Ұлытау облысында браконьерлік фактісі анықталды

Ағымдағы жылдың қараша айында Ұлытау облысы ПД қызметкерлері мен ҚР ЭТРМ Орман шаруашылығы және жануарлар дүниесі комитетінің «ОХОТЗООПРОМ» РМКК инспекторлары бірлескен рейдтік іс-шаралар өткізді.
22 қараша күні Ұлытау ауданының Сарыкемер елді мекені маңында Toyota Land Cruiser 80 маркалы автокөлік тексеру үшін тоқтатылды. Көлікті тексеру барысында 5 қапқа салынған бөлшектелген жануарлардың еті мен терілері (алдын ала киік), МР-153 маркалы 12 калибрлі аңшы мылтығы және осы қаруға арналған 22 оқ-дәрі табылды.

Барлық айғақтар тәркіленіп, оқиға фактілері құжатталды. Материалдар тергеу жүргізу және Қазақстан Республикасының заңнамасына сәйкес тиісті шаралар қабылдау үшін ішкі істер органдарына жолданды.