2017 жылғы 27 желтоқсандағы № 125-VІ ҚРЗ «Жер қойнауы және жер қойнауын пайдалану туралы» Қазақстан Республикасының Кодексінің 75-бабының 3-тармағына сәйкес, сақтау, жинақтап қорыту, жүйеге келтіру және мүдделі тұлғаларға беру үшін меншіктегі, сондай-ақ мемлекеттің иеленуі мен пайдалануындағы геологиялық ақпаратты жинауды ұлттық оператор жүзеге асырады.
Қазақстан Республикасы Үкіметінің 2018 жылғы 25 маусымдағы №376 қаулысының 3-тармағына, сондай-ақ, Қазақстан Республикасы Инвестициялар және даму министрінің 2018 жылғы 24 мамырдағы №377 бұйрығына сәйкес, сақтау, жинақтап қорыту, жүйеге келтіру және геологиялық ақпараттарды беру бойынша ұлттық оператор «Қазгеоақпарат» республикалық геологиялық ақпарат орталығы» ЖШС болып табылады.
Геологиялық ақпаратты алу үшін Нұр-Сұлтан қаласы, А. Мамбетов көшесі, 32 мекенжайындағы, тел.: 8(7172) 57-93-34, delo@geology.kz «Қазгеоақпарат РГАО» ЖШС жүгіну қажет.
Сонымен қатар, Қазақстан Республикасы Инвестициялар және даму министрінің 2018 жылғы 24 мамырдағы №380 бұйрығымен бекітілген Меншіктегі, сондай-ақ мемлекет иеленуі мен пайдалануындағы геологиялық ақпаратты есепке алу, сақтау, жүйеге келтіру, жинақтап қорыту және беру қағидасының 35-тармағына сәйкес заңды немесе жеке тұлғалар геологиялық есептің толық көшірмесін алу қажеттілігін айқындау үшін геологиялық есептің жалпы бөлімімен ақысыз негізде «Солтүстікқазжерқойнауы» ӨД танысуға мүмкіндік беріледі.