақстан Республикасының

         Премьер-Министрі                                                              А. Мамин

 

Қазақстан Республикасының

Премьер-Министрі

А.Ұ.Маминге

 

 

«M.S. Narikbaev atyndaģy KAZGUU Universiteti» акционерлік қоғамы акцияларының мемлекеттік пакетін тікелей атаулы сату туралы» Қазақстан Республикасының Үкіметі қаулысының жобасына

ТҮСІНДІРМЕ ЖАЗБА

 

 

  1. 1. Әзірлеуші мемлекеттік органның атауы

Қазақстан Республикасының Қаржы министрлігі.

  1. Тиісті нормативтік құқықтық актілерге, Қазақстан Республикасы ратификациялаған халықаралық шарттардың нормаларына, сондай-ақ Қазақстан Республикасы қатысушысы болып табылатын халықаралық ұйымдардың шешімдеріне, Үкімет пен Кеңсе басшылығының хаттамалық және өзге де тапсырмаларына сілтеме жасай отырып, жобаны қабылдаудың негізі және/немесе оны қабылдау қажеттілігінің басқа да негіздемесі

Жоба «Мемлекеттік мүлік туралы» Қазақстан Республикасының Заңы 105-бабының 4-тармағына сәйкес, Қазақстан Республикасы Үкіметінің                      2020 жылғы 29 желтоқсандағы № 908 қаулысымен бекітілген Жекешелендірудің 2021-2025 жылдарға арналған кешенді жоспарының                      1.2-тармағын, Қазақстан Республикасының Премьер-Министрдің 2020 жылғы        7 желтоқсандағы № 21-14/5367 тапсырмасы орындау мақсатында әзірленді.

  1. Жоба бойынша қаржылық шығындардың қажеттілігі және оның қаржылық қамтамасыз етілуі, оның ішінде қаржыландыру көзі, сондай-ақ қажет болған жағдайда Республикалық бюджет комиссиясының шешімі (тиісті есептеулер, қаржыландыру көзіне сілтеме, Республикалық бюджет комиссиясы шешімінің көшірмесі міндетті түрде түсіндірме жазбаға қоса беріледі)

Жобаны қабылдау мемлекеттік бюджеттен қосымша шығындарды талап етпейді.

  1. Жоба қабылданған жағдайда болжанатын әлеуметтік-экономикалық және/немесе құқықтық салдарлар

Осы жобаны қабылдау мемлекеттік мүлікті басқарудың тиімділігін одан әрі арттыруға, мемлекеттің ел экономикасына қатысу үлесін қысқартуға, мемлекеттік мүліктің тиімді жеке меншік иелерінің қолына өтуіне және Ұлттық қорды жекешелендіруден түсетін түсімдермен толықтыруға мүмкіндік береді.

Жобаны қабылдау теріс әлеуметтік-экономикалық және/немесе құқықтық салдарға әкеп соқпайды.

  1. Нақты мақсаттар, күтілетін нәтижелердің мерзімі

Жобаны қабылдау «M.S. Narikbaev atyndaģy KAZGUU Universiteti» акционерлік қоғамының орнастырылған жай акцияларының жалпы санынан                35 (отыз бес) пайыз мөлшерінде акцияларының мемлекеттік пакетін «Павлодар Білім» жауапкершілігі шектеулі серіктестігіне тікелей атаулы сатуды жүзеге асыруға мүмкіндік береді.

  1. Жобада қаралатын мәселелер бойынша Президенттің және/немесе Үкіметтің бұрын қабылданған актілері және олардың іске асырылу нәтижелері туралы мәліметтер

Жобада қаралатын мәселелер бойынша Президенттің және/немесе Үкіметтің бұрын қабылданған актілері жоқ.

  1. Енгізілетін жоба қабылданған жағдайда заңнаманы оған сәйкес келтіру қажеттігі (басқа нормативтік құқықтық актілерді қабылдаудың немесе қолданыстағы актілерге өзгерістер және/немесе толықтырулар енгізудің талап етілетінін көрсету) не ондай қажеттіліктің болмауы

Талап етілмейді.

  1. Халықаралық шартты ратификациялау қажеттілігі туралы ақпарат

Халықаралық шарт болып табылмайды.

  1. Қазақстан Республикасы Премьер-Министрі Кеңсесінің Басшысы мен Қазақстан Республикасы Байланыс және ақпарат министрінің 2011 жылғы 20 мамырдағы № 25-1-32қпү/22П-қпү бірлескен бұйрығымен бекітілген «Қазақстан Республикасы Үкіметінің мобильдік кеңсесі» ақпараттық жүйесінде беруге рұқсат етілген қызметтік ақпарат тізбесіне сәйкес мемлекеттік құпия және (немесе) қызметтік ақпарат қамтылған жобаларды қоспағанда, жобаларды және оларға материалдарды Үкімет мүшелерінің мобильдік құрылғыларына «Қазақстан Республикасы Үкіметінің мобильдік кеңсесі» ақпараттық жүйесі арқылы беру мүмкіндігі

Рұқсат етіледі.

  1. Жобаны мемлекеттік органның интернет-ресурсында
    (веб-сайтта, интернет-порталда, сондай-ақ ашық нормативтік құқықтық актілердің интернет-порталында орналастыру туралы ақпарат (күні, байт саны)

Жоба мемлекеттік органдардың интернет-ресурстарының бірыңғай тұғырнамасында (www.gov.kz) 2020 жылғы 5 қарашада орналастырылған, ашық нормативтік құқықтық актілердің интернет-порталында (http://legalacts.egov.kz) орналастыру талап етілмейді.

  1. Тауарларды сатуға, көрсетілетін қызметтерге немесе зияткерлік меншік құқықтарына қатысты жобаны, сондай-ақ әлеуметтік мәні бар қаулының жобасына баспасөз релизін орналастыру туралы ақпарат уәкілетті мемлекеттік органдардың интернет-ресурстарында орналастырылады

Талап етілмейді.

  1. Жобаның Қазақстан Республикасы ратификациялаған халықаралық шарттарға және Қазақстан Республикасы қатысушысы болып табылатын халықаралық ұйымдардың шешімдеріне сәйкестігі

Сәйкес келеді.

  1. Үкіметтің актісін қолданысқа енгізуге байланысты жеке кәсіпкерлік субъектілері шығындарының азаюын және (немесе) ұлғаюын растайтын есептеулердің нәтежелері

Талап етілмейді.

  1. Қазақстан Республикасы Ұлттық кәсіпкерлер палатасының және жеке кәсіпкерлік субъектілерінің аккредиттелген бірлестіктерінің сараптамалық қортындыларымен келіспеу себептерінің негіздемесі

Талап етілмейді.

 

 

Қазақстан Республикасының

Қаржы министрі                                                        Е. Жамаубаев

Дата публикации
04 февраля 2021