GOV.KZ – Мемлекеттік органдардың цифрлық ресурстарының бірыңғай платформасы
«Ұйқас өру» ойыны – Глубокое ауданынан шыққан
алғашқы зияткерлік еңбек "№1 Белоусовка орта мектебі"КММ қазақ тілі мен әдебиеті пәнінің мұғалімі, педагог-зерттеуші Ардақ Айтқазықызы Тауданбекова дайындаған «Ұйқас өру» үстел ойыны – Глубокое ауданы бойынша зияткерлік меншік құқығын иеленген алғашқы мұғалімнің еңбегі. Бұл ерекше жоба Қазақстан Республикасының Әділет министрлігі «Ұлттық зияткерлік меншік институты» РМК-дан «Авторлық құқықпен қорғалатын объектілерге құқықтардың мемлекеттік тізіліміне мәліметтерді енгізу туралы» куәлікпен расталды.
Бұл жетістік Ардақ Айтқазықызының шығармашылық еңбегінің жоғары бағаланғанының дәлелі ғана емес, сонымен бірге аудандық білім беру саласының жаңашылдыққа деген ұмтылысының нәтижесі. Осындай еңбек жас ұрпаққа қазақ поэзиясын дәріптеуге, ұлттық құндылықтарды насихаттауға және шығармашылық қабілеттерді дамытуға ерекше ықпал етеді.
Аудандық білім бөлімі
Қазақ тілі мен әдебиеті пәнінің әдіскері Нұрахметова Ж.М
Шығыс Қазақстан облысындағы мектепке дейінгі ұйымдар 2024-2025 оқу жылына балаларды топтастыру бастады.
Жолдамалар Бірыңғай кезектілік базасында базасында беріледі. Жолдама берудің басталу күні қосымша хабарланады.
Егер кезекке тұрған балабақшада бос орын пайда болса және балаңыздың кезегі келсе, жолдама Сіздің нөміріңізге 1414-тен SMS хабарлама арқылы келеді.
Жолдаманын келгенін eGov Mobile қосымшасы арқылы да тексере аласыз. Ол үшін eGov mobile қосымшасының басты бетінде Bilim бөліміне кіріңіз, жоғары жағындағы қоңырау белгішесіне басыңыз. Егер шешім қабылдап SMS-ке жауап беріп қойсаңыз, eGov mobile-да жауап бере алмайсыз.
Мұндай хабарлама balabaqsha.snation.kz порталына да келеді. Порталда «Өтініштер» бөлімінде жауап беруге болады.
Ата-ана SMS немесе портал арқылы 2 күнтізбелік күн ішінде SMS/хабарламаға жауап беруі керек.
Жолдаманы алуға келіскен жағдайда сізге келесі қадамдар сипатталған жаңа хабарлама келіп түседі:
- Жолдама тек 5 жұмыс күнге жарамды.
- Осы 5 жұмыс күні ішінде балаңызды медициналық тексерістен өткізу қажет.
- Осыдан кейін egov.kz немесе balabaqsha.snation.kz порталы арқылы қажетті құжаттарды тіркей отырып «Балабақшаға қабылдау үшін құжаттарды қабылдау» қызметіне өтініш беру керек:
- № 065/е нысанды профилактикалық екпелердің картасы;
- № 052-2/у нысандағы «Бала денсаулығы паспорты»;
- № 027/е нысанындағы анықтама;
- ПМПК қорытындысының (мүмкіндігі шектеулі балалар үшін) электронды көшірмесі;
- әскери қызметшінің немесе арнаулы мемлекеттік органдардың, құқық қорғау органдарының, фельдъегерлік байланыс қызметкерінің жұмыс орнынан берілген, уәкілетті адамның қолымен және мөрімен расталған анықтаманың электронды көшірмесі (берілген күннен бастап бір ай ішінде жарамды);
- ұйым басшысының мөрімен және қолымен расталған педагогтің, медициналық қызметкердің жұмыс орнынан анықтама (берілген күннен бастап бір ай ішінде жарамды).
Егер жолдамадан бас тартсаңыз «Жоқ» деп басып, шешіміңізді растаңыз. Бұл балабақшадағы сіздің кезегіңіз жойылады
1 сәуірден бастап балаларды бірінші сыныпқа қабылдау үшін өтініштер қабылданады және қабылдау 2024 жылдың 31 тамызына дейін жалғасады.
Балаларды мектепке қабылдау тәртібі 2018 жылғы 12 қазандағы № 564 бұйрықпен бекітілген Үлгілік қағидаларда айқындалған.
2024 жылдан бастап құжаттарды қабылдау мерзімі күнтізбелік жылдың 31 тамызына дейін ұзартылды;
Бірінші сыныпқа алты жастан бастап даярлық деңгейіне қарамастан балалар және ағымдағы күнтізбелік жылы алты жасқа толатын, білім беру ұйымының қызмет көрсету аумағында тұратын балалар келесі құжаттарды ұсынумен қабылданады:
мәлімдеме;
өлшемі 3х4 см баланың суреті (2 дана);
«Бала денсаулығының паспорты» 052-2/у нысанды анықтама.Денсаулық сақтау министрлігінің мәлеметі бойынша, биылғы жылдан бастап «Бала денсаулығының паспортыy»ақылы түрде сатып алудың қажеті жоқ. Баланың денсаулық паспортын баланың тіркелген жері бойынша емханалар мөрі бар анықтама түрінде тегін беретін болады.
Ағымдағы жылда Оқу-ағарту министрлігіменegov.kz«электрондық үкіметтің» веб-порталы ырқылы мемлекеттік қызметтің бизнес-процесі жаңартылды:
микроучаскеге байланысты автоматты түрде мектепті таңдау қарастырылған. (Білім беру ұйымына қызмет ету аумағы республикалық маңызы бар қалалардың, астананың, аудандардың (облыстық маңызы бар қалалардың) білім беруді басқару органдарының бұйрығымен бекітіледі);
сынып жинағы автоматты түрде қалыптасады;
білім беру ұйымымен келісім-шарт «электрондық үкімет» порталы арқылы электрондық форматта жасалатын болады (бірінші сыныпқа қабылдау туралы бұйрықтан кейін ата-анаға білім беру ұйымымен отыруға келісім-шартқа танысу және қол қою үшін СМС хабарлама келеді. Білім беру ұйымы бірінші сыныпқа қабылдау туралы бұйрықты ағымдағы жылғы 25 тамыздан кейін шығарады).
Сонымен қатар, білім беру ұйымдарына артық құжаттарды,оның ішінде«Баланың туу туралы куәлігін»талап етуге тыйым салынғанын хабарлаймыз.
Хабарландыру
Оқушылардың, студенттердің, ата-аналардың, мұғалімдердің назарына! ШҚО білім басқармасы өмірлік қиын жағдайға тап болған адамдарға шұғыл психологиялық, заңгерлік көмек көрсету бойынша тәулік бойы жұмыс істейтін сенім телефоны желілері жұмыс атқаруда.
Байланыс телефондарының нөмірлері және ұйымдардың деректері:
Жұмыс уақытында 09.00 ден 18.30 дейін, түскі үзіліс – 13.00-14.30:
- 8 (7232) 700 800 – ШҚО білім басқармасының бірыңғай байланыс орталығы;
Күнделікті 09.00 ден 20.00 дейін, түскі үзіліссіз және демалыссыз:
- 87076629513 – «Қазақстанның болашағы үшін» Өскемен жастар қоғамдық бірлестігі, қызмет бағыттары -мемлекеттік жастар саясатын іске асыру, жастардың белсенді және шығармашылық дамуы үшін қажетті жағдайлар жасау. Мақсаттары ішінде - консультациялық және ақпараттық-анықтамалық қызметтер көрсету, халықты әлеуметтік және құқықтық қорғау орталықтарын құру және т. б.
Тәулік бойы:
- 8 (7232) 266892, 8 7079073350 – өңірлік психологиялық қолдау және көмек орталығының сенім телефоны.
Міне, тағы да жылдың соңы.
Біз 2023 жылы не істедік? Қандай жетістіктерге жеттіңіз?
Біз ұстаздарымыз бен олардың оқушыларының жетістіктерін еске аламыз.
Естеріңізге сала кетейік, көптеген жылдар бойы біздің Глубокое ауданы бойынша білім бөлімі "Өрлеу "БАҰО" АҚ Шығыс Қазақстан облысы бойынша кәсіптік даму институты филиалымен тығыз байланыста жұмыс істеп келеді.
Осы жылы ауданымыздың педагогтарының кәсіби шеберлігін арттыру бойынша үлкен жұмыс жүргізілді. Кафедра оқытушыларымен және әдіскерлерімен бірлесіп облыстық практикалық семинарлар өткізілді:
* "Орыс тілі мен әдебиеті сабақтарында оқу сауаттылығын қалыптастырудың өзекті мәселелері".
* "Пәндерді оқытудың тиімділік деңгейін арттыру үшін педагогтердің функционалдық сауаттылығын жетілдіру".
* "Функционалдық сауаттылық оқушылардың білім беру қызметінің сапасын арттыру шарты ретінде".
• "Оқушылардың оқу сауаттылығын дамыту бойынша тіл пәндері мұғалімдерінің кәсіби құзыреттіліктерін жетілдіру".
Біздің педагогтар мектепке дейінгі, орта, қосымша, техникалық және кәсіптік, жоғары білім беру ұйымдарына арналған "педагогикалық идеялар панорамасы" Республикалық бейнесабақтар мен бейне дәрістер конкурсының өңірлік кезеңінде белсенді қатысып, жүлделі орындарға ие болды.
Қазақстан Республикасының Білім министрі 2023 жылғы 18 тамызда бекіткен ұйымдастыру іс-шараларының жоспарын іске асыру, сондай-ақ облыс педагогтеріне әдістемелік сүйемелдеу көрсету мақсатында 2023 жылғы 6-8 желтоқсан аралығында "Уварово ОМ" КММ базасында "ОЖБМ қағидаттары негізінде білім алушылардың функционалдық сауаттылығын қалыптастыру стратегияларын қолдану" практикалық семинары өткізілді, жауапты куратор: Егорина Л. В., "Өрлеу "БАҰО" АҚ ШҚО бойынша ОЖБ филиалының мектепке дейінгі және бастауыш оқытуды оқыту әдістемесі кафедрасының аға әдіскері. Іс-шара барысында аудан педагогтары өзекті тақырыптар бойынша 27 практикалық сабақтар мен мастер-класстар өткізді.
Глубокое ауданының білім бөлімі қызметкерлерінің, педагогтарының атынан "Өрлеу" біліктілікті арттыру ұлттық орталығы" АҚ Шығыс Қазақстан облысы бойынша кәсіби даму институты филиалына біздің мұғалімдеріміздің жемісті ынтымақтастығы, қолдауы және жұмысына жоғары баға бергені үшін алғыс айтқымыз келеді.
Біз облыс мұғалімдері арасында инновациялық идеяларды таратуға және өрлеумен бірге бір қадам алда болуға әрқашан дайынбыз!
@orleuvko
@orleu.edu.kz
Шығыс Қазақстан облысы білім басқармасының "Глубокое ауданы бойынша білім бөлімі" мемлекеттік мекемесі 2023 жылғы 02 қазан мен 20 қазан аралығында сыбайлас жемқорлық тәуекелдеріне ішкі талдау жүргізілетінін хабарлайды! Сұрақтар немесе ұсыныстар туындаған жағдайда телефон арқылы хабарласуыңызды сұраймыз 8/72331/2-34-74, электрондық мекен-жайы glubokoeroo@yandex.kz
