Ғабит Мүсірепов атындағы ауданда интернеттегі алаяқтық құрбандарының санының артуына байланысты және алдын алу мақсатында аудан прокуратурасының тапсырысы, полиция бөлімінің қатысуымен және аудан әкімдігінің қолдауымен интернет желісіндегі алаяқтық фактілері туралы бейнеролик түсірілді. Аудандық мәдениет үйінде халықты, еңбек ардагерлерін, мекемелер мен ұйымдардың ұжымдарын шақыра отырып, осы бейнероликтің тұсаукесер-көрсетілімі ұйымдастырылды. Жоғарыда аталған тақырып бойынша бейнероликті көргенге дейін аудан прокурорының орынбасары А. О. Жүнісов және жергілікті полиция қызметінің бастығы Т.Е. Мақашев сөз сөйледі. Бейнероликті көргеннен кейін залда жиналғандарға «Мошенники» хикаясының бірінші сериясын көру мүмкіндігі ұсынылды.
