А.ж. 20 мамырында «Діни және құқықтық сауаттылықты арттыру, діни экстремизмнің алдын алу бойынша ақпараттық-түсіндіру жұмыстарын ұйымдастыру» мемлекеттік әлеуметтік тапсырысы аясында «Демеу» балалық шақ мәселелері жөніндегі үйлестіру орталығы» Новоишим аграрлық-техникалық колледжінің студенттерімен «Конфессияаралық келісім», «Деструктивті діни ағымдардың қауіптілігі» тақырыбында кездесу өткізді. Іс-шара барысында қатысушыларға конфессияаралық келісімнің елдегі қоғамдық тұрақтылықтың, бейбітшілік пен бірліктің маңызды факторы ретіндегі маңызы туралы ақпарат ұсынылды. Сондай-ақ, кездесу аясында деструктивті діни ағымдардың әсер етуінің негізгі белгілері мен әдістері, олардың жеке адамға, отбасына және қоғамға теріс әсері қарастырылды. Өткізілген іс-шара жастардың діни және құқықтық сауаттылығын арттыруға, сондай-ақ деструктивті діни ұйымдарға тартудың алдын алуға ықпал етті.
