Экология, геология және табиғи ресурстар Вице-министрі профессор Жолтаев Герой Жолтайұлын "Еңбек ардагері" медалімен марапаттады

Бүгін өзінің 80 жылдығын геология-минералогия ғылымдарының докторы, профессор, Халықаралық Инженерлік академияның, Халықаралық минералдық ресурстар академиясының және Қазақстан Республикасы Ұлттық Инженерлік академиясының академигі Жолтаев Герой Жолтайұлы атап өтуде.

Экология, геология және табиғи ресурстар Вице-министрі Серікқали Аманғалиұлы Брекешев профессор Жолтаев Герой Жолтайұлын салтанатты түрде "Еңбек ардагері" медалімен марапаттады. Профессор Жолтаев Қазақстанның мұнай-газ геологиялық ғылымы мен мұнай-газ саласының дамуына үлкен үлес қосты. Сондай-ақ, ол жасаған Қазақстанның палеозой шөгінді бассейндерінің геодинамикалық модельдері көптеген мұнай-газ және мұнай мен газға перспективті аумақтардың геологиялық құрылымы туралы қалыптасқан түсініктерді жаңаша қайта қарауға, шөгінді бассейндердің литологиялық-стратиграфиялық кешендерінің мұнай-газ  әлеуетін сараланған бағалауды жүзеге асыруға, бұрын перспективасыз деп саналған алаңдарда мұнай мен газды іздестіру жұмыстарын жүргізуді ұсынуға мүмкіндік берді, Мұнай және газ кен орындары құрылысының жаңа модельдерін жасау және Каспий маңы синеклизінде, Бозашыда, Оңтүстік Маңғышлақта және Зайсанда Мұнай және газ кен орындарын орналастырудың жаңа заңдылықтарын анықталған. Ол айтқан көптеген теориялық ережелер Жаңажол, Әлібекмола, Лактыбай, Жаңатан, Ақжар, Ізембет, Кеңқияқ, Теңіз және басқа аудандардағы сейсмикалық және бұрғылау мәліметтерімен расталған. Геология комитеті профессор Жолтаев Герой Жолтайұлын еңбегі үшін алғыс білдіреді және медаль алуымен құттықтайды, еңбекте үлкен табыстар тілейді!