Елде жүзден астам сирек металл кен орны анықталды - 24.kz
Мемлекет басшысы былтырғы Жолдауында 2026 жылға қарай 2 млн шаршы шақырымнан астам аумақты барлау жөнінде тапсырма берді. Бүгінде елде ең маңызды 34 металдың 19 түрі өндіріледі. (ГРАФИКА) Ал әлемдегі сұраныс артқан сайын Үкімет те бұл тізімді кеңейтуге күш салып отыр. Өнеркәсіп және құрылыс министрлігі ұсынған ақпарат бойынша елде 100-ден астам сирек металл кен орны анықталды. Қазір 2 млн тоннадан астам вольфрам, 1 млн тонна молибден мен 227 мың тонна литий барланды. Сонымен қатар жер қойнауында тантал, ниобий, бериллий сынды металдардың мол қоры бар.
Сирек металдар мұнайдың алдын орайтын күн жақын. Сарапшылардың болжамына сүйенсек, алдағы 2-3 жылда литийге әлемдегі сұраныс екі есе өседі. Ал кобальт металы 70 пайызға қымбаттауы мүмкін. Сондықтан қазір сирек металдар «жаңа дәуірдің мұнайы» деп те айтылып жүр. Мәселен, осмий-187 элементінің бір грамының биржадағы құны 10 мың доллардан басталады. Ал калифорния металы одан да қымбат. Ашық дерек көздерінде 1 грамы 4 млн долларға бағаланған. Өркениет алға басқан сайын металдар бағасы да өсе бермек. Өйткені бұл металдар жоғары технологиялық жабдықтарда кеңінен қолданылады.
Толығырақ:
https://www.youtube.com/watch?v=5Usrb3nrrBk&t=1s